Þið settuð heila þjóð á hausinn en þið gerðuð ekkert rangt!

 Það var ekki brugðist við okkar áhyggjum með neinum hætti, sem er eiginlega með ólíkindum í ljósi þess að Kaupþing var langsamlega stærsti banki landsins. Áhyggjurnar voru líka á rökum reistar, eins og síðar kom í ljós.“

Þessi orð koma frá manni sem stýrði stærsta banka landsins. Manni sem kannast ekki við að bera ábyrgð á neinu. En fékk greidd gríðarleg laun vegna ábyrgðar sem á herðum hans hvíldu.

Það er mín persónulega skoðun að það eigi að handjárna alla HUGSANLEGA landráðamenn og ef þeir eftir dóm hafi verið ranglega ásakaðir hljóti góðar bætur. En þegar fjárglæframenn sem settu ófæddar kynslóðir í þrælafjötra geysast fram á fjölmiðlasviðið í skjóli eigna og valda til þess að senda þjóðinni puttann og tjá henni um leið að þeir hafi spilað eftir leikreglunum sem þeirra menn hafi sett, já þá er komið nóg. 

Þið getið ráðið ykkur leikstjóra til að skipuleggja hvernig þið komið fyrir í Kastljósi. Þið getið ráðið ykkur topplögfræðinga og PR menn. Þið getið auglýst heilu opnurnar í fjölmiðlum ykkar og vinanna.  Þið getið komið þar fram og sagt að þið gerðuð ekkert ÓLÖGLEGT!

En ekkert ykkar skítseiðanna á nokkurn tímann til með að geta horft framan í nokkurn annan Íslending án þess að finna fyrir veruleikafyrrtu og græðgislega eðli þínu. Nema þú sért algerlega siðlaus skíthæll. Sem mig grunar að þú sért.

 Vertu áfram stoltur af því að hafa ekki brotið lög. Vertu stoltur af sjóðunum þínum. Vertu stoltur af því að ófædd börn erfa skuldir „ekki“ glæpa þinna.

Þú þarft líka að vita það að nú þegar hefur fólk svift sig lífi vegna þess að það trúði því sem þú lést fólk segja þeim. Þú mátt vita það að undirmenn þínir þurftu áfallahjálp þegar þeir komust að því að þeir voru búnir að draga alla fjölskylduna sína í plottið þitt.

Plottið þar sem 4 milljarðar urðu 15 milljarðar. Og svo framvegis. Þar til Garðar Hólm opinberaðist. Fölsk söngrödd. 

Haltu áfram að koma fram og markaðssetja þig. Kenndu alþjóðafjármálahruninu um. Segðu áfram að eignir dugi fyrir skuldum. Segðu áfram að fyrirtækið hafi verið vel rekið. Haltu áfram að markaðssetja þig sem fórnarlamb alþjóðakreppu.

Á sama tíma og þú baktryggir þig með því að skrá eignir þínar á aðra. Og markaðssetur þig sem alþýðumann með því að ferðast á almennu farrými.

Veistu hvað? Við sjáum í gegnum þig. Þú ert ekki Íslendingur. Þú ert Églendingur.

Þeir taka þetta til sín sem eiga. 

Ekki brugðist við varúðarorðum

Smjörfjall Davíðs - fjörið er rétt að byrja

Nú veit ég ekki hvort Davíð hafi gert eins og Bjarni Ármannsson, fengið sér leikstjóra til að undirbúa Kastljósviðtalið. Vonandi hefur hann þá ekki borgað mikið fyrir leikstjórnina því hann hafði engan veginn stjórn á hroka sínum og yfirlæti. En ég ætla ekkert að velta fyrir mér viðtalinu hér enda bara búinn að hlusta tvisvar á það þannig að það bíður betri tíma.

Smjörklípan sem ég beið eftir, bomban sem ég hélt að hann myndi varpa kom aldrei! Í staðinn greip hann til klasasprengjutækninnar og varpaði fullt af litlum smjörklípum sem þjóðin jórtrar núna á hissa í framan og er veltandi fyrir sér meðan stóru spurningarnar falla í gleymsku. Sennilega geymir Davíð heilt smjörfjall í frysti í Seðlabankanum og ætlar að verjast þar þangað til að Alfreð Þorsteinsson kemur á hvíta hestinum honum til bjargar.

Hvort mylsnan sem Davíð bauð upp á dugar til að beina athyglina frá honum er ólíklegt en hann sýndi það að allt sé fyrr fórnanlegt fyrr en kemur að honum. Já, eins og einn forystumanna Sjálfstæðisflokksins sagði um daginn: „Þetta eru spennandi tímar!“

Svo er náttúrulega ekkert skrítið við 18% stýrivexti ef þeir gilda ekki um pólitíkusa og vildavini þeirra.

 

Gæti talist mútuþægni

Efnahagslíf - hvernig skilja 11 ára gömul börn efnahagslíf.

Óli er 11 ára og stundar nám sitt vel í skólanum. Einn daginn spyr kennarinn nemendur sína hvort þeir vita hvað efnahagslíf er.
Nemendurnir vissu það ekki en kennarinn sagði þeim að reyna við spurninguna og þau mættu fá aðstoð heima og svara  spurningunni næsta dag.
Óli vellti þessu mikið fyrir sér en að lokum ákvað hann að spyrja pabba sinn. Pabbinn svaraði  Óli minn - Ég er auðvaldið af því að ég á alla peninganna, Mamma þín er ríkisstjórnin því að hún ræður öllu, Sigga vinnukona er alþýðan af því að hún þrífur hjá okkur, þú Óli minn er æskan og hann Palli eins árs gamli bróðir þinn er framtíðin.
Óli skildi þetta ekki alveg en um kvöldið þegar hann fór að sofa var hann mjög hugsi hvernig efnahagslíf virkilega virkaði. Hann vaknaði um nóttina við það að Palli litli bróðir var hágrátandi og fór inn til hans og sá þá að hann var búin að skíta upp á bak. Hann fór inn til mömmu sinnar og reyndi að vekja hana en hún svaf og hraut svo mikið að henni var ekki haggað og pabbinn var ekki í rúminu. Óli fór að athuga hvar pabbi hans væri og fann hann inn í eldhúsi að ríða Siggu vinnukonu upp á eldhúsborði. Hann fór inn í herbergi til Palla og þreif hann og litli bróðir sofnaði aftur og Óli fór svo aftur að sofa.
Næsta dag í skólanum spurði kennarinn hvort að einhver hefði getað leyst spurninguna hvað er efnahagslíf. Enginn nemandi gat svarað en þá sagði Óli ég held  að ég skilji þetta.  EFNAHAGSLÍF ER: Á meðan að auðvaldið nauðgar alþýðunni sefur ríkisstjórnin og æskan þarf að þrífa upp skítinn fyrir framtíðina.
Er þetta- ÍSLAND Í DAG?

(Var sent þetta og ákvað að setja inn hér, finnst það eiga vel við).

Íslenskir neytendur svartsýnir

Þjóð í gíslingu Framsóknarmafíunnar

Reykjavíkurborg hefur verið í gíslingu í krafti 6,3% fylgis Framsóknarmafíunnar um nokkurt skeið. Kostnaðurinn við það er ekki einn 90 þús. króna matarfundur framsóknarmanna tekið úr vösum skattborgara. Kostnaðurinn er heljarinnar hlaðborð bittlinga vinargreiða og spillingarsukks sem er allt sem þessi mafía hefur staðið fyrir sl. áratugi. Hvers vegna er td. Guðlaugur stjórnarformaður OR í þeim stól? Hvað gerði hann hæfastan í það embætti? Það að vera 14. maður á lista framsóknar? Hvað gerði Finn Ingólfsson að eigenda allra hitaveitumæla landsins og einráðan á sviði bifreiðaskoðunar?

Nú heldur þetta gamla spillingarsvín sem Framsókn er heillri þjóð í gíslingu. Gömul svín á nýjum belgjum. Það hefur ekkert breyst með nýjum formanni enda er hann ekki við stjórnartaumana. Þeir sem ráða í þessum flokki heita Alfreð Þorsteinsson, Finnur Ingólfsson og meðbræður í jötuátinu. Svo er fylgið að fara upp á við hjá þessari þjóðarblóðsugu. Hafa Íslendingar svona miklar mætur á því að láta taka sér blóð?

Framsókn skekur ríkisstjórnina

Afsettur ráðherra með stórhvalalegan kosningavíxil.

Sjálfur hef ég ekkert á móti hvalveiðum ef þær eru byggðar á sjálfbærum veiðum. Tel raunar að hvalveiðar eigi að hefjast aftur. Hvort sé markaður fyrir kjötið er svo annað mál. Eins spurning hvort þetta skapi tekjur eða skaði landið. En ráðherra á síðasta söludegi sem tekur svona afdrifaríkar ákvarðanir er að sýna af sér umboðslausa stórkallalega valdníðslu.

Alvarlegt ef ný stjórn bannar hvalveiðar

Hvað kemur kynhneigð embætti forsætisráðherra við?

Liggja einhverjar annarlegar hvatir á bak við að draga það fram í dagsljósið að Jóhanna sé samkynhneigð? Getur verið að þetta séu lævís meðöl lúsersins sem sættir sig ekki við að halda ekki lengur þjóðinni í greipum heljar? Er verið að gera lítið úr persónu hennar og hæfileikum? Nú er ég ekkert viss um að Jóhanna valdi þessu starfi þó traust sé og samkvæm sjálfri sér.  En það verður þá ekki vegna kynhneigðar hennar.

Jóhanna vekur athygli

Samfylkingin fyrst - fólkið svo? Þrautseturassar á þingi.

Ágúst Ólafur hefur verið að mæta á borgarafundi, svara skýrt og láta í ljós skoðanir sem hafa ekki hugnast forystunni. Af sennilega þeirri ástæðu var hann á sínum tíma sniðgenginn við úthlutun ráðherraembætta þrátt fyrir að vera varaformaður flokksins. Nú eru tveir ungir og hæfir Samfylkingarmenn flúnir frá borði. Flokkseigendaklíkan rígheldur um völdin og ætlar að gera það áfram. Hvort það verði fólkinu í landinu til góða á eftir að koma í ljós. En einhvernveginn held ég að þrautseturassar gamalla áskrifenda á þingsetu hafi ekki vald á þeim sópum sem við þurfum á að halda núna. Skiptir þá engu úr hvaða flokki þeir rassar koma.

Ég er ekki að fara í fússi

Við stjórnum núna - það skiptir ekki máli hvaða dúkkur eru ráðherrar.

Þetta eru nokkurn veginn skilaboðin sem IMF er að senda. Þeir ætla að heimsækja skerið um miðjan febrúar og ef við erum ekki stillt og að gera það sem þeir vilja verður ekki um frekari fjárveitingar að ræða. Þannig að það skiptir engu hvaða flokkar verða við stjórn. Ef þeir ekki beygja sig er game over hjá IMF.

En okkur venjulega fólkinu í landinu skiptir engu máli frá hvaða flokki ráðherrar landsins koma eða hvað liggur að baki stefnumörkun IMF. Okkur skiptir mestu máli hvort við verðum fær um að bjarga húsnæðinu okkar. Hvort við eigum möguleika á atvinnu í nánustu framtíð. (Þe. við sem erum orðin atvinnulaus.) 

Það sem Sjálfstæðisflokkurinn er ekki að skilja í þessu nei þú, nei þú, nei þú, við fyrrverandi samstarfsflokk er að okkur, fólkinu í landinu gæti ekki verið meira sama hver ber sökina á að ríkisstjórnarsamstarfið sé sprungið. Það skiptir okkur engu máli hvort það hafi orðið trúnaðarbrestur, hvort Samfylkingin sé einn eða þrettán flokkar, hvort að Sjálfstæðisflokkurinn hafi verið tilbúinn til að gefa Samfylkingunni eftir stól dýralæknisins. 

Það sem skiptir okkur máli er að halda virðingu okkar. Það fæst með því að geta brauðfætt fjölskylduna. Staðið undir skuldbindingum. Haft það á tilfinningunni að það sem maður gerði skipti máli.

Flokkar sem að svipta mann þessu hvort sem sé þeim eða þeim sem þeir leyfðu að gera það að kenna, eiga ekkert erindi í ríkisstjórn landsins. 

Ég er mjög hræddur um að nú sé verið að gera „heilaga“ Jóhönnu að einhverju sem hún ræður ekki við. Enda risavaxið verkefni framundan. En af stjórnmálamönnum á þingi treysti ég henni best varðandi hversu velmeinandi hún er. Hins vegar hef ég enga trú á að hún ráði við svona risavaxið verkefni. Til þess þarf sérfræðingastjórn okkar besta fólks.

IMF: Áætlunum sé fylgt eftir

jibbíí....... eða úps?

Jæja stjórnin fallin. Hálfömurlegt að það hafi verið á þeim forsendum hver vermdi forsætisráðherrastólinn. Voru ekki önnur atriði nægilega merkileg til að fella stjórnina. Atriði eins og vanhæfni ríkisstjórnarinnar. Getuleysið til að miðla upplýsingum til almennings. Sök þeirra á efnahagshruninu. Umboðsleysið eftir hrunið.

 Svo er bara að sjá hvað flokkseigendafélögin ná að sjóða sama. Þjóðstjórn er nýtt nafn á sama graut í sömu skál. Vinstri grænir eru að vísu titrandi af spenningi yfir ráðherrastólum þannig að þeir fást á brunaútsölu í boði Framsóknar. Væri ekki best að auglýsa eftir hæfu fólki í atvinnuauglýsingum? 

Stjórnarsamstarfi lokið

Er furða þó það sé hlegið af okkur?

Á þessum lista í Guardin eru nokkri bandaríkjamenn með fyrrum Seðlabankastjóra Alan Greenspan í fararbrodddi ásamt 2 síðustu forsetum. Gordon Brown ásamt nokkrum breskum bankastjórum. Og svo einn Íslendingur Geir Hilmar Haarde. Enginn Þjóðverji eða Frakki. Enginn Dani eða Svíi. Þetta er listinn yfir þá 25 menn sem bera ábyrgð á heimshruninu. Það að Geir sé á þessum lista sýnir hversu stórt mál Icesave og Edge glæpir bankamanna eru. Greinin hér.

Á öðrum lista eigum við líka einn fulltrúa. Listanum yfir verstu bankamenn heimsins. Og hann trónir þar á toppnum með afgerandi forystu. Með 42.35% atkvæða. Maðurinn er samt dýralæknir. Það er kannski þess vegna sem hann er svona sterkur á listanum. Greinin hér.

 

Svona fyrir þá sem ekki vita það eru þetta sömu mennirnir og telja sig hæfasta til að koma efnahag landsins og þjóðinni til hjálpar. Umheimurinn er greinilega ekki á sama máli og þeir. En þú?

 

Geir Haarde sagður ábyrgur fyrir hruninu