Hvað kemur kynhneigð embætti forsætisráðherra við?

Liggja einhverjar annarlegar hvatir á bak við að draga það fram í dagsljósið að Jóhanna sé samkynhneigð? Getur verið að þetta séu lævís meðöl lúsersins sem sættir sig ekki við að halda ekki lengur þjóðinni í greipum heljar? Er verið að gera lítið úr persónu hennar og hæfileikum? Nú er ég ekkert viss um að Jóhanna valdi þessu starfi þó traust sé og samkvæm sjálfri sér.  En það verður þá ekki vegna kynhneigðar hennar.

Jóhanna vekur athygli

Athugasemdir

[Magnús Sigurðsson, 27.1.2009 kl. 16:44]

Góð spurning.

[Óskar Helgi Helgason (IP-tala skráð) 27.1.2009 kl. 16:51]

Heill og sæll; Ævar Rafn !

Tek undir; með þér. Þókt svo; ég sé ærið tortryggin, á þessa framvindu, verði þessi stjórn kratanna (Samfylkingarinnar), og Lenín eftirhermanna (Vinstri hreyfingarinnar - Græns framnoðs), að veruleika, að þá eru það persónulegir eiginleikar, sem hæfni og veglyndi, sem máli skipta, í fari fólks - ekki kynhneigð þess.

Fordómar ýmissa óþokka; hverjir lifað hafa, í aldanna rás, hugði ég, að baki vera, núna; eftir byrjun 21. aldarinnar. Því virðist fara; svo víðs fjarri, því miður - sjáum samt, hvað setur, með enn meiri upplýsingu, komandi tíma.

Með beztu kveðjum /

Óskar Helgi Helgason 

[Héðinn Björnsson, 27.1.2009 kl. 17:07]

Ekki hafði ég heyrt af samkynhneigð Jóhönnu en finnst það óneitanlega athyglisvert ef við fáum fyrsta samkynhneigða forsætisráðherra lands algerlega án þess að samkynhneigð hennar hafi verið atriði á neinum tímapunkti. Það fer varla að verða það allt í einu. Við höfum nú þekkt hana áratugum saman gegnum sjónvarpið. Hugsa ekki að það hafi legið neinar ananrlegar kvatir þar á bakvið og ef svo er að þá hugsa ég ekki að það muni hafa nein áhrif.

[Diesel, 27.1.2009 kl. 17:19]

Tek undir þetta með þér. Skiptir einhverju máli í nútímasamfélagi hver kynhneigð fólks er?

Jóhanna er enginn engill í mannsmynd eins og sumir hafa líst henni, en hún má eiga það skuldlaust að hún er eini ráðherran í síðustu ríkisstjórn sem brást við kreppunni á réttan hátt.

[Rakel Sigurgeirsdóttir, 27.1.2009 kl. 17:27]

Sammála þér Ævar. Við getum haft margvíslegar skoðanir á Jóhönnu sem stjórnmálamanni en kynhneigð hennar kemur færni hennar á því sviði ekki á nokkurn hátt við. Ég sé heldur alls ekkert athugavert við það að Ísland veki athygli út á við fyrir það að eiga fyrsta samkynhneigða forsætisráðherrann en finnst það mekrilegt að það skuli vera gert að einhverju aðalatriði.

[Gullvagninn (IP-tala skráð) 27.1.2009 kl. 17:49]

Skiftir ekki máli, Jóhanna er ein af þeim persónum sem ég myndi alveg kjósa (ef ég gæti kosið persónur en ekki flokka).  Það voru samt samtök samkynhneygðra sem drógu þennan punkt inn í umræðuna, ef mér skjátlast ekki, og mér finnst það óviðeigandi þó þau séu stolt af Jóhönnu.

[Guðbjörn Guðbjörnsson, 27.1.2009 kl. 18:24]

Er þetta ekki bara flott!

Jóhanna og Hörður - samkynhneigða byltingin!

[Hildur Helga Sigurðardóttir, 27.1.2009 kl. 20:30]

Sjaldnast læt ég mig það nokkru varða hvað annað fólk aðhefst innan sinn svefnherbergisveggja.   Set ekki kynhneygð efst á listann ef að skilgreina á einstaklinga.

Skil þó vel að samkynhneygðir skuli vera stóltir af fólki á borð við Hörð og Jóhönnu.

"They´ve come a long way"

[Jón Ólafur Vilhjálmsson, 27.1.2009 kl. 22:39]

Ekkert frekar en útlit litarháttur eða annað það er verið að reyna að kasta rýrð á manneskjuna en hún er sterk og þolir það vel

[Róbert Björnsson, 27.1.2009 kl. 23:03]

Af hverju er það óviðeigandi að benda á þessa sögulegu staðreynd?  Af hverju talar fólk sem þykist vera fordómalaust um það að þetta sé dregið fram í dagsljósið til þess að vera Jóhönnu til minnkunar???   Það skyldi þó ekki vera að grynnra sé á fordómum sumra yfirborðskenndra jafnréttissinna en ætla mætti?

Margir virðast ekki skilja að þessi tíðindi gætu vakið upp vonarglætu hjá milljónum samkynhneigðra ungmenna út um allan heim sem fram til þessa hafa aldrei gert sér vonir um að ná frama í stjórnmálum - sökum kynhneigðar sinnar.  

Reynið að hugsa út fyrir landssteinana einu sinni for crying out loud!