Eru baráttuaðferðir Saving Iceland náttúruvernd til framdráttar?

Ný hávísindaleg skoðanakönnun! Sjálfur er ég á báðum áttum með hvort aðgerðir þeirra séu náttúruverndarsinnum til framdráttar eða hreinlega skemmi fyrir okkur hinum. Ég vildi helst að rökstuðningur náttúruverndarsinna dygði til að hætt yrði við þessi hryðjuverk gagnvart landinu en í örvæntingu yfir hversu þröngsýn stjórnvöld við höfum burðast með síðastliðna áratugi er ekki skrítið þó að manni finnist tími á að dínamitið verði dregið upp. Þá kannski yrði hlustað. (Vonandi er ég ekki að gera mig með þessu að fyrsta verkefni greiningardeildar Lögreglunnar haha): )

Ef að stjórnmálamennirnir okkar geta ekki haft vit fyrir þjóðinni þarf þjóðin að hafa vit fyrir þeim!

Nokkrar staðreyndir um náttúru- stóriðju- og virkjanahryðjuverk íslenskra ráðamanna -

Miðhálendi Íslands er stærsta samfellda ósnorta landsvæði í Evrópu

Megnið af þessum upplýsingum eru fengnar úr myndbandinu sem ég kynnti í þarsíðustu færslunni minni þó að ég bæti inn í þetta. Myndbandið er náttúrulega gert meðan menn héldu enn í vonina um að þessi stærsti verðandi drullupollur Evrópu yrði ekki að veruleika. En þessi veruleiki blasir við okkur í dag og greinin eða myndbandið er þörf áminning um hvað VIÐ LEYFÐUM að væri gert fyrir móðurjörðina sem okkur ber skylda til að vernda fyrir börnin okkar.

Með stóriðjustefnunni er stolt okkar frumkvæði og hugvit fótum troðið og efnahagslegu sjálfstæði stefnt í voða. Okkar stórbrotna náttúra í bráðri hættu.

Á Reyðarfirði mátti ekki starfrækja litla fiskimjölsverksmiðju yfir sumartímann vegna mengunar en þar mátti byggja 420.000.000.000 kg. Álversframleiðslu án þess að hafa löglegt umhverfismat

 

“Það er óskiljanlegt hvernig fólki getur dottið í hug að staðsetja þungaiðnað sem framleiðir bráðinn málm á svo hættulegu svæði”. (Dr. Ragnhildur Sigurðardóttir.)

“Náttúruauðlindir Íslands eru auðug uppspretta fyrir erlenda fjárfesta og geta boðið orku til iðnaðar á mjög samkeppnishæfu verði”. (Valgerður Sverrisdóttir fyrrverandi iðnaðarráðherra.)

Kárahnjúka- og húsavíkursvæðið, Bakki og virkjanahugmyndir í neðri Þjórsá eru öll á virku jarðskjálftasvæði.

Álverið á Bakka verður þar sem búast má við hörðustu jarðskjálftum á landinu.

Reyðarál mun losa jafn mikið magn koltvíssýrings út í andrúmsloftið og allur bílafloti landsins.

Öll lönd Evrópu vinna að því að draga úr mengun í þeim tilgangi að bjarga jörðinni og mannkyninu frá alvarlegum afleiðingum gróðurhúsalofttegunda. Á sama tíma áætla íslensk stjórnvöld að margfalda losun gróðurhúsalofttegunda á Íslandi.

Bandaríkjamenn urða um 800.ooo.ooo.ooo kg af áldósum á ári! Það dugar til að byggja upp flugflota þeirra 4x á ári! Óendurunnar áldósir þeirra duga 153 hringi kringum jörðina á ársgtrundvelli. Til að endurvinna ál þarf 5% af orkunni sem þurfti upprunalega til að framlei'ða það. Samt geta bandarískir auðhringir ekki hugsað sér að gera endurvinnslu að metnaði sínum. Eigum við að fórna náttúru okkar til að ómeðvitaðir ameríkanar sleppi því að vera umhverfisvitaðir og ennurvinni kókdósirnar sínar?

Við seljum yfir 80% af raforku okkar til erlendra auðhringja sem eru þekktir fyrir að stefna að hámarkshagnaði – umhverfisvitund kemur eftir það.

“Ég efast um að hægt sé að finna nokkurn annan raforkuframleiðanda í heiminum sem selur jafn hátt hlutfall af framleiðslu sinni til álfyrirtækja”. Viðskiptablaðið 24. ágúst 2005.
Ættum við almennir notendur ekki að njóta þess og vera með nánast ókeypis orku?

Til að framleiða vetni fyrir allan bílaflota Íslands þarf 1,5 terravattsstundir. Reyðarál þarf 4,7.

Raforkuverð til stóriðju er trúnaðarmál en allir vita að það er brot af því sem almennir notendur borga. Að öllum líkindum um 8 sinnum lægra en garðyrkjubændur borga hér á landi. Ef að álver er frekar sett niður hér en í Brasilíu þar sem laun eru brotabrot af launum manna hér má fyrir víst vera öruggt að salan á rafmagninu er óravíddum frá því sem við borgum. Það segir okkur að raforkuverð sé sennilega helmingi lægra en í Brasilíu.

Mýtan um að okkur beri skylda til að framleiða orku með vistvænum hætti til þess að koma í veg fyrir kola- og olíubrennslu við raforkuöflun er skrípamynd! Ef við berum okkur saman við Afríku hefur sú álfa möguleikan á virkjun 2200 terrawattsstunda. Við á 30 terrawattsstundum!

Orkugeta okkar vatnsafls er nánast engin miðað við heiminn!

Raforkuloforð íslenskra stjórnvalda áður en þessi ríkisstjórn tók við eru um 50 terrawattsstundir. Til að standa við það þarf að virkja flestar ár landsins og flest fallegustu háhitasvæði þess.

Vatnsaflforka er GRÆN ORKA!. Rangt: Jökulár bera mikið magn steinefna til sjávar. Þessi steinefni ganga í efnasamband með kalki úr sjónum og binda koltvísýring úr andrúmsloftinu.

Jökulár á Íslandi draga úr gróðurhúsaáhrifum til jafns við 25% af ám Afríku. (Úr skýrslu Landsvirkjunar).

Stóriðja eykur hagvöxt! RANGT! Hagvaxtaraukning 1993 – 2003 var 40%! AF ÞVÍ VORU 0,7% VEGNA STÓRIÐJU!!

SÍÐUSTU 110-120 ár hefur íslenska hagkerfið vaxið jafnt og þétt og svo mun verða áfram með eða án álbræðslu”! Skýrsla KB banka, Viðskiptablaðið ágúst 2005.

Hátækniiðnaðurinn á Íslandi á undir högg að sækja ma vegna ruðningsáhrifa stóriðjuframkvæmda. Einnig ferðaþjónusta, kvikmyndaiðnaður, sprotafyrirtæki og sjávarútvegur.

Hætta er á að mörg íslensk fyrirtæki flýi land eða leggi upp laupana vegna óhagstæðs gengis, óhagkvæms rekstrarumhverfis og eyðileggingar á náttúru.

Hátækniiðnaðurinn hrekkst úr landi vegna stóriðjuframkvæmda: Dofri Hermannsson.

Ef við hjá CCP fengjum sömu fríðindi og áliðnaðurinn gætum við vel hugsað okkur að flytja fyrirtækið á landsbyggðina. En vegna óhagstæðra rekstrarskilyrða eru stórar líkur á að fyrirtækið flytji reksturinn erlendis! (Reynir Harðarson – annar stofnenda CCP). Þetta fyrirtæki er í örum vexti og þarf menntaða starfsmenn. Velti tæpum milljarði árið 2005 og tapaði þá um 200 milljónum vegna ruðningsáhrifa stóriðjuframkvæmda.

CCP starfar án þess að menga og valda náttúruspjöllum. Sama gildir um Marel, Actavis, Latabæ, Bakkavör, Össur og flest önnur fyrirtæki íslensk í útrás.

Stjórnvöldum ber skylda til að hlúa betur að íslenskum fyrirtækjum, hugviti, menntun, menningu....... og náttúrunni.

Kárahnjúkasvæðið 57 ferkílómetrar að stærð, áhrifasvæði minnst 3000 km2. =

Stórkostlegur skaði á gróðri og fuglalífi.

Mun líklega hafa afgerandi áhrif á hreindýrastofn landsins.

Mun líklega hafa í för með sér náttúruhamfarir vegna þess að það er staðsett á virku sprungusvæði.

Mun eyðileggja tilkomumikla fossa, stórkostlega kletta, heitar uppsprettur, varplendi fugla, ár, læki, gróður, griðlendi hreindýra og ótal önnur náttúruundur.

Mun drekkja stóru ósnortu landsvæði sem er einstakt á heimsmælikvarða.

Hálsalón mun eyðileggja Jöklu einni tilkomu- og kraftmestu jökulá landsins.

Eftirfarandi örnefni eru núna orðin meiningarlaus í boði Landsvirkjunar:
Brúarjökull, Búrfellsflói, Desjarárdalur, Efra- Jökulsárgil, Ekkjufellshólnmar, Eyjabakkafoss, Faxi, Folavatn, Gjögurfossar, Gljúfrahvísl, Grjótá, Hafrahvammagljúfur, Háls, Héraðsflói, Hjalladalur, Hníflafoss, Hölkná, Hólmaflúðir, Hrakstrandarfoss, Hreinatungur, Jökla, Jökuldalur, Jökulsá á Brú, Jökulsá á Dal, Jökulsá í Fljótsdal, Kárahnjúkar, Kirkjufoss, Klapparlækur, Kleifarskógur, Kringilsárrani, Lagarfljót, Lindur, Rauðaflúð, Sauðá, Sauðakofi, Sauðárdalur, Skakkifoss, Slæðufoss, Snikilá, Sporður, Tröllagilslækur, Tungufoss, Töðuhraukar, Töfrafoss

“Svæðið hentar einkar vel fyrir stórar stíflur, sprungur skapa enga hættu”. Friðrik Sophusson forstjóri Landsvirkjunar

“Virkjunin er reist á virku jarðskjálftasvæði og verulegar líkur á náttúruhamförum!

Kárahnjúkar eru mikil áhættuframkvæmd og í versta falli lífshættuleg þeim sem nálægt Jöklu búa”. Grímur Björnsson jarðeðlisfræðingur.

Miðhálendi Íslands er stærsta samfellda ósnorta landsvæði í Evrópu – þessari einstöku náttúruperlu er verið að fórna fyrir erlenda stóriðju.

Siv Friðleifsdóttir fyrrverandi umhverfishryðjuverkaráðherra talaði um Kárahnjúka sem SAND OG MÖL! Sjáðu hér það sem hún var að horfa á!

Við sitjum uppi með umhverfisslys og stærsta drullupoll Evrópu.

Ríkið í ríkinu – Landsvirkjun er samt hvergi nærri hætt. Ef að stjórnmálamennirnir okkar geta ekki haft vit fyrir þjóðinni þarf þjóðin að hafa vit fyrir þeim!

Það þarf meiri þrýsting frá almenningi og það þurfa fleiri að kynna sér hvaða glæpir eru í gangi undir formerkjum umhverfismata sem er stýrt af sömu fyrirtækjum og þurfa eina fyrirfram ákveðna niðurstöðu! Fyrirtæki eins og Landsvirkjun sem í lokaskýrslum sínum gerir lítið úr öllu sem ekki hentar þeim í forskýrslum. Veit td. einhver að jarðfræðiskýrsla vegna mats á umhverfisáhrifum við virkjanir í neðri-Þjórsá er 4 blaðsíður? Og lokaniðurstaða hennar er að það þurfi meiri rannsóknir! Þetta fer svona gegnum umhverfismat og er látið standa!

Landsvirkjun þarf að stöðva í gengdarlausri nauðgun lands og arðsemislausum auðhringjasleykjuhætti.

Myndbandið sem greinin byggir á.

Það er kannski enn von með Samfylkinguna

 Vil bara vekja athygli á 4 færslum frá Dofra Hermannssyni  framkvæmdastjóra þingsflokks Samfylkingarinnar. Með svona menn innanborðs vonar maður að Fagra Ísland sé raunveruleg meining Samfylkingarinnar.

 Komið nóg?

 Skammsýni orkufyrirtækjanna

 Samfélagsleg ábyrgð orkufyrirtækjanna

 Ríki í ríkinu

 

 

 

 

24 mínútur til að skilja hvað er í gangi...........

Það virkar á dauðþreytt fólk í tímahraki sem allt of mikill tími en í þessu tilfelli er ég bara að biðja um að horft sé á myndband. Sleppa löggu- eða lögfræðingasápunni og sitja aðeins yfir þessu myndbandi frá vinum Íslands.

Það er nefnilega staðreynd að landið okkar er í alvarlegri hættu vegna sleykjuháttar ráðamanna við erlend risafyrirtæki og sum hver illa þokkuð um allan heim. Börnin okkar og barnabörn eiga eftir að spyrja okkur: Af hverju stoppuðu þið þetta ekki?  Hverju svörum við?

Græna blekkingin - samviskuhöfðun mengunarvaldans!

 Ég fór inn á Kolviður.is og reiknaði út hversu mörg tré ég þyrfti að setja niður til að kolefnisjafna bílgarminn. 64 tré! Ég er í góðum málum þar sem frúin (og ég) höfum gróðursett yfir 1000 plöntur við bústaðinn okkar. Og það sem meira er þær eru orðnar hátt í 15 ára gamlar og aspirnar td. yfir 8 metra tré. Lerkið, birkið, fjallafuran og grenitrén auk gljávíðirsins sóma sér líka vel þarna. Raunar eigum við lítinn skóg hjá okkur.  Þannig að við vitum að kolefnisjöfnuður okkar er í plús. Þar til að við hugsum til allra áranna á undan þar sem enginn hugsaði um kolefnisjöfnun!

Kolefnisjöfnunin er nefnilega bara markaðssetning þar sem neytendur eru "samviskuhöfðaðir" (elska þetta orðskrípi), til að  taka þátt í "baráttu" bílaumboðs gegn losun gróðurhúsalofttegunda.

Þetta er svo lélegt fyrir það fyrsta að þá felst þetta í því að þeir ætla að gróðursetja 50-70  ársgamla græðlinga (bakkaplöntur) og kolefnisjafna þannig eitt ár fyrir stolta bíleigandann!

Líftími bíls er þetta 7-10 ár. Þegar bíllinn sem er keyptur núna og "kolefnisjafnaður" í eitt ár eru minnst 15 ár í að þessi tré fara að uppfylla skyldur sínar. Þannig að bíllinn verður búinn að vera á haugunum í 5-8 ár. Svo veit ég ekki alveg með þetta eina ár....... á að rífa trén upp aftur? 

 

 Svo er hér athyglisverð grein frá Stefáni Jóni Hafstein: Kaupum regnskóg!

 

 

Þjónustuver Símans - aumasti brandarinn.....

Allir þeir sem hafa þurft að eiga samskipti við "þjónustuver" vita hvílíkt viðrinis-öfugnefni það er að líkja þessum stofnunum við eitthvað skylt þjónustu. Að borga áskrift Stöðvar 2 í netbanka sama dag og verður ruglað leiðir til þess að maður verði númer 47 í röðinni og fær svo eftir klukkutíma samband til þess eins að vita að framkvæmdar greiðslur sjáist ekki fyrr en daginn eftir!

En verst af öllum stofnunum er Síminn! Fyrir nokkrum árum síðan tók það þetta fyrirtæki yfir 6 vikur að tengja Adsl hjá fyrirtækinu mínu. Höfðu sagt í byrjun að þetta tæki 3-5 virka daga. Seinna var ástæða seinkunarinnar sú að það væri svo mikið að gera við að tengja afruglara fyrir enska boltann. Gott og vel ef svo er en 6 vikur! Það er allavega ekki mikill samkeppniskeimur af þessu.

Eins hef ég unnið fyrir fyrirtæki þar sem saman átti að fara ný heimasíða, nýjir netpóstar og nýtt vistunarsvæði. Ég eyddi gríðarlegum tíma í að koma fólkinu hjá Símanum í skilning um það að þetta þyrfti allt að gerast í réttri röð til að netpóstur og heimasíða lægju ekki niðri nema nokkra klst. Lokaniðurstaða Símans var að þetta var allt gert í öfugri röð og allt lá niðri í nokkra daga. Þrátt fyrir tölvupósta með tímasetningum til þeirra innan Símans sem sáu um þetta. 

Nýlega þurfti ég að láta færa 3 línur af einum stað AFTUR þar sem þær voru áður. ALLAR TENGINGAR TIL STAÐAR. Það tók Símann einn dag að tengja eitt númerið. Yfir þrjár vikur að tengja hin. Ég hringdi í "Þjónustuver". Vantar þá ekki bara línu í húsið? Það þarf einhver frá vettvangsdeild að koma og skoða......... 

Ég af minni alkunnu rósemi útskýrði fyrir öllum þessum þjónustufulltrúum  að það hefði bara verið 3 sek. verk að tengja eitt númerið, línurnar væru til staðar og hin númerin þmt. Adsl tengingin lytu sömu lögmálum og númerið sem þau tengdu. Það væri því eins og með hitt númerið eingöngu spurning um nokkra sekúnda pikk á tölvuna að laga þetta. Og til vara að ef það vantaði línur sem ég vissi að var ekki rétt mætti fórna einni línu sem ég hafði og tengja Adsl þar. En allt kom fyrir ekki.

Helsta lausn þjónustulltrúa símans frá fólki sem vill fá úrlausn sinna mála er að senda það yfir á aðra deild. Þannig er ég búinn að ræða við nokkuð stóran hóp starfsmanna símans í nokkra daga en það breyttist ekkert með tengingarnar.

Mér var sagt ca. 10 dögum eftir að ég hafði haft samband fyrst og fyrsta línan var tengd að það væri búið að skrifa beiðni. SKRIFA BEIÐNI! Þetta var rétt fyrir páska og ég ætlaði að nota páskana í vinnu heima og VARÐ að hafa nettengingu. Þannig að á síðasta vinnudeginum fyrir páska eftir nokkur símtöl í "þjónustufulltrúa" FÓR ég niður í fyrirtækjaþjónustu. 

Stelpan sem ég talaði við þar var öll af vilja gerð og hringdi út og suður innan fyrirtækisins en klukkan var orðin þrjú "og því miður bara enginn við"! 

Páskarnir fóru fyrir lítið í vinnu þe. að senda frá sér gögn og sækja en nokkrum dögum síðar náði ég sambandi við konu sem kunni á tölvuna sína og græjaði þetta fyrir mig.

Daginn eftir var hringt frá Símanum: Þetta er hjá Símanum, ég á víst að kíkja á einhverjar línur hjá þér......... Vettvangsbeiðnin var sem sagt komin til starfsmanns Símans. 

 Datt þetta bara í hug útfrá þessu:  Hremmingar Billa Start

 

Örvitar við stjórnvölinn?

Hlustandi á kínversku hljómsveitina Solar og Baaba Maal frá vestur afríku á Live Earth þessa mínútuna get ég ekki annað en hugsað til baka til þess að okkur stóð til boða að vera ein þessara þjóða sem hýstu tónleikana. Ísland með Ástralíu, Bandaríkjunum, Þýskalandi, Kína, Japan, Brasilía og Suður-Afríka. Ísland af öllum löndum! Og fyrrverandi ríkisstjórn gat ekki séð af 15 milljónum! Eða bjó annað að baki? Vildu þeir ekki vekja athygli á náttúrunauðgun sinni sem þeir hafa samt alltaf markaðssett þannig að komi í veg fyrir mengun út í heimi.

Hversu mikla athygli hefði litla skerið ekki fengið með þessum tónleikum? Hversu mörgum milljörðum í auglýsingar og markaðssetningu á Íslandi sem ferðamannalandi hefðum við ekki getað sparað okkur með því að vera á þessarri stundu með tónleika til  stuðnings náttúrunni og jörðinni með hundruðir milljóna áhorfenda. Kínverjar taka þátt þrátt fyrir að vera gagnrýndir fyrir subbulega umhverfisvitund og mannréttindabrot. Eru glæpir okkar verri?

Kannski erum við bara að kjósa eintóm forpokuð tóndauf auðvaldsrasskyssandi möppudýr yfir okkur. Hvað veit ég?

Hægt að sjá Live Earth hér

Og muna að skrá sig. 

http://www.liveearth.msn.com/ 

Eru til tveir sannleikar í einu máli?

 Þessi nauðgunarfrétt og dómurinn í málinu eru skelfing. Mér finnst eins og það sé mjög ólíklegt að drukkin kona leitandi að klósetti sé mjög upptekin af því að leita á sama tíma eftir samförum við ókunnugan mann. Og það að vegna skorts á áverkum og hjálparópum hennar sé ekki hægt að dæma hann. Kannski hefur hann haldið að stúlkan hefði fallið svona auðveldlega fyrir sér. En ég er sem betur fer ekki í þeirri stöðu að þurfa að dæma í svona málum.

Hér er dómurinn en ég vona að þetta mál fari fyrir fjölskipaðan hæstarétt. 

http://www.domstolar.is/domaleit/nanar/?ID=S200700839&Domur=2&type=1&Serial=1&Words= 

Sýknaður af ákæru fyrir nauðgun

Sonur minn - landsliðsmaðurinn.....

Var að koma af landsleik. Landsleik KF Nörd og sænsku nördanna. Fyrir nokkrum vikum síðan gekk sonur minn til liðs við KF Nörd og maður var á báðum áttum með hvort maður ætti að gleðjast eða leggjast í örvæntingu. Svo fannst mér þetta jafnvel vera smá svindl vegna þess að hann æfði með Val í den. En það var sem markvörður núna var hann bakvörður.

Það er skemmst frá því að segja að íslensku nirðirnir rótburstuðu þá sænsku í ekki æsispennandi heldur sprenghlægilegum leik. Tilburðinir voru þannig hjá báðum liðum að það var augljóst að einungis 2-3 í hvoru liði höfðu minnsta vit á fótbolta. Besti íslenski leikmaðurinn var verulega yfir kjörþyngd svo ekki sé komist fastar að orði. Það lágu 4 mörk hjá honum og sænski markvörðurinn sýndi í öllum tilfellum frábæra tilburði til að verja. Þessir tilburðir áttu þó mest lítið skylt við markvörslu. Bestur var hann þó í útspörkum sen voru öll eins fyndin og lítið fram á völlinn. Það var einn sænskur leikmaður sem tók öll innköst og gerði það bara vel. Íslensku innköstin hefðu í alvöruleik öll verið dæmd ólögleg.

Leikgleðin var alger, leikgetan engin og stundum fannst manni eins og maður væri að horfa á beljur sleppt úr fjósi að vori. Ef leikmaður fékk boltann og hljóp af stað gleymdist boltinn stundum eða var sparkað til andstæðinganna. Skallaeinvígi enduðu með því að enginn skallaði boltann osvfrv. 

Leikskipulagið vildi riðlast og oftast var bara kös þar sem boltinn var á vellinum. Leiktíminn var 2x30 mínútur sem er meira en vanalega (2x20mín). og svíarnir ekki alveg að ná að hanga í okkar mönnum svona lengi. Lokatölur 7-0 fyrir Íslandi.

Ég mæli með svona leikjum fyrir þá sem þurfa að hlæja sig máttlausa.

Þarf svo væntanlega ekki að taka það fram að sonurinn stóð sig frábærlega.