Og Landsvirkjun ætlar að skilja 4% af Þjórsá eftir í farvegi sínum!

Það eru eflaust margir sem hafa velt mikið fyrir sér út af hverju við náttúruverndarterroristarnir erum að mótmæla fleiri virkjunum í Þjórsá. Það eru jú nokkrar fyrir þar og af hverju ekki að fá það út úr ánni sem hægt er. En það mæla fjölmörg rök gegn fleiri virkjunum í Þjórsá og sum þeirra benda jafnvel til þess að þær virkjanir sem þegar hefur verið ráðist í hafi haft meiri og verri áhrif en við höfum gert okkur grein fyrir.

Þjórsá stendur fyrir 5% af laxastofni landsins. Hann er í útrýmingarhættu við þessar virkjanir og svokallaðar mótvægisaðgerðir Landsvirkjunar eru bara aumt friðþægingaryfirklór.

Hvet fólk til að kynna sér þessi áformuðu virkjanamál hér:  

 Lækjarsprænan Þjórsá og vald Landsvirkjunar

Fyrir þessa grein fór ég vandlega yfir skýrslur um umhverfismat og ósamræmið milli orðalags sérfræðinga í frumskýrslum og lokaskýrslum Landsvirkjunar er eins og það sé verið að tala um sitthvora virkjunina. Orðalag Landsvirkjunar og skýringarmyndir þar sem þeir sýna tölvuteikningar með 30-40% rennslis árinnar eftir virkjun er hrein fölsun því allt niður í 4% hennar verður eftir á köflum. Þá væntanlega sem nokkrir smálækir í farveginum.

Þetta ríki í ríkinu hefur allt of lengi fengið að stjórna framtíð Íslands.

Lækurinn Þjórsá - Um kunnáttu þrastarins í japanskri Kamakazi hernaðarflugtækni

Þessi grein byggir á persónulegri upplifun mín og konunnar á sveitasælunni við bakka Þjórsár og hvaða breytingum sú sæla tekur við þessar virkjanir.

Þessi grein í MBL er bara viðvörun um á hvaða leið Landsvirkjun er með laxastofninn í Þjórsá sem er mjög sérstakur  á heimsvísu.

 

 

Virkjanir ógna laxinum

Hærri hita- og rafmagnsreikningar framundan!

Farsinn kringum Hitaveitu Suðurnesja virkar á fréttamenn eins og um byltingu í þessum málum sé að ræða. Einkafyrirtæki að koma inn í viðskiptaform sem hingað til hefur verið í höndum sveitarfélaga og ríkis. Og þetta sé tilefni til að vera upprifinn yfir. Nema fréttaþurrðin sé svona skelfileg sem ég held að sé ekki í ljósi td. þess að mbl.is sá enga ástæðu til að fjalla um mótmælafundinn við Urriðafoss á laugardaginn.

En það gleymist stórt atriði. Mjög stórt fyrir okkur neytendur. Það skiptir engu máli hver verður ofaná í þessum slag. Við verðum alltaf undir. 

Hversu margir sem milljarðarnir verða á verðmiðanum þá verður það ekki Geysir Green, Hafnarfjarðarbær eða Reykjanesbær sem borgar brúsann. Það verða við neytendur með hækkunum, nýjum gjaldaliðum og svo framvegis.

Síminn var að hækka gjaldskrá sína og skráning í símaskrána hjá (einkafyrirtækinu þeirra með einkaréttinn) um 100% .

Hefur einhver spáð í hvað þetta sakleysislega orð "seðilgjald" er að moka mörgum milljörðum á ári frá launafólki inn í þessar stofnanir?

Ég hef meira að segja fengið reikning frá Orkuveitunni sem á stóð: Seðilgjald kr. 249.- EKKERT ANNAÐ! 

Þessar viðskiptaslaufur eru ekki góðar fréttir fyrir okkur launafólkið frekar en fákeppnin á matvöru- trygginga- eldsneytis- byggingavöru- og svo mætti lengi telja , markaði.

Einu sinni kenndum við dönskum um einokunina. Í dag greiðum við uppkaup sumra á dönskum fyrirtækjum með matvörukaupum okkar. 

Það er ekki langt í að landið verði alfarið í höndum 3-4 valdakjarna.  Ætlar vinnulúna þjóðin þá að taka við sér?

 

 

Nú gekk ég of langt........

Nei, ekki til Þorlákshafnar eða neitt svoleiðis. Síðustu færslunni minni lauk með þessum orðum: "Fólk sem myndar sér ekki sjálfstæða skoðun út frá því að kynna sér málin og taka svo afstöðu hvort sem er út frá hjarta eða heila Á EKKI AÐ HAFA KOSNINGARRÉTT!"  Þetta er náttúrulega botnlaus hroki eða greindarfasismi þess sem telur sig vita betur en aðrir. Sem á engan rétt á sér og hér með dregið til baka. (Þetta er allavega skoðun sem maður á að hafa bara fyrir sig).

Fullnaðarsigur í Írak!

Þeir hundruðir milljarða sem hafa runnið til "uppbyggingar" Íraks hafa farið til seppa Bandaríkjanna og fyrirtækja sem varaforseti og utanríkisráðherra USA fyrrverandi hafa verið í stjórn í, án útboðs.

Gondólísa á sér nöfnu sem er stórt olíuflutningaskip hjá fyrirtæki sem hún vann áður hjá. Búsh kallinn sjálfur er búinn að setja eitt eða tvö olíufyrirtæki í Texas sem hann stjórnaði í samvinnu við Bin Laden ættina á hausinn. Eftir 9/11 var fyrsta verk ríkisstjórnar hans að koma um 200 meðlimum þeirrar ættar í öruggt skjól út úr USA. Talibanar þrátt fyrir viðbjóðslega ógnarstjórn héldu allri ópíumframleiðslu niðri í Afganistan. Núna er sú framleiðsla meiri en nokkru sinni fyrr.

Milljarðar hverfa af uppbyggingarfé í Írak og helstu deilur þarlendra við bandaríkjamenn snúast um prósentur  bandarískra fyrirtækja af auðnum. Þetta og væntanleg innrás í Íran verður sennilega upphafið af 3. heimstyrjöldinni. 

En þetta er eins og með ástandið í Palestínu. Fólk dofnar yfir fréttunum og lætur eins og þetta komi sér ekki við. Ég hvet alla til að lesa bókina Leiðin til Guantanamo. Hér er linkur á myndina http://www.roadtoguantanamomovie.com/

Eða kíkja á þennan link. http://web.amnesty.org/pages/guantanamobay-index-eng

Hér er svo bréf frá Michael Moore til örvitans í Hvíta húsinu. http://www.commondreams.org/views03/0317-09.htm 

En mest af öllu hvet ég fólk sem er umhugað um umheiminn og þá framtíð sem næstu kynslóðum bjóðast að gúgla... hvort sem er um Írak, palestínu, íslensk náttúruhryðjuverk eða hvað annað.

Það er nefnilega þannig að hvorki valdamesti örviti heimsins eða Michael Moore séu endilega á réttasta rólinu. Frekar en framsóknarfóbía mín eða nýtilkominn náttúruverndaráhugi Guðna Ágústssonar.

Fólk sem myndar sér ekki sjálfstæða skoðun út frá því að kynna sér málin og taka svo afstöðu hvort sem er út frá hjarta eða heila Á EKKI AÐ HAFA KOSNINGARRÉTT!

Nærri tvö hundruð látnir í ofbeldisverkum í Írak í vikunni

Svín á silfurfati með epli í trýninu.

 32.345 eða drjátuogdvöhhhúsnddrjúhndrfjördiohfimm eins og það hljómaði frá stráknum á kassanum. Ég horfði á hálftóman Nóatúnsplastpokann aftur á strákinn og spurði: Hvað sagðirðu? Drjátuogdvöhhhúsnddrjúhndrfjördiohfimm endurtók hann og beið eftir að ég borgaði. Verandi svona geðgóður og rólyndur maður spurði ég gelgjuna hvað væri svona dýrt. Hann renndi yfir miðann og las upp. Kom að svínagúllasi á dudduguoháddahhusnundogeggvað. Kurteisislega benti ég honum á að miðað við þessa upphæð ætti ég að vera með feitan gölt á silfurfati fulleldaðan og með tilheyrandi epli í kjaftinum. Hann skildi mig ekki. Geðprýði mín beið nokkra hnekki þennan dag og drengurinn hefur sennilega snúið sér alfarið að tölvuleikjum.

Þessi uppákoma er ekkert einsdæmi. Ég hef keypt litla ananasdós sem kostar 50 kr. meira en sú stóra, verðið á hillu og við kassa eru gjörólík, engifer verður að hvítlauk osvfrv.

En eftir að ég komst að því hvað þessir krakkar eru með í laun hef ég ákveðið að steinhalda kjafti og tel þau vera í fullum rétti til að gera mistök. Raunar fullt af mistökum vegna þess að þeim er ekki greitt fyrir  að taka heilann með sér í vinnuna.

Þessi pæling spratt út frá grein Baldurs R.  "Viltu kvittun?"

 

Listin að berja mann og annan

Amfetamínneysla er að breyta miðbæ Reykjavíkur í einn af ömurlegustu blettum Evrópu. Fyrir um 22 árum síðan var stödd hér ensk hljómsveit á mínum vegum. Söngkonan vildi fá fylgd heim um tólfleitið. Við hlógum að henni og bentum á að Reykjavík væri ekki þannig borg að það væri ástæða til að fylgja henni. Þessa sömu nótt var kunningi minn drepinn fyrir 1500 krónur í veskinu sínu. Í dag þrátt fyrir að fólk sé ekki drepið daglega eru tilhæfulausar árásir orðnar að parti af næturlífinu og virðist bara vera eðlilegur fórnarkostnaður.

Það þarf að vera forgangsatriði að koma siðfræði aftur inn í kollinn á ungum íslendingum og það að  höggva mann og annan hafi afleiðingar. Verulega slæmar afleiðingar! En til þess þarf að stokka upp dómskerfið og rannsóknir mála. Jafnvel aðlaga það að dómskerfum siðmenntaðra þjóða!

Nýr lögreglustjóri lofar góðu en það þarf að taka á þessu vandamáli. Viljum við vakna upp eins og Belfast- og Oslóarbúar að vera mestu heróínbæli Evrópu í framtíðinni?

Er ekki betra að sleppa einum göngum á Séstvallavík og setja milljarðinn sem Framsókn lofaði svo listilega í einum af sínum blekkingum RAUNVERULEGA í fíkniefnamálin? 

Þarf jafnvel ekki bara að fara að kenna siðferði, mannasiði og eðlileg samskipti í skólum? 

 

Það eru til grænir sjálfstæðismenn!

Kannski læðast þeir með veggjum eða fá ekki inni á landsfundum nema einn og einn en þessi sjálfstæðiskona á allavega mína virðingu.

Ný ríkisstjórn ætti að velta fyrir sér að yfir 60% þjóðarinnar er búin að fá upp í kok af stóriðju og virkjunum með þensluáhrifum sem bitna á heimilum landsins. Það er jú ekki Landsvirkjum, Alcan, Impreglio eða ríkið sem borgar brúsann af verðbólgunni. Það eru Jón og Gunna. Ég og þú.

Ekki fleiri virkjanir í bili

Fagra Ísland skiptimynt Samfylkingar?

Mér sýnist sem Samfylkingin hafi heldur betur gert upp á bak á sér með Fagra Ísland. Það á enn að stefna að virkjunum í neðri Þjórsá sem er skelfilegt hryðjuverk sem ég sýni fram á afleiðingarnar af hér:

 Lækjarsprænan Þjórsá og vald Landsvirkjunar

Lækurinn Þjórsá - Um kunnáttu þrastarins í japanskri Kamakazi hernaðarflugtækni

Á fundi sem Björgvin G. Sugurðsson sat fyrir Samfylkinguna í Þingborg í Árborg um virkjanir í neðri Þjórsá  sagði hann að af sinni hálfu kæmi ekki til greina að þessar virkjanir yrðu að veruleika. Hvað hefur breyst hjá Samfylkingunni? (Sjá tengil).

Meðvitundarlaus fjármálaráðherra?

 Úr Fagra Ísland:

 "Samfylkingin telur að nú sé sérstaklega mikilvægt að rétta hlut náttúruverndar á Íslandi gagnvart hagsmunum stóriðju, sem hefur notið algers forgangs í atvinnustefnu ríkisstjórnarinnar undanfarinn áratug. Íslensk náttúra hefur farið halloka í þeim leik – nú þarf að skapa nýjar leikreglur í samræmi við verðmæti náttúrunnar og tilfinningar þjóðarinnar til landsins.

Í kjölfar Kárahnjúkavirkjunar er tímabært að Íslendingar skipti um gír, tryggi jafnræði atvinnugreina og byggi skipulega upp atvinnulíf framtíðarinnar þar sem náttúrugæði landsins eru nýtt með sjálfbærum hætti. Samfylkingin leggur til að við núverandi aðstæður verði frekari stóriðjuáformum slegið á frest.

• Að ákvörðunum um frekari stóriðjuframkvæmdir verði frestað þangað til fyrir liggur nauðsynleg
heildarsýn yfir verðmæt náttúrusvæði Íslands og verndun þeirra hefur verið tryggð.

Engar efnahagslegar aðstæður kalla á stóriðju á næstu árum. Þvert á móti mæla óháðir sérfræðingar (sbr. nýlega skýrslu OECD) með því að dregið verði úr þensluhvetjandi framkvæmdum á næstunni til þess að stuðla að jafnvægi í íslensku efnahagslífi og tryggja stöðugleika til hagsbóta fyrir almenning.
Því leggur Samfylkingin til að öllum ákvörðunum um frekari stóriðjuframkvæmdir verði frestað þar til fyrir liggur nauðsynleg heildarsýn yfir verðmæt náttúrusvæði Íslands og verndun þeirra hefur verið tryggð.

Samfylkingin telur að umhverfismál séu málaflokkur þar sem aðferðir beins lýðræðis henta ákaflega vel í ýmiss konar samspili við fulltrúalýðræðið. Því er sjálfsagt að kanna rækilega kosti atkvæðagreiðslna og skoðanakannana í þeim efnum."

Hvað breyttist? Var Ísland hið fagra bara skiptimynt fyrir ráðherrastóla? Er Samfylkingin Framsóknarmaddaman hin síðari? 

Eða er minn versti grunur um að Samfylkingin sé bara hálfupphitaður skoðanaskiptur miðjumoðsvellingur metnaðarlaus á allt annað en völd eins og Framsókn, raunveruleikinn sem við blasir. Ef svo er þakka ég mínu sæla fyrir að hafa ekki látið kaldan grautinn fá mitt atkvæði í þetta sinn.

En eftir stendur að Samfylkingin þarf að fara að gera upp við sig hverslags flokkur þetta er. Við þurfum ekki fleiri Framsóknarflokka 

Við mæltum fyrir stofnun Ísraels...

...af hverju ekki að bæta fyrir þau mistök þar sem dæmdir hryðjuverkamenn eins og Ariel Sharon fengu uppreisn æru með því að viðurkenna Palestínu? Er enginn orðinn þreyttur á múslimagrýlu örvitans í Hvíta húsinu. Það eru fleiri nýnasistabullur í heimaríki hans en allir "píslavættir islam" í Írak. En með svona stjórnarstefnu stýrðri af auðugum bandarískum gyðingum er ekki langt í það að örvænting Palestínu breiðist út meðal alls múhameðstrúarheimsins. Og við erum á lista hinnar staðföstu........ 

Vilja að Ísland viðurkenni heimastjórn Palestínumanna

Er þessi forræðisfasismi nauðsynlegur?

Spurning hvort það ætti ekki að stofna stað sem samkvæmt eðli málsins myndi heita "Reykhús Þorgríms" með það að höfuðmarkmiði að veita reykingarfólki skjól. Sækja svo um vínveitingarleyfi seinna. Þessi forræðisfasismi er náttúrulega út í kú. Það er nóg að veitingamenn velji hvort þeir vilji bjóða upp á reyk- eða reyklausa staði og fólk ætti að geta valið samkvæmt því.

Það held ég að margir barirnir eigi eftir að fara illa út úr því að Alþingi hefur ákveðið að þú mátt drekka þar en ekki reykja og reykja úti en ekki drekka.

Kannski eru komnir nýjir þingmenn með ögn skýrari hugsun........... og þó. 

Reykingabann á skemmtistöðum gæti skilið milli feigs og ófeigs