Fréttatilkynning

Fréttatilkynning Eftirfarandi fréttatilkynning var send fjölmiðlum 7. september síðastliðinn. Andstæðingum virkjana við Þjórsá var verulega brugðið við ummæli oddvita Skeiða- og Gnúpverjahrepps og stuðningsmanna hans í sjónvarpi í vikunnni. Fjölmörgum sveitungum hnykkti við við að heyra því blákalt haldið fram að meirihluti heimamanna sé hlynntur Holta- og Hvammsvirkjun og að ekki séu neinar sérstakar náttúruperlur í sveitinni. Sól á Suðurlandi og unnendur Þjórsár hafa allt aðra sýn á stöðuna við Þjórsá í þessu mikla deilumáli. Skemmst er að minnast stórrar landgræðsluráðstefnu á Selfossi þar sem varað var við allri jarðvegseyðingu, eins og þeirri sem fylgir þessum virkjunum. Sól á Suðurlandi telur sig miklu fremur tala fyrir hönd meirihluta bæði heimamanna og ferðamanna þegar fullyrt er að umhverfi fyrirhugaðs Hagalóns sé náttúruperla. Landið sem tilheyrir jörðunum Fossnesi og Haga tengist beint helstu sérkennum sveitarinnar, sem sjá má á nýju merki sveitarfélagsins Skeiða- og Gnúpverjahrepps. Fari þetta land forgörðum, auk annars stórtjóns á náttúru sveitarinnar bíður hreppurinn þess aldrei bætur. Landeigendur óttast um sinn hag því þeir gætu fyrr en varir verið í heljargreipum eignarnáms. Unnendur Þjórsár kannast ekki við "hinn þögla meirihluta" sem vísað er til að sé hlynntur þessum áformum og efast um að hann sé til. Þorsteinn Hilmarsson upplýsingafulltrúi Landsvirkjunar segir orðrétt í blaðinu Umhverfið, sem fylgir Sunnlenska fréttablaðinu...." að virða beri almenn sjónarmið. Deilurnar um virkjanir snúist um afstöðu og sýn þeirra sem búa með ánni og annarra sem ekki vilja virkjanir. Það er eðlilegt að áin og umhverfi hennar eigi ríkan þátt í hugum margra og að þeir séu á móti þeim breytingum sem frekari virkjun hefði í för með sér. Árniðurinn þagnar þar sem verða lón. Landshættir með bökkunum og útsýni yfir sveitirnar breytist. Það er alltaf eftirsjá eftir landi undir vatn. Það er eðlilegt að fólk óttist hið óþekkta og sé efins um að það sem kemur í staðinn bæti upp það sem hverfur. Það ber að virða sjónarmið af þessu tagi reynist þau almenn." Þetta er gott að heyra frá upplýsingafulltrúa Landsvirkjunar. Þessvegna er mikilvægt að það komi í ljós hver skoðun meirihluta hreppsbúa raunverulega er. Þar duga ekki orð örfárra manna sem vísa til þöguls meirihluta. Þar duga aðeins staðreyndir. Þær verða að koma fram. Sól á Suðurlandi

HJÁLP!

HJÁLP!

Við þurfum nauðsynlega á hjálp ykkar að halda.

„Við“ erum nokkrir íbúar við neðri hluta Þjórsár þar sem áætlað er að reisa þrjár nýjar vatnsaflsvirkjanir þ.e. „Urriðafossvirkjun“, „Holtavirkjun“ og „Hvammsvirkjun“.

Þetta svæði og reyndar stórir hlutar alls Suðurlands er eitt virkasta jarðskjálftasvæði á Íslandi. Afleiðingar stíflurofs yrðu geigvænlegar fyrir allt svæðið en þó að stíflurof komi ekki til er ekki um öruggar framkvæmdir að ræða.

Stærsta vandamálið liggur í áætluðum lónsbotnum en þeir munu ekki halda tryggilega vatni þar sem sprungur, allt upp í 15 km djúpar, eru í berginu á lónssvæðunum sjálfum. Engin tækni gæti komið í veg fyrir leka og gert lónsbotnana fyllilega vatnshelda. Þetta þýðir í raun að áhrifa muni gæta í grunnvatnsstöðu á bújörðum á svæðinu allt í kring, sem muni aftur leiða til þess að ekki verði lengur hægt að nýta landið til hefðbundins búskapar. Afleiðingar fyrir íbúana yrðu bersýnilega að landið yrði verðlaust og fólk myndi flosna upp af jörðum sínum.

Hingað til hafa uppistöðulón aðeins verið gerð á óbyggðum víðáttumiklum svæðum þar sem framtíð búskapar er ekki stefnt í bráða hættu.
Verði af fyrirhuguðum virkjunum í neðri hluta Þjórsár myndi það brjóta blað í virkjanasögunnu. Íbúum svæðisins yrði vísvitandi uppálagt að annað hvoru búa við stöðugan ótta eða hreinlega yfirgefa bújarðir sínar. Á þessu fallega svæði búa margar fjölskyldur með börn. Hver tekur á sig 100% ábyrgð að ekkert við áætlaðar framkvæmdir stefni lífi þeirra og framtíð í voða?

Sjá upplýsingar “Faults and fractures of the South Iceland Seismi Zone near Þjórsá eftir Dr. Pál Einarsson jarðeðlisfræðing og prófessor við Háskóla Íslands.

Við biðjum um stuðning ykkar, þar sem við erum hrædd. Hræðsla sem er byggð á fengnum jarðfræðiupplýsingum um svæðið og getur því ekki talist óþörf. Hræðsla við afleiðingar sem þetta getur haft á líf okkar, eignir og framtíð.

Þó að þú búir ekki við Þjórsá gætu heimkynni þín einnig orðið fyrir barðinu á virkjanframkvæmdum í framtíðinni. Því er svo mikilvægt að samstaða verði um að koma í veg fyrir hamfarir með því að sameinast um hagsmunamál á afmörkuðum stöðum á landinu. Við munum standa með þér líka!

KÆRAR ÞAKKIR!

Skjalið sem PDF 

Myndin er tekin við Þjórsá. Ljósmynd: Guðrún Tryggvadóttir

13. 09. 2007 10:09 - Nokkrir íbúar við Þjórsá

Jarðstrengir ekki valmöguleiki?

Forsendur álvers í Helguvík brostnar?

14. september 2007 - Landvernd

Á fundi hjá skipulags og bygginganefnd Grindavíkur þann 13. september 2007 var öllum valkostum Landsnets um orkuflutninga í landi Grindavíkur hafnað. Aðeins er fallist á línur meðfram þeim sem fyrir eru í sveitarfélaginu. Í vor hafnaði Sandgerðisbær háspennulínum fyrir hugsanlegt álver í Helguvík. Nýlega neitaði bæjarráð í Vogum að taka afstöðu til þeirra valkosta sem Landsnet bauð upp á þar sem jarðstrengir voru ekki í boði. Þar með virðist ljóst að ef álver rís i Helguvík þá þarf að flytja alla orku með jarðstrengjum. Jarðstrengir yrðu að hluta á virkju jarðskjálftasvæði sem einkennist af jarðhita. Ef marka má orð Þórðar Guðmundssonar, framkvæmdastjóra Landsnets, um afhendingaröryggi jarðstrengja virðist álver í Helguvík þar með ekki raunhæfur kostur.

nánar ->

Hér var einu sinni lengsta á Íslands........

.... lækurinn þarna ef þú sérð hann fyrir sandfokinu er einmitt í jarðveginum þar sem áin var. Nei, það er engin laxveiði hér. Hún var um 2000 fiskar á ári fyrir síðustu virkjanaframkvæmdir en stofninn sem var hér er útdauður. Sem er synd af því að það er svo sérstakt að lax þrífist í svona jökul- og bergvatns ám. Hérna sérðu svo Viðey eða Minni-Núpshólma. Hún var mjög sérstök. Einn af fáum minnisvörðum um hvernig landið var  þegar fyrstu landnámsmennirnir komu hingað. Það er jafnvel talið að einhverjir þeirra hafi siglt upp ána. Eyjan er náttúrulega bara rofabarð núna en hún var stórglæsileg meðan menn og fé gátu ekki komist í hana. Svona sýnishorn af Flóru Íslands. Eigum við að rölta yfir? Þú afþakkar enda ekkert að sjá nema stöku nagaðar hríslu og rofabörð. Leiðsögumaðurinn heldur áfram að sýna þér svæðið í boði Landsvirkjunar og bendir þér stoltur á stífluveggina 200 metrum ofar í ánni. Þér finnst múrveggirnir hryllilegi að sjá en tekur fljótlega eftir einhverju sem virkar eins og lúðrar á stöngum ofan á veggnum. "Nei þetta er ekkert, bara viðvörunarflautur ef að við þurfum að hleypa snöggt úr lóninu eða ef það er hætta á að stíflan bresti vegna jarðskjálfta. Sem gerist auðvitað ekki segir leiðsögumaðurinn brosandi en við þurfum stundum að lækka snöggt í lónunum og þá þarf að láta hestamenn og fleiri vita af hættunni. Þegar ég spyr hann hvort þetta sé ekki hættulegt fyrir dýralíf eða skemmi gróður ypptir hann öxlum. "Þetta var talinn ásættanlegur fórnarkostur í umhverfismati. Landsvirkjun starfar eingöngu innan þeirra laga og reglna sem um fyrirtækið gilda."

Vilja láta endurskoða umhverfismat væntanlegra Þjórsárvirkjana

Ef að ráðamennirnir eru svona hvernig er þá þjóðin?

Ég hef aldrei skammast mín eins mikið fyrir hönd þjóðarinnar eins og þegar Álgerður utanríkisráðherra  opnaði munninn og talaði ensku að eigin mati á blaðamannafundi með erlendum sem innlendum blaðamönnum. Það er ekkert að því að vera lítið menntaður en maður þarf að vita sín takmörk og þetta hrognamál hennar virkaði sennilega á fréttamenn eins og hér byggju eingöngu ómenntaðir og ótalandi lúðar með örfáum undantekningum eins og konunni sem stamaði út úr sér óskiljanlegu og samhengislausu rugli um mikilvægi Íslands í alþjóðlegu samhengi. Allavega held ég að hún hafi verið að meina eitthvað í þá átt.

Síðan að Framsókn missti af því að greiða velgerðarmönnum sínum með bittlingum fyrir vel unnin störf hefur flokkurinn ekki bara verið í sárum heldur líka í mikilli fýlu. Svo mikilli að Iðnaðarráðherrann fyrrverandi sem enginn kaus fór bara heim til sín og vildi ekki leika meira enda ekkert að græða á því. Guðni véfrétt getur ekki lengur hylgt sveitinni sinni og Álgerður stendur í þeirri meiningu að Íslendingar séu að bregðast írösku þjóðinni með því að senda EINA MANNESKJU HEIM!

Framsókn á eftir að verða leiðinlegt stjórnarandstöðulið með  tuði og röfli bara til að tuða og röfla enda hafa þeir ekki haft neitt til neinna mála að leggja nema það sé til hagsbóta fyrir þá og þeirra. Kosningavíxlarnir þeirra hafa alltaf verið blöff alveg eins og hugsjónir.

Það tekur áratugi að lækna Framsóknarkrabbameinið í stjórnkerfinu og þess vegna er enn mikilvægara í næstu kosningum að einangra smitberann algerlega. Það gerist þegar þessi tilgangslausi stjórnmálaflokkur (nema fyrir flokkseigandafélagið-S-hópinn-Vís ofl) hefur ekki lengur bæjarfulltrúa eða þingmenn. Það tekur líka áratugi að lagfæra skemmdarverk þeirra gagnvart náttúru landsins og auðæfum. Og við þvoum aldrei af okkur stimpilinn sem Halldór og Davíð festu við heila þjóð, án þess að spyrja ræfilstuskurnar fyrst.

Stjórnarandstaðan klofin í afstöðu til heimköllunar friðargæsluliða

Hámenntaðir sultugerðarmenn Vegagerðarinnar eða pólitískt marmelaði?

KL. 07.52 lagt af stað úr Hafnarfirði. Mæting 08.30. Meðalhraði 10,08 km. á klst. 54 mínútum síðar komið á áfangastað. Það var margt áhugavert að skoða á leiðinni. Konan í bílnum fyrir framan mig var að mála sig og meika. Setja á sig maskara og bursta á sér hárið. Það tók hana oft lengri tíma að taka af stað aftur en ég er viss um að hún hafi litið alveg skínandi vel út þegar hún kom til vinnu. Það er nefnilega ýmislegt hægt að gera á þessum meðalhraða annað en að hugsa um aksturinn. Konan við hliðina á mér í Garðabænum var að senda sms. Kannski láta vita að henni seinkaði. Sá næsti sem kom upp að hliðinni á bílnum mínum stundaði líffæra- og líkamsvessaframleiðslu sína af allt að því klínískum áhuga og skoðaði gaumgæfilega afraksturs þess sem hann dró út úr nefinu á sér og ég er ekki frá því að svipurinn á honum við skoðunina hafi verið sambland af stolti og áhyggjum yfir hvar hann ætti að klína afrakstrinum. Hann hefur kannski bara mætt til vinnu með hann undir nöglunum. Annað sem vakti athygli mína var að í yfir 9 af hverjum 10 bílum var ein manneskja.

Það er til mikið af fólki í umferðinni sem lítur á það sem heilaga skyldu sína ef maður hefur eðlilegt pláss milli bíla að koma í veg fyrir svoleiðis bruðl á plássi og rykkir sér yfir á þá akrein með tilheyrandi bremsunotkun næstu bíla fyrir aftan. Á sama tíma eru aftaníossarnir sem trúa því að ef þeir hafa bara nokkra millimetra milli þín og þeirra gangi þér betur að komast áfram og þeir verði fyrir vikið ekki seinir. 

Seinustu daga hef ég velt mikið fyrir mér hvað sé að gerast með gatnakerfið. Fyrsta hugsunin með hversu umferðin gengur verr nú en fyrir mánuði síðan sem var þó slæmt var að skólarnir séu byrjaðir. En það eru skv. fréttum sama magn bíla á þessum tíma og þá. Auk þess sem ég sá ekki nokkra manneskju sem leit út fyrir að vera á leið í menntaskólann sinn.

Það var einhver samgöngu- eða skipulagsnefnd skipuð á sínum tíma til að skipuleggja gatnakerfi höfuðborgarsvæðisins. Gatnakerfið eins og það er í dag er kerfi sem átti að duga í mörg ár í viðbót. 

Ég er búinn að komast að því að vandlega skoðuðu máli að nefndarmeðlimir hafi sennilega allir verið hámenntaðir sultugerðarmeistarar vegna þess að miðað við ástand samgangna höfuðborgarsvæðisins er ekki fræðilegur möguleiki að nokkur einasti kjaftur þessarrar nefndar hafi haft hundsvit á samgöngumálum eða gatnagerð. Hvort sem Vegagerðin, Samgönguráðuneytið, bæjarfélögin eða Gatnamálastjóri hefur þessi mál á sinni könnu þá er ég allavega sannfærður um að það geti ekki verið verkfræðingar menntaðir í samgöngumálum sem koma að þessu klúðri.

Hinn möguleikinn er að það hefur verið skipað pólitískt í Samgöngunefnd: Framsókn skipað fyrrum kosningarstjóra borgarfulltrúans sem fékk 6,3% atkvæða og varð valdamesti maður borgarinnar. VG settu inn gamla últramarxistann sem truflaði aðalfundi hjá þeim. Sjálfstæðisflokkurinn valdi stuttbuxnahermanninn sem féll í síðustu SUS kosningum með það fyrir augum að hann tjáði sig þá ekki um innanhúsmálin. Samfylkingin valdi konu af því hún var kona. Og menntuð sem fóstra sem er gott. Frjálslyndir fengu bara áheyrnarfulltrúa og völdu mann sem var genginn úr flokknum. Þannig að Íslandshreyfingin á sinn eina fulltrúa þarna í öllu stjórnkerfinu.

 Þessi nefnd hefur komið saman reglulega á 3ja mánaða fresti og fengið sér bakkelsi, kaffi og komminn jurtate. Í fundagerðum stendur hver hafi mætt og að unnið skuli að öflugri, heildrænni og framtíðamiðaðri stefnu samgöngumála til hagsmuna fyrir fótgangendur jafnt sem bíleigendum með það að leiðarljósi að draga úr umferð  og mengun og bjóða vistvæna ferðakosti til jafns við virðingun fyrir frelsi einstaklingsins til að ferðast einn í sínum fjallabíl. (Sem SUS strákurinn fékk sett inn sem bókun).

Það verður gott að búa í Hafnarfirði eftir að nefndin lýkur störfum en þangað til tekur það mig og konuna 54 mínútur að keyra 11,2 kílómetra til vinnu. 

Klærnar sýndar...

Það er engin launung að Þóra Kristín var vöruð við því fyrir nokkrum mánuðum síðan að berjast gegn virkjunum í neðri-Þjórsá. Hún sagði sig frá allri umfjöllun um þau mál en það hefur ekki dugað fyrir Landsvirkjunarríkið í ríkinu. Á fundi í Þingborg 29. apríl sl. tók hún viðtöl við heimamenn. Það að gagnrýna svo pólitíska ráðningu frekar en vera stillt stelpa hefur farið öfugt ofan í lénsherrana. Lénsherra sem ráða því hvaða fréttir berast á borð landsmanna. Enda er fréttamennska stöðvar 2 orðin meira útlit en innihald. Því miður.

Raunar hafa bændur í Gnúpverjahrepp sem berjast gegn þessum yfirgangi Landsvirkjunar sagt mér sögur af verri fyrirgreiðslu í bönkum, aðdróttunum frá embættismönnum og fleira í stílnum: Haltu kjafti og hlýddu eða þú hefur verra af! Það hefur aldrei verið skýrara frá danskri einokun að hér séu tvær þjóðir. Sú kúgaða með seðilgjöldin og sú kúgandi með fjármagnstekjurnar og ráðuneytin í rassvasanum.

Þóru Kristínu sagt upp á Stöð 2

Kjökrandi eineltishommi.....

Negrar er orð sem ég má ekki nota þegar ég tala við afró-ameríkana eins og þeir heimta að hvítir kalli sig í Bandaríkjunum. Þeir mega kalla hvern annan negra en um leið og þú gerir það ertu orðinn Ku Klux Klan meðlimur og hægt að kæra þig fyrir að vanvirða hvað langalangalangalangafi afró-ameríkanans átti bágt sem þræll. Ég hreinlega þoli það ekki þegar fólk felur sig á bak við að tilheyra minnihlutahóp og öll gagnrýni er varin með að um fordóma gagnvart viðkomandi sé að ræða. Eins og Andrés Magnússon bendir á í sínu bloggi þá er bakgarður Ernu orðin framlenging af skemmtistaðnum og það hvílist enginn með röflandi fullan hóp af fólki í garðinum sínum. Hommum eða óhommum.

Ernu er ég búinn að þekkja í 32 ár og að saka hana um fordóma gagnvart hommum er svona álíka eins og að halda því fram að páfinn sé lesbía.  Þarna er einfaldlega langlundargeð hennar þrotið gagnvart ónæðinu sem er greinilega búið að aukast mikið frá því að Ari í Ögri var þar sem samkynhneigði eineltingurinn er núna til húsa.

Og ef það er skætingur að vilja ekki hlusta á mann sem telur að HANN sé fórnarlambið en ekki manneskjan sem verður fyrir ónæðinu þá á þessi maður einhver ónotuð eða illa þroskuð skilningarvit.

Úr Mblgreininni: "Hann segir að ævinlega hafi strax verið brugðist við ábendingum og tilmælum lögreglunnar varðandi Q bar, m.a. um að loka gluggum svo minna hljóð bærist frá staðnum".

Segir þetta ekki allt? Ævinlega! Hvað þýðir þetta annað en að stöðugar kvartanir séu í gangi vegna hávaða.

Ragnar Ólafur Magnússon ætti að taka sjálfan sig saman í andlitinu og hætta að fela sig á bak við að fólk sé vont við hann af því að hann sé samkynhneigður. Átta sig á tvennu: Það er enginn á Íslandi nema nokkrir prestar enn að velta fyrir sér hvort fólk sé sam- eða sundurkynhneigt. Það er hugsanlega önnur ástæða fyrir kvörtunum en að allir vilji vera vondir við hann.

Ég flúði sjálfur úr miðbænum fyrir 10 árum síðan og sakna einskis þaðan en það var stundum ekki svefnsamt þá um helgar fyrir skrílslátum sem voru töluvert minni þá enda einungis opið til 3. Og töluvert minna um amfetamínætur. 

Telur um einelti að ræða

Eru Gestapóaðferðir ok við suma?

 Það er búið að skrifa mikið hér um þvagleggsmálið eins og farið er að kalla það. Fólk skiptist í fylkingar og þeir sem réttlæta aðgerðir lögreglunnar á Selfossi gefa í skyn að konan hafi átt þessar meðfarir skyldar sökum ölvunar. Og ég ætla síst af öllu að réttlæta gerðir hennar. En akkúrat í þessu liggur mergur málsins. Lögreglan á Íslandi kemur fram við drukkið fólk sem réttindalaust í skjóli þeirra úrræða sem þeim er heimilt að beita í þeirri vissu að ENGINN MÓTMÆLI. Drukkinn einstaklingur hversu illa sem hann er á sig kominn HEFUR EKKI AFSALAÐ SÉR MANNRÉTTINDUM SÍNUM FYRR EN HANN ER ORÐIN ÓGN VIÐ AÐRA. Var þessi kona ÓGN við lögregluna? Var einhver hætta á að hún fengist ekki dæmd fyrir brot sitt? Það kemur mér rosalega á óvart að þessi sýslumaður og Selfosslögreglan skuli verða uppvís að svona gestapó-aðferðum. Málið er nefnilega að burtséð frá sekt þessarra konu og ég vona að hún hljóti sem strangasta dóm fyrir sitt athæfi þá erum við öll bara venjulegt fólk sem gerum mistök en þegar einhver manneskja gerir svona mistök og er fyrir vikið NAUÐGAÐ AF HEILBRIGÐIS- OG LÖGGÆSLUFÓLKI þá er eitthvað orðið verulega rotið í fyrrum danaveldi. Það að konan eigi þetta skilið er nákvæmlega eins og þegar menn segja að hún hefði þá ekki átt að vera í minipilsi eða daðra svona við nauðgarann.

Ég ætlaði ekki að blanda mér inn í þessa heitu umræðu en þegar fólk er farið að réttlæta gestapóaðferðir vegna þess að manneskjan var ekki samkvæmt Lögreglusamþykkt er nóg til að mér ofbjóði. Í mínum huga er þetta ekkert annað en nauðgun Lögreglunnar á Selfossi á dauðadrukknu fórnarlambi!

Ég vil engan afslátt á hennar dómi en heilbrigðisstarfsfólk og lögreglumenn sem gera svona eiga að fara líka á bak við lás og slá.

 

http://dagskra.ruv.is/streaming/sjonvarpid/?file=4338403/2 

Listin að græða morðfjár - bandaríska yfirstéttarleiðin.

Er einhver sem trúir því enn að stríðið í Írak hafi verið síðasta hálmstrá Bandaríkjamanna til að koma á lýðræði í landinu og losa það við slæman einræðisherra með gereyðingarvopn? Einræðisherra sem bretar ásamt bandaríkjamönnum áttu mestan heiður á að koma til valda. Einræðisherra sem leifði AL Qaida EKKI AÐ STARFA innan sinna landamæra. Landamæra sem eru núna helsta starfssvæði þeirra. Er einhver sem efast enn um raunverulegar ástæður fyrir þessu. Er þetta stríð gegn hryðjuverkum eða eitthvað enn viðameira? Eru USA og Bretland kannski að réttlæta stóra bróðurs hugsun sína? Sem Davíð og Halldór aumkunarverðir sveitasmalar samþykktu auðmjúkir fyrir hönd íslensku þjóðarinnar. Ég horði á athyglisverðan þátt á ríkissjónvarpinu um rokk og pólitík í gær. Aðalpælingin var Víetnamstríðið og áhrif rokktónlistar við að stöðva það. Samsvörunin á Víetnamstríðinu og Íraksstríðinu var sláandi. Bandaríski herinn lærði það af Víetnamstríðinu að það þarf að ritskoða hvað almenningur sér og hefur gert það síðan þannig að brennandi líkamshlutar eru ekki á dagskrá í dag. Frekar notast við eitthvað sem er eins og úr tölvuleik og sýnir hversu nákvæmar "smart" bomburnar þeirra eru þegar bíll á ferð sést springa í tætlur. Minna fer fyrir þegar þeir fyrir "misskilning" skjóta saklausa vegfarendur eða sína eigin liðsmenn í frumeindir. Samsvörunin milli Richard Nixons og George Bush, réttlætinga þessara stríða en bandarísk fyrirtæki áttu gríðarlega verðmæt námuréttindi í Víetnam og þess ágreinings sem er nú uppi um skiptingu olíuauðs Íraks. Verktakasamningar Halliburton þar sem VARAFORSETI bandaríkjanna var stjórnarformaður (president)en þetta fyrirtæki fékk (að mestu án útboðs) flesta samninga um uppbyggingu landsins, fæðu- og vatnsöflun hermanna (sem hefur oft reynst skemmt) og fleiri samninga sem allir hafa gefið fyrirtækinu vel í hönd. Það vel að eignir varaforseta bandaríkjanna eru taldar hafa farið úr 65 milljónum króna í fjögurþúsundfimmhundruðogfimmtíumilljónir á nokkrum árum. Ég veit ekki með þig en mér finnst nóg komið. Bandaríkjamenn stefna samt að innrás í Íran, Sýrland, Líbanon sennilega Jemen, Líbíu og Norður-Kóreu. Þá ætti olíuverð að haldast stöðugt og Dick Cheney að fitna. Bandarískir undirmálsunglingar deyja áfram í hrönnum en George Bush hefur komið því til leiðar sem þeir sem borguðu stjórnmálabaráttu hans ætluðust til. Sleppum herforingjastjórn Pakistans, mannréttindabrotum saudi-araba, grimmd Ísraela, margföldun heroínframleiðslu í Afganistan sem var nánast horfin undir stjórn Talibana. Horfum framhjá fjöldamorðunum í Alsír og Súdan. Horfum framhjá því að kontraskæruliðarnir í Nigaragua hafi verið fjármagnaðir af CIA með dóppeningum. Horfum framhjá aumingjaskap bandarískrar lýðræðisástar gagnvart Myanmar (Burma).  Horfum framhjá því hvernig bandarísk stjórnvöld misnotuðu sína íslensku skeynisveina Davíð og Halldór þannig að þeir sáu sér þann kost vænstan að flýja í öryggi uppgjafarinnar hjá pólitískum stertimennum - feit embætti.  En er einhver sem heldur því fram og trúir að það sé bandarísku- eða alþjóðasamfélaginu til góða sem þessir menn eru að gera?

 Þetta hafði Cheney að segja 1994 um það að ráðast á Írak:

 En það var áður en hann gat sjálfur grætt á stríði:

 Halliburton og Cheney: