Ingibjörg - þettar eru víst fulltrúar þjóðarinnar!

Þó að ég sé ekki stuðningsmaður ofbeldis við þessi mótmæli þá verða Ingibjörg og Geir að fara að gera sér grein fyrir því að þessir mótmælendur ERU fulltrúar reiðinnar sem kraumar í öllum Íslendingum yfir getu- og andvaraleysi stjórnvalda sem ætla að þumbast áfram án umboðs þjóðarinnar dauðhrædd við að annars komist upp um spillingarvefinn sem hefur verið spunninn sl. áratugi.

Fólk sem ég þekki varð fyrir gasi lögreglumanna við Hótel Borg núna áðan. Þau voru í göngutúr með dóttir sinni og algerlega ótengd mótmælendum. Efað mótmælendur eru farnir að gerast of grófir má spyrja hvort að lögreglan sé það ekki líka?

Hvenær drepur maður börn? - Slítum stjórnmálasambandi við þessa morðingja!

Núna berjast ísraelskir stjórnmálamenn sín á milli um að sýna hver þeirra sé vígreifastur vegna komandi kosninga. Palestínsk börn og konur eru drepin til að afla sér fylgis. Íslenska ríkið sem lagði fram tillöguna að stofnun ísraelsríkis á að taka til hendinni og sýna einu sinni eitthvað annað en ákvarðanafælni og luðruskap og slíta stjórnmálasambandi við þessa hátæknivæddu morðingja sem bera saman allt það besta úr vopnabúrum sínum og Bandaríkjanna við heimasmíðaðar „eldflaugar“ Hamas sem drepa fleiri þeirra manna en Ísraela. Ég tek það fram að ég er enginn stuðningsmaður Hamas og spilling Fatah hreyfingarinnar hefur sennilega orðið til þess að palestínumenn styðja Hamas. En umheimurinn á ekki að láta bjóða sér sífellda slátrun, kúgun og niðurlægingu heillrar þjóðar vegna samviskubits yfir að hafa lokað augunum fyrir Helförinni og jafnvel stutt hana með því að endursenda gyðinga til Þýskalands. Það réttlætir ekkert meðferð Zíonista á Palestínumönnum og landi þeirra.

Allir þeir sem kynna sér veruleika Palestínumanna eins og Norður- íra áður þurfa ekki að vera Hamas eða Ira stuðningsmenn þó þeim ofbjóði meðferð kúgarans.  Ef Solla stirða hefði náð sæti í Öryggisráð SÞ hefði hún sennilega sleykt upp eftir Bandaríkjamönnum og sagt skamm við Ísrael. Sem gerir jafnmikið gagn og samúðarkort til Abbas.

Alvöru stjórnmálaSKÖRUNGAR taka af SKARIÐ og segja Ísland úr klúbbi stuðnings við dráp öflugustu drápsmaskínu heimsins á saklausu fólki.  Vil vekja athygli á grein sem ég skrifaði hér Hvenær drepur maður börn? 

Ég vil biðja alla Omega Zionistana um að sleppa því að kommentera á þetta hér. Ég hvorki nenni að lesa ofstækið né  svara bullinu.

Og hér fyrir neðan eru nokkrar staðreyndir úr palestínskum raunveruleika teknum af vef ísraelsku mannréttindasamtakanna btselem

Protect civilians from the impact of hostilities
Since 27 Dec. Israel is conducting an aerial assault against targets in Gaza that it claims are linked to Hamas. The number of Palestinian casualties, according to the international media, is 383, of whom more than 30 are minors. 3 Israeli civilians were killed by rockets fired by Palestinian militant organizations.

 

Hermenn sem drepa börn „óvart“ geta flúið land:

Soldier charged with killing Palestinian child flees Israel
In April 2004, an indictment was filed against a soldier who shot and killed 'Omar Matar in the Qalandiya refugee camp in March 2003. In June 2008, following repeated letters from B'Tselem, the IDF Spokesperson responded that, "no verdict has been given in the case, given that the matter is still being heard and the defendant left the country and is staying abroad."

 

Það kostar þig 16 mánuði í fangelsi að skjóta Palestínskan fjárhirði:

Settler gets 16 months in jail for shooting Palestinian
In September 2007, the settler Ehud Gadot fired at Palestinian shepherds in 'Ein al-Beida, in the northeast West Bank, hitting Muhammad Abu Mutawe'a and paralyzing him. In a plea bargain, Gadot pleaded guilty. On 14 December 2008, the District Court sentenced him to prison for 16 months.

 

Electricity blackouts in Gaza endanger child's life
The life of Yasser Sweisi, 11, depends on a respirator. The frequent blackouts resulting from the siege on Gaza forced his parents to buy a generator. When the fuel needed to operate the generator runs out, they use a manual respirator

Jákvæður um vopnahlé

Töpuðu 5,5 - 6,5 milljónum - hafa ekkert upp á þjónustufulltrúann að klaga!

Ég hlustaði í dag (17. des) á viðtal á rás 2 við hjón 77 og 71 árs þar sem þau sögðu frá tapi sínu á fölsunarsjóðum Landsbankans. Þetta er bara ein af mörgum sögum sem ég hef heyrt af fólki sem leggur inn arfinn sinn, ævisparnaðinn, slysabæturnar eða sparnaðinn sem átti að nota seinna. Núna er þetta horfið og ráðgjafarnir í bankanum hafa engin svör. Ráðgjafarnir sem sögðu að þetta væri öruggast fjárfestingin.  Og það er ekki hægt að sækja neinn til saka. Einhversstaðar var smátt letur sem sagði að þetta væri áhætta. En það sagði hvergi að eigendur bankanna ætluðu að nota þetta fé til að blekkja alþjóðasamfélagið til að trúa að bankarnir þeirra og félögin væru traust og efnuð.

Til þess notuðu þeir sparifé þessa fólks.  Við að hlusta á samtalið við þetta jarðbundna aldraða fólk sem var ekkert visst um hvort það myndi kæra eða gera mál enda ekki uppreisnargjarnt reiddist ég eina ferðina enn græðgisglæponum landsins. Í þetta sinn fyrir hönd hógværa alþýðufólksins sem hafði ekkert uppá þjónustufulltrúann sinn að klaga þrátt fyrir að hafa leiðbeint þeim þessa leið. Enda vissu þau að skipanir hans koma að ofan. Og samkvæmt nýjustu fréttum ofar en frá bankastjórunum. Þeim sömu og segja að bankarnir hafi verið vel reknir.

„Ólíkt sumum öðrum athafnamönnum hef ég alltaf borgað mína skatta og staðið við skyldur mínar á Íslandi. Það má meðal annars sjá með því að taka saman þær skattgreiðslur sem ég hef innt af hendi síðustu árin,“ segir Jón Ásgeir Jóhannesson.

Ef að Jón Ásgeir getur látið svona setningu út úr sér án þess að fjölmiðlar landsins krefji hann um skýr svör um hvað eða hverja hann eigi við er eitthvað meira en lítið að fjölmiðlaflóru landsins. Samkvæmt þessu býr hann yfir upplýsingum um skattsvik eða undanskot annarra auðmanna. Á það að fá að vera bara svoleiðis og ekki orð um það meir? 

Jón Ásgeir: Ekki sama hver á í hlut

Ungmenni á fimmtugsaldri?

Yfirborðsfréttamennskan í þessari grein er fyrir neðan allar hellur. Þó að einhver hluti mótmælenda sé ungur þá eru nokkrir þeirra komin áratugi frá því að teljast ungmenni. Hver er hugsunin með þessu orðalagi? Gera lítið úr mótmælendunum sem krakkakjánum? Draga úr vægi þeirra vegna aldurs? Þessi fréttafölsunarmennska er ekki til þess fallin að auka tiltrú almennings á blaðamenn og ritstjórnir fjölmiðla. Og mega þeir nú ekki við meiru eins og sakir standa.

Segjast hættir í bili

Fólk eða flokksræflar?

Bjarni opinberar hér goggunarröð flokksræflanna á þingi: Fyrstur er trúnaðurinn við flokkinn. Í öðru sæti eru auðmennirnir sem fjármagna flokkanna. Og í þriðja lagi fjölmiðlar auðmannanna. Hvort að kjósendur séu svo í fjórða sæti skal ósagt látið en einhverra hluta vegna virðist yfir 90% þjóðarinnar hafa annað á tilfinningunni. Ég hefði aldrei trúað því að ég ætti eftir að tala vel um framsóknarmann en Bjarni kom inn á þing sem manneskja ekki flokksræfill. Og það eru manneskjur ekki flokksdindlar og auðmannaskækjur sem við þurfum á þing. Burt með þessar liðleskjur úr þingsölum!

Stjórna í gegnum fjölmiðla

Við erum hið raunverulega Alþingi!

Á síðasta borgarafundi framdi Ingibjörg Sólrún pólitískt Harakiri með ummælum sínum um að fundarmenn væru ekki „þjóðin.“ Kom þá í ljós hve djúp gjáin er á milli atvinnupólitíkusanna og þjóðarinnar.

Úr fílabeinsturni sínum sjá þau 5-7000 manns mótmæla á Austurvelli. Ófær um að sjá hverjir sitja heima en hugsa það sama. Ófær um að gera sér grein fyrir því að á bak við hvern þann sem mætir á mótmælin eru fleiri sem komast ekki. Ófær um að sjá reiðina í þjóðinni. Ófær um að viðurkenna að þessi Þyrnirósarríkisstjórn hafi vaknað of seint. Og kostað okkur of mikið.

Það er enginn Íslendingur sáttur við að vera orðinn skuldari gagnvart grandvaraleysi íslenskra stjórnvalda og fjársukki svikamyllna sem svo sannarlega hefur verið stofnað til af fámennum fjárglæfrahóp. 

Köllum hlutina bara réttum nöfnum: Í skjóli fákeppni og þöguls samráðs (Einnar krónu verðmunur á Bónus og Krónunni) hefur íslenskur almenningur verið blóðmjólkaður af kaupmönnum sem  vita að almenningur hefur um ekkert annað að velja en versla við annan hvorn aðilann. Þetta er næg ástæða til að setja yfirmann Samkeppnisstofnunar og umboðsmann neytenda af.

Í skjóli krosstengsla hafa bankar, eigendur þeirra og skyldra fyrirtækja logið upp verðmæti sitt með krosskaupum og blekkingum sem Kauphöllin og Fjármálaeftirlitið hafa litið fram hjá. Það er næg ástæða til að setja yfirmenn þessara stofnanna af. 

Seðlabankinn þrátt fyrir að segja núna að hann hafi varað við ástandinu, létti bindiskyldu bankanna á eigin fé. Davíð Oddsson mærði útrásina þó hann kannist ekki við það í dag. Vaxtastefna bankans og verðbólgumarkmið hafa aldrei virkað. Það er næg ástæða til að þeir eigi að draga sig í hlé.

 Fjármálaráðherra, já hvað er með hann. Ég myndi ekki einu sinni vilja að yxna kú yrði á vegi hans.

Viðskiptaráðherra þó að ég  hafi mikið álit á honum sem manneskju og framtíðarpólitíkus á að segja af sér. Af hverju? Jú hann stóð ekki vaktina. Kannski vissi hann ekki, kannski var lífið og tilveran bara „jollý“ en þeir sem taka að sér embætti eins og þetta bera ábyrgð. Og hann féll á prófinu. Svo er spurning hvort hann fái að taka sjúkrapróf.

Jóhanna Sigurðardóttir fellur líka á prófinu með því að setja plástur á svöðusár eins og Gunnar Tómasson orðaði það. Við missum heimilin okkar, verðum gjaldþrota og flýjum land en úrræði félagsmálaráðuneytisins snúast öllum um að vernda lífeyrissjóðina og íbúðalánasjóð. Við megum drepast en ekki þessar stofnanir.

Sjálfstæðismenn, framsókn  og Kristján Möller vilja virkja. Heimska, heimska, heimska. Landsvirkjun eins og Ísland nýtur ekki lánstraust lengur. Álverð sem ákvarðar raforkuverð til stóriðju hefur lækkað um 36%. Af hverju þurfum við að halda áfram að fara í gegnum gjaldþrota úrræði Framsóknar?  Er ekki komið nóg af því að markaðssetja okkur sem betri úrræði fyrir álver en þróunarlönd? Eða stöndum við þeim neðar?

Geir og Davíð dreifa smjörklípum en fólk sem á ekkert til að smyrja smjörinu á er hætt að taka við þeim.  Á svona tímum leitar fólk að leiðtoga. Traustum og staðföstum foringja sem leiðir þjóðina á besta hugsanlega hátt gegnum fárviðrið. Leiðtoga sem stendur með þjóðinni og öslar í gegnum flóðbylgjurnar með henni. Ekki möppudýr sem frosið í framan segir þjóðinni að því miður sé það óumflýjanlegt að þið missið húsið ykkar og skuldið milljónir eftir það. Leiðtoga sem gerir ekki gerviumbætur á eftirlaunasvindli lénsstéttarinnar. Leiðtoga sem biður ekki kjararáð um eitthvað sem hann veit að kjararáð hefur ekki umboð til að samþykkja án lagabreytinga. Er að slá ryki í augu fólks. Og þó að norski hernaðarráðgjafinn sé farinn er enn farið eftir handritinu hans. Þó að síðasti karamellufréttafundur hafi farið fram þannig að fréttamenn hafi haft tíma til að vinna úr honum þá er svo komið að fréttamiðlar á Íslandi eru líka búnir að missa tiltrú fólks.

Mbl.is birtir tittlingaskít um mótmælin ma. að 100-200 manns hafi mætt á Arnarhól. Má vel vera en hvaðan fá þeir ALLTAF upplýsingarnar. Frá lögruglunni.

Einu raunverulegu fjölmiðlarnir í dag eru á netinu. Eyjan, Smugan, Nei og fleiri. Getuleysi Rúv, mbl, visis og þessarra sem eiga að vera OKKAR miðlar er algert!

Það er ekki rétti tíminn nú til að leita að sökudólgum dynur á okkur. Svo er sagt að hverjum steini verði velt við. Af sömu mönnum og áttu þessa steina!

Sjálfstæðisflokkurinn er búinn að fá Sjálfstæðisflokkinn til að skipa Sjálfstæðisflokkinn til að rannsaka Sjálfstæðisflokkinn og þátt hans í Sjálfstæðisflokknum. Framsóknarflokkurinn er í tilvistarkreppu án þess að gera sér grein fyrir ástæðunni (með Finn Ingólfsson með milljarða í rassvasanum) og spillingarstimpil sem meira að segja 5 ára krakkar skilja og Samfylkingin er eitt spurningarmerki í framan. Kannast ekkert við að hafa verið með í partýinu. Svo höfum við glottandi Steinrík krefjast kosninga. Hvurslags helvítis vanvita höfum við kosið yfir okkur? Við eigum þetta varla skilið þrátt fyrir að hafa flotið sofandi að feigðarósi.

 Við ykkur málfundafélagsmenntaskólastjórnmálamenn sem hafið stefnt að áhrifum frá 15 ára aldri vil ég segja eitt: Við viljum ykkur ekki! Ekki lengur. Þið hafið fengið ykkar tækifæri. Og skitið upp á bak. Við hin þetta venjulega fólk sem þið kallið kjósendur þurfum að þrífa þennan illa lyktandi viðbjóð sem þið skilduð eftir ykkur. Og ekki halda eitt augnablik að við viljum það. En við gerum það. Með það í huga að þetta endurtaki sig ekki. Og til þess að það gerist ekki þarf að útiloka ykkur. Til allrar framtíðar.

Nýtt Ísland verður sterkt. Samkennd og samhugur. Skilningur á góðri menntun. Skilningur á samfélagslegri þjónustu. Skilningur á að manneskjan komi fyrst. Efnahagur seinna. Félagsleg gildi þar sem það verður ekki vandamál að semja um kjör við ljósmæður. Eða þörf fjármálaráðherra til staðar til að stefna þeim.

Við leyfum græðgisvæðingunni ekki aftur að kaffæra okkur.  Milton Friedman er lærifaðir Davíðs Oddssonar, Hannesar Hólmsteins og Geir H. Haarde. Lærifaðir þess sem við erum að upplifa núna. Ég hafnaði kommúnisma á sínum tíma. Ég hafna líka nýgræðgisfrjálshyggju Friedmanns og félaga. Núna er okkar hlutverk að koma þessum atvinnupólitíkusum frá! Hvort sem þeir eru grænir fúlir eða bláir gráðugir....... og allt þar á milli.

Nýtt Ísland byggist á einstaklingum kjörnum á þing sem menn - ekki flokksræflar

Formaður fram að flokksþingi

Vorum og verðum „trylltur skríll!“

Þarna er kannski komin skýringin á ummælum hrokagikkjanna ISG og Geirs að þeir sem voru á borgarafundinum endurspegluðu ekki þjóðina! Við vorum og erum skríll og þau lénsherrar. En varalið og gas kemur ekki til með að stoppa skrílinn í því að skipta út spillingarliðinu. Það sem er helsta vandamálið er að það er ekki búin að myndast nein raunhæf samtök um að taka við stjórn. Ekki viljum við stjórnarandstöðuna í staðinn.

Austurvöllur fyrr og nú

Hið raunverulega Alþingi - borgarafundur 24. nóvember 2008

Ég lét mér nægja að horfa á borgarafundinn í sjónvarpinu núna. Fann samt til samviskubits yfir að sýna ekki samstöðu og mæta. En þarna var rödd þjóðarinnar mætt. Og ríkisstjórnin hlustaði ekki fremur venju.  Ég er ekki frá því að Ingibjörg Sólrún hafi framið pólitískt Harakiri með því að segja að þetta væri ekki þverskurður þjóðarinnar. Geir var enn hrokafyllri og segir núna í fréttum að þetta hefði verið ákveðin stemmning en ekki endilega það sem endurskoðar sýnir þjóðarinnar frekar en Þjóðviljinn sem þrátt fyrir nafnið hefði aldrei endurspeglað þjóðarviljann. Segir þetta okkur ekki nóg? Ég get sagt fyrir mig að fullt af klappinu og stuðningi við ýmislegt er ekki endilega að gera sig fyrir mig. Kosningar í febrúar finnst mér glapræði þó ekki sé nema fyrir tíðafar. Hvað þá heldur annað.

Þorgerður Katrín er komin á fullt í baráttunni fyrir að verða næsti leiðtogi Sjálfstæðismanna. Svo diplómatísk að uppskera klapp á sama tíma og samráðherra hennar dýralæknirinn sem sér um fjármálin var baulaður niður. Kristján Möller hrokafullur fyrirgreiðslupólitíkus þumbaðist  í spurningarlausu svari við að réttlæta tilveru sína. Össur brá sér í trúðagervi. Aðrir ráðherrar stóðu sig enn verr. Og pínlegt að horfa á sakamanninn Árna Johnsen bakvið ræðupúltið með fílusvip og krosslagðar hendur. Honum leiddist greinilega pakkið í salnum.

En þarna var komið saman hið raunverulega Alþingi landsins. Raddir fólksins. Þó þær hafi ekki komist inn fyrir hlustir hrokagikkjanna í ríkisstjórn endurómuðu þær kröfur okkar og væntingar. Raddir venjulega Íslendinga. Hvort sem það þarf 10-20 þúsund Íslendinga á Austurvöll, hvað sem mér finnst um aðstandendur mótmælanna, hvað sem verður í gangi milli lögruglu og almennings, þá kemur þessi ríkisstjórn til með að fara frá. Ég vil ekki græna, frjálslynda samspillingarmenn í þeirra stað og það gerist ekki. Við eigum fullt af fólki sem getur sótt um að gæta hagsmuna okkar.

Ekkert þeirra virðist vera í stjórnmálaflokki!

Húsfyllir í Háskólabíói

Lögreglan njósnar um mótmælendur

„Á sömu mótmælum henti hópur fólks stórum borða fram af svölum húss sem statt er við Austurvöll. Á borðanum sagði ,,Niður með kapítalismann – Rísi réttlætið!” og höfðu þeir sem hentu fram borðanum, hulið á sér andlitið með svörtum klútum.

Hörður Torfason, sjálfskipaður mótmælastjóri, misnotaði þá aðstöðu sína fyrir framan hljóðnemann og bað fólkið um að taka af sér grímurnar. Hann sagði að við byggjum ekki í þannig samfélagi að fólk þurfi að hylja á sér andlitin. Þvílík heimska og hræsni! Raggeitin ónafngreinda löggan og hennar viðvera á Austurvelli er sönnun á því að yfirvöld eru að safna upplýsingum um þá sem mæta á Austurvöll og mótmæla ríkisstjórninni og valdníðslu hennar.“ Aftaka.org

Ég hef oft velt fyrir mér afhverju róttækir mótmælendur hyldu andlit við mótmæli. Þessi myndbönd hér sem eru frá lögreglunni sjálfri í Portland USA, sýna vinnubrögðin. Hvernig fórnarlömb eru valin úr. Hvernig lögreglan lætur til skara skríða burtséð frá því hvort það standi ógn af mótmælendum eða ekki. Og ef einhver heldur að það sem þessi lögregla er að gera í USA sé eitthvað sem myndi ekki viðgangast hér þá minni ég bara á Rauðavatnsofbeldið. Íslenskir lögreglumenn eru með sömu þjálfun og þeir á myndbandinu.

 

Von á táragasi og piparúða - Viðbragðsleiðbeiningar

Lögreglan hefur í heild staðið sig vel - en gerði slæm mistök

 Fashion Tips for the Brave

Var ekki látinn vita

Það er kominn tími á grjótið.....

Geir Jón og félagar hafa staðið sig frábærlega meðan mótmælt var við Austurvöll. Samskipti þeirra við mótmælendur hafa öll verið á besta veg miðað við spennuna sem ríkir. En fyrir fólk sem heldur að þeir hafi verið þarna 4 saman félagarnir og ekki talið þörf á fleirum þá vil ég benda á að varðhundarnir voru aldrei langt undan. Þegar ég í gær keyrði um bæinn leitandi að bílastæði til að taka þátt í mótmælunum varð ég að keyra frekar langt til að fá stæði. Það var frábært að sjá fólk streyma ofan af Arnarhól, niður Laugarveg og aðrar götur á leið á fundinn. Ég parkeraði rétt hjá kirkjugarðinum gamla. Þar tók ég þessa mynd. Fullur bíll af varðhundum ríkisóstjórnarinnar og vafalítið hafa þeir verið staðsettir á fleiri stöðum. Svona ef Björn myndi segja „go!“

Mistök lögruglunnar liggja í að halda að það sé enn hægt að haga sér hvernig sem þeim sýnist. Saving Iceland krakkarnir fengu engan skilning eða samúð á sínum tíma. En lögruglan kemst ekki upp með það sama í dag.  Og drottningarviðtalið við lögruglustjóra er mér óskiljanlegt! Maðurinn ruglar um að þessi handtaka komi mótmælunum ekkert við og fréttamaðurinn tekur það gott og gilt. Þvílík undirlægja!

Ég get ekki séð, augun og andlitið brenna

Valdníðsla í verki

 

Engin lagaheimild fyrir handtöku