Lífeyrissóðar og meðreiðarsveinar

Það er alltaf að koma betur og betur í ljós hvernig mennirnir sem tóku að sér að vernda og ávaxta lífeyrissjóði landsmanna tóku þátt í kókaínhugsun innrásarvíkinganna sem sviptu okkur eðlilegum lífsgæðum. Þeir tóku þátt í partíum með Tinu Turner og Elton John fluttir þangað í einkaþotum fjárvana hrokagikkja. Töpuðu milljörðum fyrir vikið á þeim sömu mönnum um leið og þeir þiggja tugir milljóna fyrir setu sína í sjóðum sem þeir rýra svo mikið að almennur félagsmaður verður fyrir áþreifanlegri skerðingu.

Þessir sömu menn eru núna að tilkynna að lífeyrisréttindi þurfi að skerða. Þeir voga sér að segja það á sama tíma og skýrsla rannsóknarnefndar upplýsir hversu mjög þeir sömu sleyktu afturenda innrásarvíkingana og gerðu þeim kleyft að ræna landið.

Þessa menn á að húðstrýkja opinberlega. Þeir tóku að sér að stjórna bestu ávöxtun lífeyrissjóðanna á ÁBYRGAN  hátt. Sjá til þess að umbjóðendur þeirra nytu bestu ávaxta og kjara sem í boði væru. Þeir fóru á tripp með siðlausum glæpamönnum. Keyrðu um á jafn flottum jeppum og þeir. Sömdu um jafnflotta starfslokasamninga og þeir. Það ömurlegasta við þessa upptalningu er það að við erum að tala um verkalýðsforystuna. Foringja okkar í baráttunni gegn auðvaldinu. Þessi auma forysta sem sagði ekki orð til að mótmæla ráni gjaldþrota banka á heimilum okkar eða fáránlegri stökkbreytingu erlendra lán.

Verkalýðsforystan er búin að skrifa sig út sem part af alþýðunni. Hún er bara til fyrir sig, sína lífeyrissjóði og valdahlutverk sitt gagnvart fjórflokkakerfinu. Alveg eins og fjórflokkarnir eru game over er þessi ömurlega blekkingarstofnun sem kallast verkalýðshreyfing komin yfir síðasta söludag.

Gylfi blekkir engan með því að segjast vilja „óháða“ rannsókn. Ekki frekar en Samfylkingin með sinni „óháðu“ nefnd. Almenningur veit að þarna eru kattaklórsnefndir að störfum.

Óháð rannsókn á lífeyrissjóðunum

Athugasemdir

[Hörður Halldórsson, 5.5.2010 kl. 20:53]

Það hefði í raun verið nóg að reka deild  eða reiknistofu í TR eða Skagaströnd ? eða annars staðar.Sú deild gæti ávaxtað peningana í tiltölulega öruggum skuldabréfum og dreifðum innlánum.Þessi deild gæti tekið við af öllu batteríinu með miklu færra fólki sem væri auk þess á "normal "launum.Síðan mætti skipta lífeyrinn í sérlífeyrir og sameiginlegan lífeyri.Of langt mál að tíunda þaðí þessari færslu.

[Ævar Rafn Kjartansson, 5.5.2010 kl. 21:28]

Þar er ég innilega sammála þér Hörður.

[Guðjón Sigþór Jensson, 6.5.2010 kl. 13:24]

Á höfuðborgarsvæðinu eru rekin 3 svínabú. Talið er að þau mengi öll saman á við 100.000 manna byggð. Hvernig væri að þessum skít væri ekið langt upp á heiðar eins og Sprengisand og útrásarvíkingarnir, braskarnir og spilltir stjórnmálamenn verði látnir síðan dreifa úr skítnum? Þegar þeir hafa verið við þessa iðju um nokkur ár og hafa hagað sér í samræmi við væntingu okkar hinna, mætti fá þeim í hendur birki- og lúpínufræ til að dreifa áður en þeir snúa aftur til siðaðs samfélags.

Leyfi mér að koma þessari tillögu á flot.

Bestu kveðjur

Mosi 

[Ævar Rafn Kjartansson, 6.5.2010 kl. 14:57]

Það væri ágætis byrjun Mosi.