Ég á þingmann!

Allt frá því að ég kaus fyrst hef ég alltaf haft það sem leiðarljós af kjósa þann flokk sem mér leist best á. Það hefur komið fyrir að ég hef af þeim sökum þurft að skila auðu. Í þar síðustu kosningum gat ég greitt Íslandshreyfingunni atkvæði mitt. Núna á Samfylkingin hreyfinguna og Borgarahreyfingin fékk atkvæðið. Nánar tiltekið Þór Saari. Hann er sem sagt þingmaðurinn minn. Og í fyrsta skipti á ævinni upplifi ég það AÐ EIGA ÞINGMANN! Mína eigin rödd á þingi. Í fyrsta sinn í öll þessi ár! Þingmann sem fer eftir SINNI sannfæringu ekki flokkslínu. Þingmann sem þurfti ekki fatastyrki frá flokknum og ímyndarsérfræðing til að fá atkvæði fólksins. Þingmann sem er ekki á kafi í pólitískum hrossakaupum. Ég semsagt get með góðri samvisku sagt að ég hafi kosið rétt. Loksins! Ræða Þórs í utandagskrárumræðum 18. júní 2009

Ástralska þingið ekki barnvænt

Ætla þingmenn að kyngja þessum samning?

 „Með öðrum orðum er það bundið í samninginn að Íslendingar geta ekki gert Breta ábyrga fyrir því tjóni sem skapaðist vegna frystingar eigna Landsbankans.“ Telja ríkisstjórnarflokkarnir sig geta skrifað undir þetta? Að geta ekki leitað réttar síns fyrir dómsstólum? Ef að það er ekki fullveldisafsal þá veit ég ekki hvað er það.

Í samningnum er einnig ákvæði þar sem IMF, ekki íslenska ríkið  ákvarðar hvort landið hafi burði til að greiða það sem greiða þarf.  Kerfiskallar og möppudýr í samninganefndinni hafa sennilega verið gagnvart þeirri ensku eins og einn starfsmaður Fjármálaeftirlitsins lýsti því hvernig var að eiga við lögfræðingaher bankanna föllnu. Það var ljónagryfja þar sem hjáróma rödd eftirlitsins kafnaði í fuglabjargi hrægammanna.

Svo eru vextirnir sérkapituli út af fyrir sig en í mínum huga er hver sá þingmanður sem kyngir þessum samningi kinnroðalaust að svíkja þjóðina. 

Það á að lögsækja breta og ná betri samningum. Þá með samninganefnd sem veit hvað hún er að gera.

 „ Afsal á griðhelgi fullveldis

 

Icesave: Útgönguákvæði ekki afdráttarlaust

Græddi meira en 20 milljónir.

Björn Ingi Hrafnsson fékk kúlulán frá KB-banka fyrir rúmar 60 milljónir króna árið 2005 til að kaupa hlutabréf í bankanum. Hann var þá aðstoðarmaður Halldórs Ásgrímssonar forsætisráðherra. Björn Ingi seldi hlutabréfin í bankanum og græddi meira en 20 milljónir. Lesa meira.

Góður bísness: Finnur Ingólfsson með haustak á þér

Áhugaverð frétt í DV á dögunum upplýsti hvernig Alfreð Þorsteinsson seldi vini sínum og vopnabróður Finni Ingólfssyni í Frumherja allt mælakerfi Orkuveitunnar þegar Don Alfredo var stjórnarformaður OR. Nú leigir OR þessa sömu mæla af Frumherja og borgar 200 milljónir á ári. Sú upphæð er nálægt kaupverðinu svo varla þarf hagfræðing til að sjá að þetta var horngrýti góður bisness.

Þessu til viðbótar var samþykkt um nýliðin áramót að Frumherji má rukka bíleigendur um 15 þúsund kall ef þeir koma mánuði of seint með drusluna í skoðun. Áður var látið nægja að tvöfalda skoðunargjaldið eða þar um bil. Þetta ætti að tryggja Finni Ingólfssyni og félögum hans í Frumherja reglulegt tekjuflæði alla mánuði ársins og má vel dást að útsjónarsemi mýrdælska sveitapiltsins. Einhver skósveinn í myrkviðum ráðuneytis hefur þurft að leggja krafta sína fram við að koma þessari breytingu á og launa þannig flokknum stöðuveitinguna forðum.

Á meðan þjóðin sveltur, svitnar og grætur undan kreppunni situr Finnur Ingólfsson nokkuð tryggur uppi í Frumherja og peningar streyma til hans eftir lögboðnum leiðslum úr vösum allra sem eiga bíl og allra sem nota hita og rafmagn. Svona vinnur hinn raunverulegi Framsóknarflokkur að því að tryggja hag sinna bestu manna. Þú kemst aldrei undan Finni. Hann er með haustak á þér.

Þetta er úr tveimur greinum á Hvítbók.vg. Við erum að tala um tvo stjórnmálamenn sem buðu sig fram til að þjóna hagsmunum þjóðarinnar eða hvað? En þeir hafa væntanlega ekki gert neitt ólöglegt.

Þetta eru bara tvö dæmi um leikreglurnar hér á landi. Gröfumaðurinn er hetja fyrir að láta ekki traðka á sér og bíta tilbaka þannig að bankinn tapi því þó hann eigi nýja kröfu á á gröfumann eftir verknað held ég að það fáist lítið af henni til baka. Og varla hefur bankinn tryggt sig gagnvart skemdarverkum þeirra sem þeir eru að hirða húsin af. Þeir ættu kannski að fara að huga að því?

 

Biður nágranna afsökunar

Landráðamenn sem samþykkja þennan samning!

Þó það sé vissulega varasamt að stimpla fólk sem landráðamenn á þessum brengluðu tímum er það á hreinu að laumuspil og pukur með innihald samninga bæði við Alþjóðagræðgissjóðinn og vegna Iceslave reikninganna er ekki boðlegt reiðu og vonsviknu fólki sem gerði ekkert annað af sér en að vera Íslendingar í umhverfi og leikreglum sem reyndust sjónhverfing. Vond sjónhverfing. Það að maður jafni hús sitt við jörðu ættu að vera skilaboð til þingmanna. Þjóðin er komin með upp í kok. Kok vegna spillingarinnar sem enn þrífst, kok vegna aðgerðarleysis eða réttara sagt lélegra aðgerða.

Iceslave deilan kemur okkur Íslendingum ekki við. Hún kemur föllnu bönkunum við og þeirra stjórnendum. Og dómsstólum. 

Sama hvaða flokkar eru við stjórnartaumana þá getur enginn þeirra sagt þjóðinni að hún og afkomendur eigi að taka á sig svona skuldbindingar sem ekki má upplýsa hverjar eru né hvaða eignir raunverulega eru að baki. Þeir sem það gera ERU LANDRÁÐAMENN. 

Úr greininni: „Þá sé ákvæði um það, að standi Íslendingar ekki við samninginn geti Hollendingar gengið að eigum ríkissins, þó að því marki sem stjórnarskrá leyfir.“  Er ekki í lagi með fólk í stjórnkerfinu?

Enskir dómstólar skera úr Icesave-deilum

Þessi hetja ætti að fá Fálkaorðuna.....

...ef ekki væri fyrir búið að næla henni á Sigurð Einarsson Kaupþingshöfund hrunsins og Jón Ásgeir Jóhannsson Baugshöfund ógæfu Íslands. Það væri náttúrulega vanvirðing við gröfuhetjuna að næla á hann eins glingri. En mikið helvíti held ég að hann eigi það meira skilið en þeir sem ekki má kalla glæpamenn af því að það er ekki búið að sanna að neitt ólöglegt hafi farið fram. Siðferðishliðin virðist litlu skipta í íslensku viðskiptaumhverfi.

Bankinn fékk ekki lyklana

Mikið skemmt ef ekki ónýtt???????

Er það eitthvað að þvælast fyrir blaðamanni hvort húsið sé ónýtt eða bara mikið skemmt? Það eina sem hugsanlega er hægt að nýta áfram er sökkullinn á húsinu. Sem er undir því svo blaðamaðurinn skilji mig.

Annars er þetta frábært. Þarna kemur maður fram sem mér skilst að hafi byggt húsið og misst það svo til bankans og  svarar fyrir sig með hætti sem bankinn getur ekki hundsað. Þó hann verði dæmdur tilgreiðslu bóta skiptir það engu fyrir hann. Hann er hvort eð er orðinn gjaldþrota og eignalaus vegna þess að bankinn varð að fá refjalaust sitt.

Kannski er þetta hugmynd fyrir okkur hin. Að skila af okkur ónýtum eignum þegar bankinn bankar upp á.  Hverju höfum við að tapa?

Eyðilagði íbúðarhúsið

Skila sjóðnum með 32 milljarða króna tapi það ár.

„Þorgeir Eyjólfsson hefur ákveðið að láta af störfum sem forstjóri Lífeyrisjóðs Verlsunarmanna.
„Þetta er hluti af mínum starfskjörum,“ sagði Þorgeir í viðtali við DV í mars um að hafa þegið þrjátíu milljónir á ári í laun fyrir störf sín. Honum var auk þess útvegað tíu milljón króna Cadillac Escalade til afnota í boði sjóðsins. Í starfi sínu sem forstjóri Lífeyrissjóðs Verslunarmanna í fyrra tókst Þorgeiri að skila sjóðnum með 32 mílljarða króna tapi það ár.“  Úr DV 15. maí 2009.

Þetta er meðal þess sem má lesa á Hvítbók.  Þarna er verið að safna saman upplýsingum um bankasukkið og spillinguna og ég hvet alla sem hafa upplýsingar til að senda þær þangað.

Einleikur forseta á bjöllu

Þetta kemur þér ekki við....

Ég er ekki að skilja stjórnvöld að ætlast til að við sættum okkur við að skrifað sé upp á óræðan óútfylltan víxil sem við fáum ekkert að vita um og kemur í ljós eftir 7 ár. Hvar er gagnsæið sem lofað var. Við vitum ekkert um samninginn við IMF og ekkert um Iceslave og eigum bara að halda kjafti og vera þæg.

Ætlar Steingrímur virkilega að halda sig við það að það megi ekki segja almenningi frá innihaldi samningsins eins og að hann komi okkur ekki við?

Þeir sem semja svona eru ekki aðeins að semja af sér. Þeir eru hreinlega sekir um svik við þjóðina. Það eru ekki lengur boðleg vinnubrögð að segja fólki að taka á sig verulegar kjaraskerðingar, atvinnuleysi, hækkaða skatta og eignamissi og segja svo þeim sömu að þeim komi ekki við hvers vegna svo sé komið.

Við vitum ekkert um verðgildi þeirra veða sem liggja bakvið Iceslave skuldirnar. Það getur mjög vel verið að sum þessarra veða séu einskis virði í dag.  En samningurinn við breta er þegar farinn að tikka inn tekjum fyrir þá. 

Kannski er raunveruleikinn sá að íslenska þjóðin þarf að taka á sig þessar drápsbyrðar fjárglæfrablóðsuganna en það kemur ekki til mála að innihald samnings þar um sé einkamál örfárra.

Enn leynd yfir Icesave-samningi

Ef að það vantaði 5% af mér myndi ég telja það meira en skrámu....

„Þegar Ida dúkkaði aftur upp, 47 milljónum ára seinna, var varla skrámu að sjá á henni. Steingervingurinn er sá langheillegasti sem nokkru sinni hefur fundist af forfeðrum okkar, en 95 prósent af beinum Idu eru á sínum stað“.

Kannski  er þetta eðlileg fréttamennska í þjóðfélagi þar sem settir eru plástrar á svöðusár. Og rætt á Alþingi um sölu léttvíns í verslunum meðan Róm brennur. En ég fer ekki ofan af því að ef það vantaði 5% af mér myndi ég halda því fram að það væri meira enn skráma. Kannski er ég bara svona mikil kveif.

Týndi hlekkurinn fundinn

Eggjaþjófar teknir alvarlegar en barnaníðingar og nauðgarar.

Ég man ekki ártalið en um 1974-77 vað þýskur ferðamaður nappaður með Fálkaegg. Hann fékk þungan dóm þá. Gott ef ekki 8 ár. Það sagði mér fyrir nokkru fyrrverandi lögreglumaður frá nauðgunarmáli sem hann kom að fyrir mörgum árum. Máli þar sem hann þurfti að bjarga nauðgaranum frá skrílnum sem vildi berja hann fyrir það sem hann hafði gert. Stúlkan lenti á geðdeild og hann vissi ekkert um afdrif hennar þaðan. En nauðgarinn fékk 3ja mánaða SKILORÐSBUNDINN DÓM! Og gekk um götur bæjarins gleiður og kjaftfor með sömu kærustu upp á arminn og fyrir verknaðinn.

Núna veit ég um annað dæmi líkt þessu þar sem fórnarlambið er á geðdeild en (meintir) nauðgarar ganga lausir.  Það er eitthvað verulega mikið að svona réttarkerfi. Vissulega eru fálkar og örninn í hættu en hvers virði er mannsálin í þessu kerfi okkar?

Grunaður eggjaþjófur á ferð