Kettlingur semur við geðstirt ljón.

Í hádegisfréttum í dag líkti Jón Daníelsson hagfræðingur í London íslensku samninganefndinni  og þeirri ensku við knattspyrnulið Gróttu á móti Manchester United. Allir viti hvernig sá leikur fer. Hann skoraði á Alþingi að fella samninginn og semja upp á nýtt. Þrátt fyrir það sagði hann að það hefði verið nauðsynlegt að skrifa undir hann á sínum tíma. Forsendur væru gjörbreyttar frá því sl. haust. Íslendingar ættu að taka á sig hærri höfuðstól en án allra vaxta.

Nú hef ég heyrt menn spá því að ef Alþingi samþykkir ekki samninginn megi búast við að Evran fari jafnvel upp í 2000 krónur.  Ég er ekki hæfur til að meta hvort sé rétt eða að þessi nauðungarsamningur sé nauðsynlegur enda erum við í myrkri með hvað liggur á bakvið eignir Landsbankans auk þess að það var bankinn en ekki þjóðin sem efndi til þessara skuldbindinga. En samningurinn hreppir þjóðina í þrældóm og ég spái því að yfir 50.000 manns forði sér undan því oki. Ég get hvorki séð að Jóhanna né Steingrímur eða einhver annar sem komu að Iceslave samningnum hafi farið með glans frá honum.

Jóhanna glansaði á prófinu

Get ég ekki gert þetta líka?

Þe. selt félagi í minni eigu eignahlutann í húsinu mínu og næsta félagi skuldirnar og bingó! Laus af króknum. Nei það er víst ekki þannig sem það gengur fyrir sig hjá okkur almúganum. En aðallinn kann þetta. Hjá sumum kallast þetta siðleysi en öðrum viðskiptasnilld.

Íslensk afþreying gjaldþrota

Hef því miður enga trú á þessari nefnd.

Þó að í nefndinni sé hið hæfasta fólk er ég ekki alveg að kaupa að starf hennar muni skila nokkrum sköpuðum hlut öðrum en kattaþvotti á afglöpum stjórnmálamanna og skammi á fjárglæframennina. Verða stjórnmálamennirnir sem stóðu á bak við einkavæðingu bankans og aðferðir þeirra til að einkavinavæða þá rannsökuð? Verður stórfurðuleg vegferð Finns Ingólfssonar frá ráðherra til ríkidæmis rannsakað? Verða pólitískar stöðuveitingar td. í seðlabankastjóra- og hæstaréttardómsstóla rannsakaðar?

Verður svipt hulunni af fákeppnistilburðum auðmanna? Eða hvort Stím málið hafi verið lögbrot? Eða hvort Sjóvá hafi fjármagnað byggingarnar sínar í Hong Kong með iðgjöldum?

Allavega er lestur á lögunum um nefndina óttarlega bitlaus lesning. Og ef að nefndarmenn þurfa að eyða heilu dögunum í að velta fyrir sér hæfi hvers og eins í hvert sinn sem einhver ýlfrar undan gagnrýni gerist ekki mikið annað á meðan.

Sigríður ekki vanhæf

Stöðugleikasáttmáli bankanna um eignaupptöku.

Það þurfti ekkert eyðslufyllirí fyrir fjölda fólks til að vera í svipaðri stöðu og þessi hjón. Leikreglurnar eru þannig að Lánveitandi getur rétt þér plagg með „áætlun“ um greiðslubyrði á verðtryggðu láni og þú skrifar undir sem Lántakandi. Hentu síðan ofan á lánið 20% verðbólgu og gífurlegri vaxtahækkun sem Lánveitandinn nýtur góðs af. Á móti hefur þú sem Lántakandi rýrnaðan kaupmátt vegna þess að launin þín eru ekki verðtryggð. Bættu síðan ofan á það launalækkun eða atvinnuleysi vegna ástandsins í þjóðfélaginu. Það eru þúsundir manna í þessum sporum og það er það ekki vegna þess að það gerði eitthvað vitlaust. Nema að treysta ráðgjöfum sínum í bönkunum. Og stjórnvöldum. Svona spilareglur þekkjast ekki í siðmenntuðum löndum.

Reyndu svo að semja þig frá þessu. Bankarnir eru starfræktir á nákvæmlega sama hátt og fyrir hrun. Þar gildir að taka af þér eignirnar á því verði sem fæst á uppboði, oftast þeirra eigin tilboð og rukka þig svo áfram um mismuninn.  Þessi maður á ekki að íhuga að hætta að borga. Hann á að hætta að borga.

Verðtrygging þar sem hækkanir á bensínverði, áfengi og tóbaki ma. verði til þess að húsnæðislánin þín hækka er arfavitlaus arfur þess þegar óðaverðbólga geisaði hér og lán brunnu upp og húsnæðiseigendur eignuðust íbúðirnar á kostnað sparnaðar þeirra sem áttu peninga í bönkunum.

Drakúlakynslóð Íslendinga mergsaug sparifé foreldra sinna út úr bönkunum á þeim tíma, byggði sér hús í óðaverðbólgu og skelltu svo syndum sínum yfir á komandi kynslóðir með verðtryggingunni.

Þegar það er svindlað í spilum á maður ekki að spila með.

Fjölskylda á hringekjunni

67 milljónir, nei 68 milljónir og dagurinn rétt að byrja........

Á meðan ég skoðaði Iceslave síðuna í 2 mínútur jukust vextirnir af Iceslavesamningnum um 127.120 krónur. Vextir dagsins í dag voru þá komnir í 67,7 milljónir. Vextir dagsins í dag!!!

747.950.718.860 kr.  er staða skuldarinnar. Eignirnar á bakvið óþekktur pappír. Á meðan þetta var skrifað bættust 338.139 krónur við vextirna. Er ekki kominn tími til að  skipa nýja samninganefnd? Er þetta raunveruleikinn sem íslenskir útrásarvíkingar eru að komast upp með að bjóða okkur?

Icesave-skuldaklukka

Stefna Olís að bjóða viðskiptavinum ávallt samkeppnishæft verð!

Þeir eru alger krúúúttttt. Ég á eftir að hlægja í allan dag.

„Stefna Olís er að bjóða viðskiptavinum sínum ávallt samkeppnishæft verð og góða þjónustu. Félagið lækkar því bensínverð um kr. 12,50 á lítra með vsk og tekur því á sig tímabundið, af samkeppnisástæðum, skattahækkun sem tók gildi 28. maí sl.

Félagið vill um leið árétta að óeðlilegt er að svo stór skattabreyting hins opinbera mismuni söluaðilum eftir birgðastöðu.“

 

Olís lækkar lítrann aftur um 12,50 kr.

Er hann arkitekt spillingarinnar?

Finni Ingólfssyni tókst sem áhrifamiklum stjórnmálamanni að stýra heilum banka í eign sjálfs síns og félaga. Ma. með blekkingum um að þýskur banki væri meðal kjölfestufjárfesta.  Bankinn reyndist svo skúffufyrirtæki. Hann sölsaði svo undir sig og viðskiptafélaga VÍS á undirverði, Frumherja og reyndi að kaupa Aðalskoðun en með því hefði hann haft einokun á bílaskoðunum. Góðvinur hans og spillingarbróðir Alfreð Þorsteinsson seldi Finni alla mæla Orkuveitunnar á um 200 milljónir sem Finnur rukkar svo 200 milljónir á ári leigu fyrir. Ekki slæmur buisness. Sennilega hefur Finnur aldrei þurft að leggja út fyrir neinu af þessum viðskiptum sínum heldur fengið lán með veðum í hlutabréfum eins og hinir snillingarnir. En það sem alvarlegast við gjörðir hans og hinna sem ég leyfi mér að kalla þjófanna er umgengni þeirra um lífeyrissjóðina og ekki síst hvernig þeir misnotuðu eignir Samvinnutrygginga:

„Eignir Samvinnutrygginga voru um tíma miklar. Um mitt ár 2007 var tekin ákvörðun um að slíta tryggingafélaginu og greiða rúmlega 50 þúsund fyrrverandi tryggingatökum fyrir eignarhlut sinn í félaginu, þ.e. þeim sem áttu rétt til þess. Utan um skuldbindingar félagsins var stofnað fjárfestingafélag, Gift, og var eigið fé þess um 30 milljarðar þegar ákvörðun um slit var tekin“. Úr Mbl.is  22.5.2009

Hvað var það sem gerði Finni leyfilegt að nota þetta fé fyrir sig? Jú, þetta var fé án hirðis. Og Finnur fundvís á það.Ég fullyrði að Finnur sé einn aðalarkitektinn af viðskiptasiðferðisleysissoranum sem hér fékk að grassera eins og arfi í saur. Ef hann er eitthvað ósáttur við þessa útnefningu þá kærir hann mig bara.

Fjölmiðlar láta okkur fá í smáskömmtum mola og mola um brot þessarra manna gagnvart samfélaginu. Engin alvöru rannsóknarmennska hefur td. farið fram um umsvif og tengsl þessarrar fámennu klíku og vinnubrögðin sem þoldu ekki dagsbirtu. Lára Hanna Einarsdóttir, Eyjan Hvítbók og Tíðarandinn hafa staðið sig vel í fylla þetta skarð upplýsinga frá hefðbundnu fjölmiðlunum

 Segir leitun að spilltari stjórnmálamanni

Fyrirtæki Finns

Fleiri fyrirtæki hans

Aðkoman í REI

Grein eftir Sverri Hermannsson um Finn og félaga.

Langflug gjaldþrota

Er uppfært mat sérfræðinga einhver sannleikur?

Úr fréttinni: „Þessi fjárhæð er háð mikilli óvissu þar sem samningum, sem nú standa yfir um virði og fyrirkomulag þessara eigna er ekki lokið. Þá er vakin athygli á að öllum tölum ber að taka með varúð vegna mikilla breytinga á gengi gjaldmiðla, sérstaklega á gengi íslensku krónunnar gagnvart helstu erlendu gjaldmiðlunum.“

Á venjulegri íslensku þýðir þetta að sérfræðingarnir haldi að kannski miðað við ákveðnar aðstæður geti hugsanlega fengist 1100 milljarðar fyrir eignirnar. Kannski. Og kannski ekki.

Semsagt allavega 200 milljarðar lenda á þjóðinni sem er þá 625.000.- á hvert mannsbarn. Kannski verður þetta fjórföld sú upphæð. Þar fyrir utan eru líkur á hundruðum dómsmála vegna eignanna fyrir breskum dómsstólum. Þannig að „eignirnar“ eru tveir fuglar í skógi.

Einhver annar kemur til með að þurfa að borga minn 625.000 kall vegna þess að nú þegar get ég ekki borgað mínar eigin skuldir. Hvað ætli það gildi um marga?

Erlend matsfyrirtæki eru að endurmeta lánshæfi Íslands. Það er nú þegar komið niður í BBB- sem þýðir að ef það er fellt um einn flokk erum við komin á blað með svokölluðum jönkbréfum. Einskis virði. 

Er þetta bara ég eða finnst einhverjum fleirum eins og það þurfi að fara að draga einhverja til ábyrgðar? Það er alveg greinilegt að það er ekki nóg fyrir stjórnmálamenn að stíga til hliðar í þessu máli. Þeir sem vaktina stóðu ásamt glæpamönnunum sem stóðu að málum eru að mínu mati landráðamenn.  Það kemur betur í ljós með hverjum deginum. Huggulegheitunum hjá sérstökum saksóknara og sannleikanefndinni sem eyðir tíma sínum í að karpa um hvert þeirra sé vanhæft verður að fara að ljúka. Áður en Reykjavík brennur í óeirðum og uppþotum. Venjulegt fólk er búið að fá miklu meira en nóg.

Eignir duga ekki fyrir Icesave

Fáum við ekki eignir Landsbankans erlendis afhentar?

Þórdís Ingadóttir dósent við HR sagði frá því í fréttum fyrir stuttu að það væri alls ekki sjálfgefið að íslensk stjórnvöld fengju eignir Landsbankans í Bretlandi til ráðstöfunar. Líklegast væri að fjöldi málaferla kröfuhafa bankans væru framundan þannig að líkurnar á að selja eignir upp í Iceslave glæpinn eru hverfandi. Þetta ef rétt reynist er enn ein ástæðan fyrir því að Alþingi má ekki samþykkja þennan samning.

Bresk stjórnvöld verja hryðjuverkalögin

Í þá gömlu góðu daga.......

 Skoðum aðeins hvað er verið að segja:

„markmið þessarar nýju stofnunar [sé] að stuðla að uppbyggingu öflugs innlends fjármálamarkaðar og stuðla að virkri og eðlilegri samkeppni á þeim markaði, tryggja gagnsæi í allri ákvarðanatöku varðandi þátttöku ríkisins í fjármálastarfsemi og tryggja virka upplýsingamiðlun til almennings."

„sérstakri valnefnd verður farið að tilnefna einstaklinga til setu í stjórnum og bankaráðum fjármálafyrirtækja en Bankasýsla ríkisins kýs stjórnir fyrirtækjanna á hlutahafafundum. “

Hvað þýðir þetta annað en að flokksbittlingapólitíkin er komin til að vera? Kannski ættum við líka að taka upp skömmtunarkerfin gömlu sbr. myndinni hér fyrir neðan?

Stofna Bankasýslu ríkisins