Hver er Leedsari???????

Ég. Enda save sex innan um Unitedmenn, púlara,Chelsea- og Arsenalmenn að veifa því að vera Leedsmaður.

En mínir menn koma aftur. Og eiga eftir að sýna það að það eru til fleiri lið en Liverpool, Chelsea, Arsenal og Manchester United. Þurfa 3-4 ár. 

Leeds öruggt í aukakeppnina

Lögreglan sinnir BARA skyldum sínum.........

„Lögreglumennirnir voru að sinna skyldustörfum sínum þó þeir væru ekki í lögreglubúningum og voru að rannsaka ásakanir um að vændi væri stundað á súludansstaðnum“

Og skutu 50 SKOTUM Á ALSAKLAUSA MENN!

Lögreglan hér mætir í hundraðatali með skildi, kylfur, piparúða og hjálma til að takast á við 20 vörubílstjóra. 20 manns sem hvarflaði aldrei að að aðgerðir þeirra kölluðu á misþyrmingar.

Fjörið hjá lögruglunni eykst væntanlega verulega þegar þeir verða komnir með rafbyssurnar líka og varalið generals Bjarnasonar. Þá verður stuð.

Og okkur vesælum almúganum endanlega gert ljóst að það að rífa kjaft er röngu megin við kylfuna og Gasmann.

Hvað eru mörg ár í að general Bjarnason mælist til þess að íslenskir lögreglumenn gangi með skambyssu? 

Lögregla sýknuð í New York

Var þetta smjörklípa generals Bjarnasonar?

Atburðirnir á miðvikudaginn sl. hafa upplýst hversu djúp gjáin milli almennings og lénsherra landsins er orðin. Herra Haarde og Solla ferðalangur halda í þá trú að um 70% fylgi þeirra hafi gert þau að kóngi og drottningu í allsnægtarlandi og öllu sé vel stjórnað af bákninu sem sumir vildu burt en hefur fitnað ótæpilega um leið og kóngur og drottning fljúga með einkaþotum til Ammassalik til fundar um samvestnorrænt samstarf um umhirðu selaskinna.

Þessi alsteikta landsstjórn lætur út úr sér án þess að kynna sér málin að adrealíntrylltir lögreglumenn sem spreyja piparúða á heilt póstnúmer hafi bara verið að vinna vinnuna sína! Myndirnar af GASDRENGNUM og svo Ljóskunni í dag sem náði athyglinni við að eitt viðrini missti sig eru bara forsmekkurinn af því sem koma skal.  Þessir fáu bílstjórar eru ekki einhver sérhagsmunahópur sem er að beita ólöglegum aðferðum við mótmæli. Frekar en Saving Iceland. Veruleikafyrring stjórnvalda er bara afleiðing af bankarúnkinu þar sem allir voru að græða. Og pólitíkusar með minnimáttarkennd vilja endilega vera jafnvígir guttunum sem lögðu heiminn að fótum sér án innistæðu.

Þessir bílstjórar eru þversneið að reiðum Íslendingum. Hvað Slolla ferðalangur gerir í Afganistan og á Gasasvæðinu eða spjall herra Haarde við Gordon Brown hefur ekkert með lífskjör okkar að gera. Frekar en fulltrúi í öryggisráðinu. Þessi mótmæli kunna að virka eins og 20 - 50 vörubílsstjórar. En þessu veruleikafyrrta fólki væri hollt að horfa betur. Þjóðin er komin með upp í kok af því að blæða.

Það er einn maður á Íslandi skælbrosandi núna. Hann heitir General Björn Bjarnason. Hafi einhver maður þurft á röksemdum fyrir málflutningi sínum að halda þá hefur hann fengið sinn rökstuðning á silfurfati núna. Það er veruleg þörf fyrir varalið...... Næsta smjörklípa réttlætir vopnaðar sveitir í hverjum hrepp. Með hreppstjóra sem  undirliðþjálfa generals Bjarnasonar.

Ég er viss um að hann er búinn að láta hanna á sig búning enda búinn að fá réttlætingu á hervæðingunni sinni.....  Getur verið að hann hafi pantað barsmíðarnar?

Fyrir perlur og glingur skal landið selt.

Ég þoli það ekki þegar álhausarnir bera fyrir sig „að annars væri rafmagnið  framleitt með kolum“ ef við Íslendingar værum ekki svo vænir að selja náttúruauðæfi okkar  fyrir perlur og glingur eins og indíánar ameríku forðum.

Kínverjar opna tvö kolaknúin raforkuver Í HVERRI VIKU! Þetta er aumkunarleg röksemdafærsla þumba sem hugsa ekki fram fyrir eigin bumbu. Kolaframleiðsla og notkun hefur ekki minnkað, þvert á móti. En þetta er ein af röksemdum þeirra sem eru með massíft ál í heilanum.

Umhverfisráðherra opinberaði á dögunum úrræða- og lagaleysi stjórnvalda til að hafa áhrif á álhausaframþróunina. Valdið til að virkja, menga og svívirða náttúru landsins virðist mestum liggja hjá uppbelgdum sveitarstjórum, oddvitum og hreppsnefndarfylgismönnum þeirra. Atvinnuúrræði er oftast fyrsta  röksemdin. Reyndin er sú að þeir eru að slá sig til riddara á kostnað framtíðarinnar. Eins og svo oft áður.

Svo heyrir maður af 40 milljón króna eingreiðslu í Flóahrepp frá Landsvirkjun. MÚTUM! Til að halda kjafti og samþykkja valdboð Landsvirkjunar. Hvaða máli skipta þessar 40 milljónir hreppinn eftir nokkur ár? Engu!  Þetta eru perlur og glingur til indíána sem vilja vera flottastir áfram með nýju skrauti.

Það er  grafalvarlegt mál þegar það sýnir sig að umhverfisráðherra landsins er í raun VALDALAUS. Þetta er þá sennilega eins og sendiherrastaða í norskri Trékyllisvík sem Íslendingar hafa enn ekki heimsótt.

Enn alvarlegra er þó að horfa upp á Samfylkinguna sem vann metnaðarfullt og vandað plagg undir heitinu „Fagra Ísland“ nota það sem klósettpappír við hægðir undan þungmeltum einkavæðingar- og einkavinapólitík Flokksins sem ræður.

Náttúrumorðingjar og auðskækjur.

Þegar lesnar eru greinar um álversframkvæmdir, virkjanir áframhaldandi hagsæld og velferð er áberandi hvað þessi þjóð skiptist í tvennt.

Annars vegar eru hardcore auðhyggjufólk sem er til í að selja allt frá náttúru okkar til framtíðar barnabarna sinna  til að ÞEIRRA EIGIN LÍF verði sem best og hagnaður sem mestur. Seinni tími sé seinni tíma vandamál.

Hins vegar er fólk sem vill fara sér hægar. Verðmetur náttúruna dýrar en hinn flokkurinn. Hugsar minna um nútíðina en samhengið og framtíðina.

Viltu þá bara atvinnuleysi? Landsvirkjun (á) 95% af vatnsréttindum við Þjórsá (afhent 3 dögum fyrir síðustu kosningar). Viltu þá frekar að kínverjar brenni kol við framleiðslu á áli?

Rökin sem eru notuð af auðskækjunum eru í allar áttir en þær eiga það allar sameiginlegt að ÞOLA EKKI NÁNARI SKOÐUN. Kínverjar hætta ekki að brenna kol við álframleiðslu þótt að 250 þús. tonn álver verði reist hér. Rafmagnsverð í Brasilíu breytist  ekki við að vera í samkeppni við íslenska raforku.  

Núna hafa „sérfræðingar“ í boði Landsirkjunar TEKIÐ AF ALLAN VAFA um að jarðskjálftahrinur við Upptyppinga séu vegna Hálsalóns Kárahnjúkavirkjunar. Er einhver sem trúir þessum kattarþvotti?

REI dæmið sýndi okkur hversu mikið auðmenn ásælast þær auðlindir landsins sem þeir hafa ekki enn getað sölsað undir sig. Það að gera þann hluta Landsvirkjunar að ehf. sem á að sjá um virkjanir í neðri-Þjórsá þjónar tvennum tilgangi. Þeir eru þá ekki lengur upplýsingaskyldir um eitt eða neitt og laun vígamannanna eru ekki lengur á borðinu.

 Þessi ehf. mennska uppgjafarpólitíkusa sem snýst um að þurfa ekki að vera heiðarlegir er ekki til þess fallin að fólki finnist þeir vera að starfa í almannaþágu. En þeim er greinilega alveg sama enda með margra ára embættismannamöppudýraþjálfun að baki. Sem snýst ekki um almannaheill. Báknið er til fyrir báknið. Embættismannakerfið er til fyrir sig.

Það að Samfylkingin hafi notað „Fagra Íslands“ hugmynd sína sem skiptimynt  fyrir ráðherrastóla eru vonbrigði vonbrigðanna því ég hélt að með þeim hluta markmiða Samfylkingarinnar væri náttúra Íslands allavega komin í höfn með að það yrði vegið og metið hverjir kostir og gallar framkvæmda væru áður en ráðist væri í þær. 

En ég sit uppi með það að mesti (að mínu mati) umhverfisglæpaflokkur Íslands, Framsóknarmannabitlingaflokkurinn hafði kannski ekki eins mikil áhrif eins og ég hélt. Flokkur sem er núna að stela auði tryggjenda Samvinnutrygginga með enn einu fiffinu sínu þar sem allir bera skertan hlut frá borði nema flokksgæðingarnir.

Þrátt fyrir helmingaskiptaregluna í öll bitastæð embætti virðist ekkert hafa breyst þó þeir séu loksins komnir úr valdastöðum sem flestir kjósendur vildu ekki hafa þá í. 

Við sitjum uppi með að vinsældalistapólitíkusar æpa Álver, álver. Jarðgöng, jarðgöng. Árni í Byko er kosinn á þing af því að hann heldur því fram að jarðgöng milli lands og eyja  á virku eldstöðvasvæði sé raunhæfur möguleiki.

Við erum með dýralækni í hlutverki fjármálaráðherra. Svo óforskammaðan að hann notar sem rökstuðning við ráðningu héraðsdómara reynslu Þorsteins Davíðssonar í nefnd sem hann hefur aldrei starfað með sem eina af rökfærslum sínum. Og finnst svo að umboðsmaður Alþingis sem starfar með atkvæðum ALLRA alþingismanna sé ekki nógu faglegur í gagnrýni sinni á auðvirðilega ógeðslega  bittlingaveitingu dýralæknisins.

Sagnfræðingurinn sem er viðskiptamálaráðherra sagðist ætla að afnema stimpilgjöld sem er ein skammarlegasta gjaldtaka stjórnvalda. Nú á að afnema stimpilgjöld á þá sem kaupa fyrstu íbúðina. En hvenær er ósagt látið. Verður sennilega korter í kosningar.

Utanríkisráðherra er erlendis þannig að hún er ekkert að þvælast fyrir  Sjálfstæðisflokknum. Urriðamálaráðherra er í stjórnarandstöðu eftir kl. 20.00 á kvöldin en þangað til er hann spenntur að virkja ef það er fyrir Yahoo og Microsoft. Er kannski með plaggið Fagra Ísland nálægt tölvunni. Hvernig er þetta með Samfylkinguna? Er nóg að fá að vera memm?

Ljótasta dæmið um hvað við Íslendingar höfum kosið yfir okkur er samt það að ný nefnd sem er að fara yfir heilbrigðiskerfið og leiðir til að spara þar er leidd af Pétri Blöndal. Raunveruleikafirrtasta frjálshyggjureiknistokks hérna megin Alpafjalla. Milton Friedman var og Hannes Hólmsteinn er með fæturnar nærri sporbaug en hann nokkurn tímann á eftir að upplifa. Nema missa sína milljarða og þingkaupið. Þetta eru skelfilegar fréttir fyrir sjúkt fólk og eldri borgara.

Þessi ríkisstjórn mælist með um 70% fylgi. Hvernig á hún eftir að reynast núna þegar „útrásarvíkingarnir okkar“  og erlendir verðbréfakúrekar eru búnir að sýna fram á það að Seðlabankinn og ríkisstjórnin fara ekki með peningavöldin í landinu? Hvernig bregst ríkisstjórnin við því að heimilin eru að sligast?

Þessi ríkisstjórn bregst þannig við að hún kóar með verðbréfavíkingunum í þynnkunni og vona hið besta en ef ekki.... þá hefur hún alltaf þig til að borga brúsann. 

Fagra Ísland - ódýrari skiptimynt en íslenska flotkrónan?

Er Samfylkingin svo breimandi í samskiptum sínum við Sjálfstæðisflokkinn að LOFORÐ hennar eru orðin að ódýrri skiptimynt? Er Samfylkingin trúverðug sem stjórnmálaflokkur þegar það er talað út og suður um málefnin sem náðist ekki samstaða um við herra Haarde? Eða innan flokksins? Er Urriðamálaráðherra í sama flokki og hermálaráðherrarnir Solla og Bjössi rafbyssa? Er Gnúpverjinn að æfa að éta hattinn sinn? Heldur einhver innan ríkisstjórnarinnar í fullri alvöru að svokallaðar mótvægisaðgerðir þeirra vegna skerts kvóta virki fyrir Jón og Gunnu í byggðalögunum sem verða fyrir þessarri upplifun. Jón og Gunna verða gjaldþrota og mótvægisaðgerðirnar verða í besta falli til þess að fyrirtækin sem þau unnu hjá fara seinna á hausinn. Þetta er eins heimskulegt eins og byggja póstkerfið á bréfadúfum og gefa svo upp uppskrift af því hvernig best er að matreiða bréfadúfur.

Íslenski montbransinn var að springa með hvelli. Það ömurlega við það er að við venjulega fólkið komum til með að þurfa að borga þann brúsa. Með trilljónum í vexti. Og sum okkar koma ekki til með að ráða við þessa fjötur sem er verið að hengja á okkur í nafni útrásar og nýrrar sýnar. Það töpuðu tugir ef ekki þúsundir Íslendinga á blekkingum fyrrum forsætisráðherra og vinar hans á Decodebólunni. Sumir aleigu sinni og gott betur. Íslenska ríkið í boði Davíðs gaf þessu tekjulausa „hugsanlega“ framsækna fyrirtæki toppeinkunn með ríkisábyrgð. Þá á hana hafi ekki reynt.

Íslensk stjórnvöld hafa skitið upp á bak aftur og aftur. Björgúlfur Guðmundsson er núna loksins að ná í krafti núverandi áhrifa sinna að sýna fram á að Hafskipsgjaldþrotið var ekkert annað en pólitískt aftaka.

Það hlýtur að vera sérstaklega skemmtilegt fyrir hann í dag að hafa haldið um stjórnvölinn í eimskipskrabbanum þó ekki væri nema til að gera þessa táknmynd úrvalsdeildar elítunnar að kjánalegri skrípamynd raunverulegra viðskipta. 

En aftur að raunveruleika Jóns og Gunnu. Er enginn að biðja Samfylkinguna um skýr svör? Á hún að komast upp með að humma af sér Fagra Íslandið sitt þar til að við þurfum að kaupa mengunarkvóta frá Færeyjum? Það virðist núna vera í höndum hreppstjóra og sveitastjóra landsins hvar landinu verður misþyrmt næst af pólitískum álhausum.

Það að borga 11,9%vexti og lifa við um 8% verðbólgu er nóg til að gera fólki heitt í hamsi. En fílabeinsturn Seðlabankans og getulaus ríkisstjórn hafa ekki einu sinni dug til að afturkalla svívirðilegt eftirlaunafrumvarp sitt. Hvað þá að takast á viðmálefni Jóns og Gunnu.

Þessi ríkisstjórn fær ekki aðeins falleinkun hjá mér. Meira að segja Jóhanna Sigurðardóttir sem mér finnst eða fannst að ætti að vera teiknuð inn í félagsmálaráðuneytisteikningarnar, hljóta öll falleinkunn. Það hefur enginn Samfylkingarráðherra sýnt neitt annað en það að honum finnst vænt um að vera ráðherra.  Ekkert Fagra Ísland eða neitt annað en það að völd eru djúsí.......

Djöfull er ég feginn að ég sá í gegnum þetta FYRIR kosningar. 

afsláttur á kassa.........?

Í gær við matarinnkaupinn ákvað ég að fá mér svínarif í barbequesósu enda loksins komin aftur á normal verð í Nóatúni. 469 kr. kílóið sem er samt frekar mikið fyrir beinagrind með örlitlum kjöttætlum milli rifja. Á tilboðsspjaldinu stóð verð áður 689 pr. kg. en þegar kjötafgreiðslumaðurinn var búinn að afgreiða mig stóð kg. verðið 898 pr. kg. á pakkningunni. Ég reyndi að benda honum á misræmið milli tilboðsins, upprunalega verðsins á tilboðsspjaldinu og lokaverðsins á síðunni minni. Það var afgreitt með að afslátturinn væri á kassa. Gott og vel. Ég borgaði, fór heim og eldað fyrirtaks spareribs. Skoðaði svo kvittunina fyrir tilviljun. Beinagrindin sem ég keypti var 1,3 kg. Skv. Verðinu 489 pr. kg. hefði ég átt að borga kr. 635.- fyrir matinn en greiddi 1.167.- kr. Enginn afsláttur á kassa. Á ég að gera mér ferð í Nóatún og nöldra? Hversu margir hafa verið afgreiddir svona síðastliðna daga og lent í því sama og ég, jafnvel án þess að gera sér grein fyrir því?

Þetta er bara smá pæling um meðvitund neytenda og ósvífni verslana. Múrbúðin á skilið Fálkaorðuna fyrir að sýna fram á verslunarhætti MÚSKÓ þe. Mest, Húsasmiðjunnar og Bykó þó sérstaklega sem setur einhvern bullverðmiða á hlutina og býður svo 30% afslátt.

Það þarf ekki að taka það fram að Nóatún og Byko eru í eigu sömu aðila eins og Húsasmiðjan og Bónus.

Eini raunverulegi samkeppnismarkaðurinn sem hefur myndast hér er á sviði rafmagnstækja enda er verðlag á þeim orðið þolanleg.

Það að halda að verðlagning olíufyrirtækjanna, stóru matvöruverslananna, byggingarfyrirtækjanna, tryggingarfyrirtækjanna, símafyrirtækjanna og fleiri innbyrðistengdra fyrirtækja sé einhver tilviljun er kjánalegt.

Verðsamráð? Ætla ég að láta kæra mig fyrir  augljósa hluti? Er frjáls samkeppni og verðstríð milli fyrirtækja? Er Jóakim Von And til? Er íslenska ríkið orðið of lítið fyrir umheiminn? Og Jón Ásgeir og Björgólf?

Þegar greiðslubyrðin mín hefur aukist um 50.000 kr. á mánuði vegna vaxtabreytinga, það er falsað hvað svínabeinagrindin kostaði, tryggingarfélögin geta réttlætt aukin iðgjöld vegna lélegra fjárfestinga og fjárfestingarklúbbarnir vilja að almenningur sætti sig við að það kosti yfir 185 milljónir pr. starfsmann að reka batteríið er skítalykt af einhverju....... Ég fitja upp á nefið en nenni ekki að leiðrétta svínarifin. Kannski bara orðinn of samdauna þessum viðbjóði.

Sjálfsæðismenn?

Ég lenti í því fyrir mörgum árum síðan að vera að vinna grein eða auglýsingu um sjálfstæðisflokkinn í Vestmannaeyjum og skrifaði greinina þannig að á einum stað var þetta Sjálfsæðisflokkurinn. Ég tek það fram að ég skrifaði þetta á blýsetningarvél. Löngu fyrir tíma tölvunnar. Það sem þú skrifaðir var steypt í blý og prentað. Þar sem ég var álitin vel vinstri sinnaður var þessu tekið eins og um viljandi "prentvillu“ væri að ræða.

En ég ætla að spá hér og get veðjað miklu um þetta. Villi viðutan á að vera sætur næstu mánuði, verður síðan gerður að sérstökum ráðunaut hjá sambandi sunnlenskra sveitafélaga, einskonar sendiherra gagnvart Færeyjum og Grænlandi með Árna Johnssen sem sérlegan ráðunaut og hverfur af stjórnmálasviðinu af því að hann hefur svo mikið að gera við að láta grænlendinga sætta sig við að klamedýa sé landlæg. Síðar verður hann gerður að sérlegum ráðunaut Færeyinga í sveitarstjórnarmálum alveg eins og þegar Halldór Ásgrímsson sem enginn nennir að muna eftir var skipaður formaður í aumri samnorrænni ráðuneytisnefnd sem meira að segja svíar muna ekki hvað heitir. Né hver borgar nefndinni fyrir að vera til. En það er euro eitthvað og höfundur mesta þjófnaðar Íslandssögunnar er kátur með starfið.

Enn á ný látum við þjösnast á  samvisku okkar enda upptekin við leiðarljós og Greyið anatomí. Þjóðin er heimsk. Ekki eins heimsk eins og sú ameríska en fer alltaf nær og nær. Og við því er ekkert að gera. Eða hvað?

Rétt ætt, réttur flokkur, rétt ákvörðun.......

Jón Steinar Gunnlaugsson, Ólafur Börkur Þorvaldsson og Þorsteinn Davíðssson eiga ýmislegt sameiginlegt. Meðal annars það að vera ekki taldir með hæfustu mönnum til að gegna embætti dómara. En fá samt. Þeir eiga líka sameiginleg tengsl við fyrrverandi forsætisráðherra sem lagði niður þjóðhagsstofnun vegna þess að hún spáði ekki rétt. Að hans mati .

Einn er besti vinur hans, annar frændi og sá síðasti sonur. Fyrir yfirvaldið þe. núverandi er valið á þeim góður kostur. Kannski er dómsvaldið ekki að dæma rétt. Kannski þarf RÉTTA dómara í störfin.  Kannski var bráðnauðsynlegt að skapa mótvægi við samúð Baugsfeðga hjá dómstólum landsins.

Ég veit ekkert um þetta enda bara venjulegur maður sem reyni að vinna mína vinnu og horfi á hókus pókus sviptingar stjórnmálanna úr hæfilegri fjarlægð. En stundum getur maður ekki haldið kjafti. Ef að stjórnmálamenn á Íslandi hefðu einhverja sómatilfinningu væri í það minnsta gerð tilraun til að fela spillinguna og ætternisupprisuna sem er í gangi.

En þegar ég horfi á vandræðalegan fjármálaráðherra reyna með þjósti að réttlæta ráðningu Þorsteins Davíðssonar (sem ég efa ekki að er ágætur maður) umfram menn sem voru taldir af sértilvöldum hóp, hæfari, með röksemdafærslum sem halda ekki vatni eins og góðri íslenskukunnáttu og setu í dómnefnd um bókmenntaverðlaun. Já þá er fokið í flest. Ef ekki öll.

Og þegar menn eins og Sigurður Líndal sem hingað til  hefur talist hæfilega meðfærilegur fyrir Sjálfstæðismenn tekur af allan vafa um að þetta hafi verið ætternislegur þjösnaskapur vel taminna meðreiðarsveina fyrrverandi æðstavalds. Hvað þá?

Þjóððin upplifir að við höfum leikreglur sem gilda almennt um allt draslið. Sá hæfasti hljóti stöðuna osvfrv...... En það sé til hliðarregla. Eins og það að hafa skírteini í Framsókn eða  Sjálfstæðisflokki. Og gott ef Samfylkingarskírteini er ekki farið að gera sig líka. Þe. eftir að mjólkurbásinn varð hennar í boði herra Haarde.

Dýralæknirinn sem passar peninga landsmanna fór offari í Kastljósi við að réttlæta fyrirskipunina sem hann kokgleypti um að ráða fjórða hæfasta manninn í dómarasæti. Menntamálaráðherra kvartar undan því að Þorsteinn Davíðsson þurfi að líða fyrir að vera sonur Davíðs. Og gerir það að aðalatriði málsins.

Ef að það væri einhver jarðtenging til staðar myndi þetta sama fólk fatta að þetta snýst ekki um Þorstein son Davíðs eða hvar mörk valds ráðherra liggja. Né hvort nefndin hefði eitthvað til síns máls. 

Jón Steinar Gunnlaugsson hlaut dómaraembætti þrátt fyrir að vera ekki talinn hæfastur.

Það náðist samkomulag milli Björns Bjarnasonar, dómsmálaráðherra, og Hjördísar Hákonardóttur vegna úrskurðar kærunefndar jafnréttismála um að ráðherra hafi brotið jafnréttislög þegar hann skipaði Ólaf Börk Þorvaldsson dómstjóra í embætti hæstaréttardómara haustið 2003.  Hún var talin hæfari en Ólafur Börkur og fékk seinna dómarasæti þegar hún sótti aftur um. En eftir að frændi Davíðs hafði gengið fyrir.

Þetta snýst um pólitíska spillingu og óþefinn af henni. Þegar almenningur í landinu þarf að taka fyrir nefið vegna þess sem ráðherrar landsins gera og segja er ekki nóg að verja sig með röksemdafærslu eins og "góður í íslensku" eða reynsla af því að vera aðstoðarmaður herforingjans. 

Það er löngu orðið tímabært að stjórnmálamenn fari að fatta að það séu ekki allir kjósendur með gullfiskaminni. Framsókn er loksins búin að komast að því að 65 milljónir í auglýsingar duga ekki til að breiða yfir lygarnar og blekkingarnar.

 „Það ku hafa borið upp á einn og sama daginn að umsækjendum var tilkynnt kl. 11:30 að morgni að Björn Bjarnason hafi vikið sæti vegna skipunar héraðsdómara þar sem hann hafi veitt einum umsækjenda meðmæli og að Árni Mathiesen væri settur dómsmálaráðherra í hans stað, síðan kl. 14:30 um eftirmiðdaginn þá var Árni Mathiesen búinn að fara yfir umsóknir fimm umsækjenda, meta þær, bera þær saman við niðurstöðu dómnefndar, greina ágallana í þeirri niðurstöðu, ákvarða hver væri hæfastur og tilkynna það umsækjendum. Við höfum ekki séð svona snaggaraleg vinnubrögð síðan erlend kærasta framsóknarráðherrasonar þurfti íslenskan ríkisborgararétt til að komast til náms í Bretlandi.“

Sigurður Ingi Jónsson,  athugasemd við grein Óla Bjarnar Kárasonar

 Það er gott að vita að dýralæknirinn er snöggur að setja sig inn í málin og taka ákvarðanir. Nema það hafi þegar verið búið að taka þær fyrir hann. Ég hef allavega ekki hingað til séð nein burðug þrekvirki eða djarfleg frumkvæði fæðast á þeim bæ.

Pólitískur rétttrúnaður legrembunnar.

Legrembum landsins hefur vaxið fiskur um hrygg svo úr er orðið óféti sem nagar allt niður sem er ekki samkvæmt nýheilögum fræðum þeirra. Karlmaðurinn er af hinu illa nema hann sé tilfinningaörgeðja mýkingarefni í bleikum bol og sannfærður um kvenvonsku meðbræðra sinna. Og nú hafa jólasveinarnir meira að segja áhyggjur af vonsku manna sem upp til hópa stunda nauðganir og barsmíðar á kvenpeningnum.

Þessi barátta öfgalegrembna hefur ekkert með jafnrétti að gera. Þetta er subbulegur og einstrengingslegur þjösnagangur kvenna sem sjá mannvonskuna í hverju horni. Og ef þær hafa ekki tekið eftir því sjálfar vil ég benda á að JAFNT karlmenn sem kvenmenn eru búnir að fá upp fyrir eyru af þessum öfgafulla sértrúarsöfnuði.

Ósáttir við jólakort femínista