Þolir Landsvirkjun ekki eigin meðöl?????

Það er aumt þegar svona ósvífið fyrirtæki eins og Landsvirkjun sem í áróðri sínum og þvingunartilraunum(1) skælir undan því að fá ekki að stjórna umræðunni einhliða.  Níu af tíu landeigendum austan við Þjórsá hafa sagt AÐ ÞEIR ÆTLI EKKI AÐ SEMJA VIÐ LANDSVIRKJUN! Landsvirkjun lætur eins og það sé ekki einu sinni vandamál enda hafa þeir alltaf fengið sínu fram. Meira en helmingur kosningabærra manna í Flóahrepp ERU Á MÓTI URRIÐAFOSSVIRKJUNINNI. Það skiptir Landsvirkjun engu máli. 75.000 tonnum af jökulleir eða stóru fjalli verður dælt upp úr lóninu á hverju ári sem mun skapa mikið sandfok. Landsvirkjun áréttar að virkjunin hafi STAÐIST umhverfismat.

Núna eru þeir í fýlu af því að fólk er að koma saman og ræða þessi mál án þess að þeir fái að stjórna því hvað verður ofan á.

Ég tók saman greinar um þessar virkjanir á sínum tíma og kynnti mér allar skýrslur Landsvirkjunar. Þær eru það hriplekar, aðallega af upplýsingaleysi að í hverju siðmenntuðu landi hefðu þær verið sendar til föðurhúsanna og beðið um að þær yrðu KLÁRAÐAR áður en tekið yrði mark á þeim. Þannig var td. jarðfræðiskýrsla um áhrif virkjananna 5 BLAÐSÍÐUR! Og dugðu til að koma virkjununum gegnum umhverfismat þrátt fyrir að í þeim stæði að rannsaka þyrfti svæðið betur!!

Greinarnar eru hér: Lækjarsprænan Þjórsá og vald Landsvirkjunar

Lækurinn Þjórsá - Um kunnáttu þrastarins í japanskri Kamakazi hernaðarflugtækni 

 Hér er önnur um vinnubrögð Landsvirkjunnar á Kárahnjúkasvæðinu: 

en fólk getur leitað skjóls í trjám.......... 

 

Nokkrar góðar frá Ingibjörgu Elsu Björnsdóttir jarð-og umhverfisfræðing:

Varasöm jarðfræði við Þjórsá

Vatnsmesti foss Íslands hverfur

Nokkrar athugasemdir vegna virkjana í neðri hluta Þjórsár

 Svo mæli ég með að fólk kynni sér málin á Þjórsá.com

 
1. „það verður engin raforka fyrir netþjónabú nema við fáum að virkja í neðri-Þjórsá“.

Landsvirkjun gagnrýnir fræðaþing um Urriðafossvirkjun

Athugasemdir

[Gullvagninn (IP-tala skráð) 6.5.2008 kl. 11:21]

sérstaklega viðbjóðsleg áróðurstækni hjá þeim að spyrða saman þann iðnað sem er skárri en restin og segja að það verði að virkja óvinsælustu kostina svo hann komist á koppinn.

nóg orka fyrir álver í helguvík (?), en ekki fyrir netþjónafjós.

mér finnst að við eigum að fara að snúa þessari raforku umræðu aðeins um nokkrar gráður. 

Til dæmis - eigum við almenningur og garðyrkjubændur (eða aðrir í raforkufrekum smáiðnaði), eigum við ekki rétt á að fá raforku á sanngjörnu verði?  eru þetta ekki okkar mannvirki?

af hverju er orka (raf / hiti) ekki ódýr, virkilega ódýr, fyrir okkur sjálf?  hefur "heimsmarkaðsverð" á raforku eitthvað gildi þegar við ákveðum raforkuverð fyrir okkur sjálf?

[Ævar Rafn Kjartansson, 6.5.2008 kl. 22:42]

Ég var síðast í dag að velta fyrir mér hvernig garðyrkjubransinn á Íslandi væri ef þeir nytu þess að raforkan væri á svipuðu verði og hjá áliðnaðinum. Hversu stór gæti þá garðyrkjan orðið? En nei hér er hækkað verðið til okkar ef við notum orkuna minna sbr. hækkunum Orkuveitunnar vegna heitara sumars.