Guðlaugur staðfestir hroka......

Fyrirsögnin segir að Guðlaugur staðfesti styrkina. Framsetning hans og efnistök staðfesta hrokann sem einkennir hann og aðra Sjálfstæðismenn í varnarbaráttunni. Raunar ef fólk skoðar framsetningu „stjórnmálamannanna“ og svo hinna sem eru í framboði af því að þeim finnst „stjórnmálamennirnir“ ekki vera að standa sig, (Borgarahreyfingin, Lýðveldishreyfingin og Sturla fyrir Frjálslynda) er ljóst að það er himinn og haf milli veruleika flokksuppalninganna og fólksins í landinu. Þrátt fyrir stundum groddalega, vandræðalega og hikandi framsetningu ásamt því að segjast ekki þekkja málin nógu vel til að svara voru þessir óflokksuppöldu frambjóðendur manneskjulegir meðan út úr munnstútum atvinnupólitíkusanna spýttust hver meiningar- og þýðingarlausa frasaromsan á fætur annarri. Guðlaugur Þór og Össur fá falleinkun fyrir að tala án þess að segja neitt. Framsóknarmadaman ítrekaði og ítrekaði og ítrekaði og ítrekaði að það væri búið að skipta um andlit á Framsóknarspillingunni. Og 20% niðurfellingin er eins og milljarðurinn í fiíkniefnamálin 2000. Eða Fólk í fyrirrúmi sem Framsókn notar reglulega í kosninarbaráttunni. Án þess að segja hvort þetta fólk sé Finnur Ingólfsson, Alfreð Þorsteinsson Björn Ingi Hrafnsson og fleiri góðgæðingar eða fólkið í landinu. 

Ég persónulega hef ákveðið að kjósa EKKI stjórnmálamenn í næstu kosningum. Og vil hvetja alla til að gera það sama. Það að kjósa Ástþór Magnússon (þó ég gengi aldrei það langt), Borgarahreyfinguna, trukkabílstjórann eða hreinlega skila auðu eru mikilvæg skilaboð til fjórflokkanna sem hafa misboðið kjósendum í þessarri kosningarbaráttu með moðreyk og frasapólitík sem fólkið í landinu grátbiður um að vera laust við.  Það vill vita hvað er framundan. Hverjar framtíðarhorfurnar eru. Ekki að Össur sé spenntur fyrir Drekasvæðinu og álveri í Helguvík. Ekki að Framsókn hafi eignast nýja ásjónu. Ekki að Guðlaugur Þórhafi fengir 4 millur í framboðsrassvasann í umhverfi sem var eðlilegt þá fyrir þær upphæðir. Ekki að VG ætli að fara blandaða leið í að borga af landráði útrásaróþokkanna. 

Við viljum ekki lengur frasapólitík. Við viljum bara manneskjulegt umhverfi sem hægt er að lifa og hrærast í. Og stjórnmálaflokkarnir sem haldið hafa um stjórntauma landsins sl. áratugi hafa  fallið á því prófi.

 

Segir 40 aðila hafa styrkt sig

Geta stjórnmálamenn ekki gefið skýr svör?

Ég horfði á þennan fund eins og svo marga aðra á undan. Breytingin á formi þeirra er helst sú að flokkarnir eru farnir að smala klappstýrum sínum á þá. Hitt hefur ekkert breyst að sama hversu hart er að kveðið eru svörin svo loðin að helst væri tilfinningin sú að þeir sem fyrir svörunum standa séu að tyggja lopa um leið. ALLAR stjórnmálaFÍGÚRURNAR þar á meðal Björgvin G. sem ég hef haft mikið álit á töluðu í stjórnmálafrösunum sem við hin erum komin með upp í kok á. Atli Gíslason slapp kannski best af þeim sem tilheyra gömlu stjórnmálaflokkunum. Hins vegar kom mér á óvart frammistaða konunnar sem var fyrir Borgarahreyfinguna og enn meira mannsins sem kom fyrir hönd Jólasveinsins Ástþórs Magnússonar.

Svo velti ég mikið fyrir mér mærinni frá Sjálfstæðisflokknum. Var þetta Hanna Birna borgarstjóri Reykjavíkur? Nei bara samskonar kona steypt í sama mót með sömu frasana. Kona sem á auman málstað að verja og veit það. Framsóknarmaðurinn kom mér líka svolítið á óvart vegna þess að ég skynjaði skynsemi í kolli hans. Ekki bara í kolli mínum geymi ég gullið. Eins og Finnur Ingólfsson gerði frægt um árið.  Kannski er Framsókn að færast frá spillingu í hyglingu.

Lopaloðsboðsskapur starfandi flokka þrátt fyrir grafalvarlega stöðu fjölda heimila og einstaklinga á enn að skapa þeim atkvæði. Það að gefa tvíræð og loðin svör eða benda á evrópumöppudýraveldið sem lausnir á vanda heimilanna á að fá þig til að greiða þeim atkvæði. Þrátt fyrir að þú hafir aldrei fengið já eða nei svör við einni einustu spurningu sem brennur á þér. 

Ég er búinn að ákveða að hafna því að greiða þessum STOFNUNUM framar mitt atkvæði. Ég myndi greiða Þorgerði Katrínu, Jóhönnu, Atla Gíslasyni, Guðfríði Lilju og ýmsum fleiri atkvæði mitt ef persónukjör væri í boði. En þangað til ætla ég að kjósa venjulega Íslendinga sem eru einmitt að biðja um að það standi til boða. Ég kýs Borgarahreyfinguna.

Evrópustefnan verði á hreinu

Í fullri alvöru... ætlar þú að kjósa þetta?

Skv. skoðanakönnunum EIGA sjálfstæðismenn svona eins og Mansteftir Únited dygga fylgjendur sem breyta aldrei afstöðu sinni. Liverpool er að vísu með dyggari aðdáendur hér á landi en skv. skoðanakönnunum eru yfir 30% landsmanna púlarar. Aumingja ég held með 2. deildarliðinu Leeds og er jafn vonlaus í pólitík. En í fullri alvöru vil ég biðja ykkur um að horfa á þetta viðtal við eina helstu skrautfjöður Sjálfstæðisflokksins og segja mér svo hvað ætti að fá ykkur til að kjósa það sem hann stendur fyrir.

Óvænt fé í íslenskum banka

Barmaþrýstnar beibur og íslensk stjórnmál.

Vinsældalistastjórnmál hafa verið stunduð hér á landi um ómunatíð. Þannig hafa snoppufríðum fréttamönnum td. reynst auðvelt að komast á þing. Ef það væri bara vegna þess að raddir þeirra hljómuðu ábyrgðarfullar væri kannski hægt að skilja glæpinn en þegar fríðleiki og dramatísk fréttaframsetning mála veldur kjöri er full ástæða til að skoða hvað veldur því að fólk velur fulltrúa sína á þing. Ég held td. að Sigmundur Ernir hafi ekki mikið til málanna að leggja. Nema kannski ljóðrænt og snoppufrítt. Ef það er nóg að við könnumst við raddir séum við til í að kjósa áfylgjandi búk til þingmennsku er eitthvað mikið að í vali okkar á gæslumönnum velferðar okkar.  Björn Bjarnason og Árni Johnssen voru strikaðir út af fjölda Sjálfstæðismanna í síðustu kosningum. Miklum fjölda. En sátu glottandi á þingi sem fulltrúar síns flokks eftir síðustu kosningar. Þetta sýnir okkur að það er vitlaust gefið í lýðræðisátt.

Þau okkar sem mættu á Austurvöll og hrópuðu vanhæf ríkisstjórn erum í dagbókum Sjálfsstæðismanna öll vinstri græn á launum við að koma þeirri ríkisstjórn frá. Meðan sú skoðun ríkir enn þar er full ástæða til að hindra það að þeir haldi framar um ríkistaumana. Fyrir mér og kannski fullt af öðrum kjósendum snúast stjórnmál ekki um flokka. Þau snúast um hverjum við treystum til að vera fulltrúar okkar á þingi. Þannig treysti ég td. Þorgerði Katrínu. Ég treysti ekki snyrtipinnanum og erfðaprinsinum Birni Bjarnasyni til þess. Né frænda mínum Steingrími J. Sigfússyni.  Samfylkingin með sínum geðklofa skilaboðum hefur algerlega gert mig afhuga sér. Svikaplaggið „Fagra Íslands“ stendur enn í kokinu á mér. Enda er hún hvorki heitt né kalt. Og miðjumoðsvellinga þoli ég ekki. Sem afgreiðir hagsmunasamtökin Framsókn þar með.

Ég huxa að sá flokkur sem fari best út úr kosningunum verði sá sem fær Hófý eða Lindu Pé til að verða í fimmtánda sæti. Gott ef Sigmundur sonur mannsins sem fékk Kögun á brunaútsölu sjái það ekki fyrir.

Ég held að það sem ég sé að reyna að segja sé einfaldlega þetta: Hættið að koma fram við kjósendur eins og hálfvita og sannið að þið séuð hæf sem þingmenn.  Og þetta eru ekki einu sinni ósanngjarnar kröfur.  Eða hvað? Ef að lokaniðurstaða þessara kosninga verður sú að snoppufríðasta fólkið, barmamestu beiburnar og jakkafataklæddustu lögfræðingarnir verði áfram fulltrúar þjóðarinnar á þingi ætla ég að sækja um pólitískt hæli í Færeyjum. Ég er meira að segja til í að leggja á mig að læra tungumálið þar.

Takk fyrir, búið

Þetta er Fagra Ísland Samfylkingarinnar!

Þrátt fyrir óvissu um orkuöflun, mótstöðu gegn línulögnum og glóruleysi um fjármögnun stendur gleiðglottandi iðnaðarráðherra nú með aðstoð Sjálfstæðis- og Framsóknarálhausanna með heimild í höndunum um að selja raforku á frámunalegu smánarverði til álbræðslu sem kemur til með að borga eftir því hversu hátt álverð er. Sem hefur lækkað um ef ég man rétt 40% sl. mánuði. Samhliða því skattaívilnanir og annan rassasleykjuhátt sem tíðkast helst í spilltustu þróunarlöndum.

Fagra Ísland var eitt helsta kosningarplagg þessa miðjumoðsvellings fyrir sl. kosningar. Þar sem öllu fögru var lofað til að skora jafn vel og VG í umhverfismálum.  Ef Össur er stoltur og heldur að hann sé að vinna þjóðinni til hagsbóta sé ég ekkert annað í stöðunni en að setja hann af. Áður en álverseinræðið fer með okkur eins og bankaeinræðið.

Þú býður fólki aldrei í mat sem þú svo saltar annan helming disksins á og sykrar hinn helminginn.  Það þykir ekki góð matreiðsla. En hugnast Samfylkingunni.  Þessi grautur fær ekki mitt atkvæði meðan svona er. xO!

Ímyndið ykkur bara hvað garðyrkjubændur á Íslandi gætu gert ef þeir fengju rafmagnið á sama verði og útlensk stórfyrirtæki sum hver með mjög vafasama fortíð.

Lög um Helguvíkurálver samþykkt

Hvað má bjóða þér langa hengingaról?

Vissulega hefur núverandi ríkisstjórn (loksins) komið frá sér lögum um aðgerðir til að takast á við vanda heimilanna. En eins og einn maður orðaði það er þetta plástur á svöðusár. Heimilunum blæðir áfram út en hægar. Svona svipað og John Perkins talaði um samskipti okkar við IMF. Ef við reynum að borga lengist dauðastríðið. Það sér það hver heilvita maður sem er ekki með hausinn í rassgatinu á sér að þegar leikreglunar eru þannig að þú semur um ákveðna fasta prósentulaunahækkun en lánin þín hækka eftir því hver er að spila með íslensku álkrónuna, hversu margir jeppar eru fluttir inn til landsins og hver hamingjuvísitalan í Örfirisey og álverð á heimsmarkaði er er vitlaust gefið.

Og ekki bara vitlaust gefið heldur ósanngjarnt gefið. Af hverju höfum við sætt okkur við það að það sé eins og rússnesk rúlletta að fjárfesta í húsnæði hér á landi. Öryggi okkar í viðskiptum er jafn stabílt og íslensk veðrátta. Nú er ég ekki einn þeirra sem halda að með tilkomu evru lagist það enda man ég að það var talað um að sumar þjóðir hafi upplifað um 20% kjaraskerðingu við upptöku hennar. En krónan er dauð. Steindauð. Og það voru íslenskir braskarar með siðferðiskennd undir frostmarki sem drápu hana.

Í skýrslu IMF sem lak út til Financial Times mæltu þeir með  einhliða upptöku evru hjá sumum austur-evrópuþjóðunum. Stoltið af því að reka eigin mynt og hagkerfið er horfið hjá mér og í staðinn komin skömm þó ég haldi að ég hafi ekki verið neitt verulega sekur um hrunið.

Það er kominn tími á róttækar aðgerðir. Aðgerðir eins og leiðréttingu gengis og vísitölu. Aðgerðir þar sem er gefið jafnt. Ef lífeyrirssjóðirnir sem hafa tapað og tapað vegna lélegra fjárfestinga fara á hausinn við það á það að vera sakamál. Menn sem þiggja milljónir á mánuði fyrir að tapa fé eru  í besta falli vanhæfir, versta glæpamenn.

Það er engin sanngirni í því að venjulegt fólk beri byrðarnar af því sem stjórnvöld, útrásarhrægammar, lífeyrisjóðir og stjórnmálaflokkarnir hafa klúðrað. Ekki frekar en að taka á sig byrðarnar af dauðri krónu, verðtryggingu, spillingu, fölsku gengi og sýkingu síldarstofnsins.

Það þarf að gefa upp á nýtt og tryggja að allir fái jafn mörg spil á hendi. Þjóð sem eins og virðist vera raunin núna er svínbeygð undir afleiðingar glæps sem hún framdi ekki lætur ekki bjóða sér að setja byrðar glæpsins ofan á sínar eigin og töltir af stað. Ég er alla vega ekki einn þeirra. 

Og Jóhanna..... þessir tveir metrar sem þú bættir við hengingarólina mína. Það eina sem þeir gera fyrir mig er að ég get velt ranglætinu lengur fyrir mér.

Byggja þarf velferðarbrú

Hrollvekjandi fyrirsögn!

Þó að ég sé búinn að lesa greinina með þessari hrollvekjandi fyrirsögn og komast að því að þetta snýist ekki um það að Sjálfstæðis- og Framsóknarmenn hafi meirihluta á þinginu er ég enn með nettan hroll yfir fyrirsögninni. Eigum við eftir að lesa um það að Framsókn og Sjálfsstæðisflokkur séu að mynda næstu ríkisstjórn eftir kosningar? Framsókn er þegar byrjuð að markaðssetja sig á mbl.is sem nýjan flokk með nýja kosningavíxla eins og 20% niðurfellingu. Vefurinn þeirra er á ensku, pólsku, tælensku, spænsku, frönsku, dönsku og íslensku. Það skal flaggað öllu til að komast aftur að kjötkötlunum. Hver man eftir: Fólk í fyrirrúmi. - Milljarður í fíkniefnamálin. 90% Húsnæðislán. (Sem þeir að vísu stóðu við og á sjálfsagt stóran part í hruninu). Klisjusamkeppnin í ríkissjónvarpinu í gær sýnir okkur að þessum möppudýrum er ekki treystandi fyrir stjórn landsins. Málþóf Sjálfstæðismanna á þingi er þeim til skammar. Ég er búinn að taka ákvörðun um að styðja Borgarahreyfinguna vegna þess að ég vil venjulegt fólk á þing ekki flokksuppalninga og erfðaprinsa. Það er komið nóg af slíku.

Sjálfstæðismenn og framsóknarmenn í meirihluta

hvað eru fréttamenn mbl.is gamlir?

Eftir að lesa frétt eftir frétt af mbl.is þar sem staðreyndir, réttritun og þýðingar reynast kjaftæði velti ég fyrir mér hverjir skrifa þessar fréttir. Ég man eftir prófarkalesara þarna sem þoldi ekki gula kvikindið. Sem var sólin. En hann leiðrétti allt sem að honum var lagt. Þetta er helvíti aumt  þegar gjaldþrota fyrirtæki með 3ja. milljarða niðurfellingu skulda getur ekki einu sinni komið frá sér skuldlausri íslensku í áróðri sínum. 

Ungfrú alheimur hrifin af Guantánamo

Við höfum engan áhuga á að semja neitt við þig og erum að fara með þig í nauðungarsölu!

Hef verið að lesa yfir reynslusögur fólks af vef Hagsmunasamtaka heimilanna af viðskiptum við bankana sl. mánuði. Ætla að láta fylgja hér glefsur úr þessum greinum með tengingum inn á frásagnirnar í heild. Bankar eru enn bara starfræktir til að græða það kemur aldrei til með að breytast en það er alveg ljóst að skv. þessu að þeir eru ekkert á leiðinni með að breyta starsháttum sínum ef tekin eru mið af þessum dæmum.

Sigrún Ægisdóttir: „En lánið sem ég tók fyrir fyrirtækið uppá 9.000.000 stendur enn í því sama þó að ég sé búin að borga í rúm 4 ár yfir 160.000 á mánuði, hvernig er það hægt ég hef verið í viðræðum við bankann og er komin í vanskil með lánið og þá kemur intrum til sögunna, mér finnst þetta skelfilegt hvað ég er að borga í vexti og kostnað. Síðan eiga eftir að koma vextir af skatti og fleira. Maður þarf að setja sjálfan sig á hausin . En það er ekki það sem ég vil ,ég vil halda haus en fyrir hvern?“ Meira.

Sigurður Hólmar Karlsson: „Lítil en sönn saga af innheimtuaðferðum Kaupþings eftir að ríkisstjórnin beindi þeim tilmælum til ríkisbankanna að milda innheimtuaðgerðir og koma til móts við heimilinn í landinu“. Meira.

Sólveig Jóhanssdóttir: „Á því hvílir verðtryggt lán sem var 15 millj. en er nú 20. Í desember ákváðu þau að athuga með frystingu á vöxtum þar sem þau voru í skilum en sáu fram á tekjuskerðingu. Það var EKKI auðsótt, dregið var úr ávinningi, bara frestur á illu, munaði ekki NEMA 18 þús. á mánuði o.sv.frv. (Það tekur því ekki að tala um neitt undir milljarði greinilega). Ekkert varð því úr þessu en svo kreppti enn frekar að og ekki náðist að greiða feb. og mars. Þá er hringt frá bankanum og sagt að nú sé þetta á leið í innheimtu, ekkert hægt að semja um neitt en ef þau komist í skil þá sé hægt að fá vaxtafrystingu!“  Meira.

Kristján Blöndal: „hringdi Ellý Sæunn Reimarsdóttir þjónustufulltrúi hjá Kaupþingi í Hafnarfirði úr símanúmerinu 5802712,til þess að segja mér að umsókn mín um frystingu á lánum hafi verið synjað á þeim forsendum að staða mín væri jákvæð,en bankinn var búinn að reikna það út og að eftir stæðu um það bil 4.000 kr. í afgang (á mánuði).“ Meira.

Steinar Immanúel Sörensson: „Búið var að greiða um 1/3 af láninu, en við hættum að greiða af þvi við fall bankanna þar sem við teljum nyja kaupþing banka ekki hafa lagalega heimild til þess að innheimta þetta án okkar samþykkis og hef ég bréf frá fjármálaeftirlitinu sem ég tel að megi túlka á þann veg, gjaldfelldur höfuðstóll er orðinn 1.479.618.“ Meira.

 

Gagnrýna samninga við fjármálafyrirtæki

Hverslags bull er þetta?

100 - 200 manns leita eftir greiðsluaðlögun. Það eru nánast 20.000 manns atvinnulausir í landinu í dag. Halda stjórnvöld virkilega að 3 ráðgjafar og aðstoð við 100-200 manns sé málið? Þetta er skelfileg veruleikafyrring. Það er ekki nóg með að það sé vitlaust gefið með því að verðtryggja skuldir en ekki tekjur fólks heldur gerist enn ekkert í vaxtaokrinu. Ef þetta er lausnin gef ég lítið fyrir hana og þessa ríkisstjórn. Það verða þúsundir húsnæðislausir á komandi hausti með þessu framhaldi og sennilega þúsundir flúnir land.

Þess utan sýnist mér svona eftir að fara á hundavaði yfir þessi nýju lög, þau vera auðmýkjandi fyrir skuldara sem í raun er kominn í fjárhagsvörslu tilsjónarmanns sem getur hagað sinni vinnu eftir sínum geðþótta.

Fjöldinn sem þarf greiðsluaðlögun vanmetinn