Barmaþrýstnar beibur og íslensk stjórnmál.

Vinsældalistastjórnmál hafa verið stunduð hér á landi um ómunatíð. Þannig hafa snoppufríðum fréttamönnum td. reynst auðvelt að komast á þing. Ef það væri bara vegna þess að raddir þeirra hljómuðu ábyrgðarfullar væri kannski hægt að skilja glæpinn en þegar fríðleiki og dramatísk fréttaframsetning mála veldur kjöri er full ástæða til að skoða hvað veldur því að fólk velur fulltrúa sína á þing. Ég held td. að Sigmundur Ernir hafi ekki mikið til málanna að leggja. Nema kannski ljóðrænt og snoppufrítt. Ef það er nóg að við könnumst við raddir séum við til í að kjósa áfylgjandi búk til þingmennsku er eitthvað mikið að í vali okkar á gæslumönnum velferðar okkar.  Björn Bjarnason og Árni Johnssen voru strikaðir út af fjölda Sjálfstæðismanna í síðustu kosningum. Miklum fjölda. En sátu glottandi á þingi sem fulltrúar síns flokks eftir síðustu kosningar. Þetta sýnir okkur að það er vitlaust gefið í lýðræðisátt.

Þau okkar sem mættu á Austurvöll og hrópuðu vanhæf ríkisstjórn erum í dagbókum Sjálfsstæðismanna öll vinstri græn á launum við að koma þeirri ríkisstjórn frá. Meðan sú skoðun ríkir enn þar er full ástæða til að hindra það að þeir haldi framar um ríkistaumana. Fyrir mér og kannski fullt af öðrum kjósendum snúast stjórnmál ekki um flokka. Þau snúast um hverjum við treystum til að vera fulltrúar okkar á þingi. Þannig treysti ég td. Þorgerði Katrínu. Ég treysti ekki snyrtipinnanum og erfðaprinsinum Birni Bjarnasyni til þess. Né frænda mínum Steingrími J. Sigfússyni.  Samfylkingin með sínum geðklofa skilaboðum hefur algerlega gert mig afhuga sér. Svikaplaggið „Fagra Íslands“ stendur enn í kokinu á mér. Enda er hún hvorki heitt né kalt. Og miðjumoðsvellinga þoli ég ekki. Sem afgreiðir hagsmunasamtökin Framsókn þar með.

Ég huxa að sá flokkur sem fari best út úr kosningunum verði sá sem fær Hófý eða Lindu Pé til að verða í fimmtánda sæti. Gott ef Sigmundur sonur mannsins sem fékk Kögun á brunaútsölu sjái það ekki fyrir.

Ég held að það sem ég sé að reyna að segja sé einfaldlega þetta: Hættið að koma fram við kjósendur eins og hálfvita og sannið að þið séuð hæf sem þingmenn.  Og þetta eru ekki einu sinni ósanngjarnar kröfur.  Eða hvað? Ef að lokaniðurstaða þessara kosninga verður sú að snoppufríðasta fólkið, barmamestu beiburnar og jakkafataklæddustu lögfræðingarnir verði áfram fulltrúar þjóðarinnar á þingi ætla ég að sækja um pólitískt hæli í Færeyjum. Ég er meira að segja til í að leggja á mig að læra tungumálið þar.

Takk fyrir, búið

Athugasemdir

[Sigurjón, 18.4.2009 kl. 02:48]

Hættið að kjósa gömlu flokkana og farið að hugsa...

[Gullvagninn (IP-tala skráð) 18.4.2009 kl. 11:24]

Þeir sem tala við fólk af sjónvarpsskjánum verða "vinir" þeirra, fólkinu finnst þeir horfa í augu sín og tala við sig meðan ekkert er fjær raunveruleikanum.  Fólkið er inni í galdrahelli, starir á móti flóðljósum í dautt auga upptökuvélar og les orðin sín af teleprompter.  Tómt fals, ekkert innihald.

gangi þér vel í kosningunum

[Brjánn Guðjónsson, 19.4.2009 kl. 18:03]

er ekki einmitt stefna sumra að auka hlutfall kvenna um allar jarðir? Alþingi þar með talið.

fleiri brjóst á þing

[Ævar Rafn Kjartansson, 19.4.2009 kl. 19:13]

Brjánn, brjóstunum fjölgar ekki með fleiri konum á þing........ en þau verða kannski framstæðari í sumum tilfellum.