hvað eru fréttamenn mbl.is gamlir?

Eftir að lesa frétt eftir frétt af mbl.is þar sem staðreyndir, réttritun og þýðingar reynast kjaftæði velti ég fyrir mér hverjir skrifa þessar fréttir. Ég man eftir prófarkalesara þarna sem þoldi ekki gula kvikindið. Sem var sólin. En hann leiðrétti allt sem að honum var lagt. Þetta er helvíti aumt  þegar gjaldþrota fyrirtæki með 3ja. milljarða niðurfellingu skulda getur ekki einu sinni komið frá sér skuldlausri íslensku í áróðri sínum. 

Ungfrú alheimur hrifin af Guantánamo

Athugasemdir

[Páll Jónsson, 1.4.2009 kl. 07:21]

Áróðri? Ég las þetta nú þannig að verið væri að gera grín að stúlkunni.

En þú áttir kannski við fréttaflutning þeirra almennt.

[Ævar Rafn Kjartansson, 1.4.2009 kl. 10:16]

Já fréttaflutninginn. Þessi athugasemd mín var meira svona einkisvert pirringskast.

[Árni Gunnarsson, 1.4.2009 kl. 14:39]

Enda skrifar þú betri íslensku sjálfur en allur þorri fólks á þessum vettvangi.

[Halldór K Kjartansson, 3.4.2009 kl. 22:33]

Skoðaði hún líka strönd fanganna ?

[Árni Gunnarsson, 4.4.2009 kl. 23:40]

.....á skuldlausri íslensku!!!! Dæmalaust skemmtilega að orði komist.

[Rakel Sigurgeirsdóttir, 5.4.2009 kl. 02:03]

Þú ert alveg frábær penni og þess vegna væri miklu nær að þú værir með atvinnu af því að skrifa fréttir en margir þeirra sem sitja að henni bæði á Morgunblaðinu og víðar. Það er orðið þó nokkuð síðan prófarkalesarar voru skornir niður hjá fjölmiðlunum samkvæmt mínum heimildum a.m.k. Það var ekki eingöngu fyrir það að þeir þóttu óþarfa munaður heldur líka leiðinlegar og afturhaldssamar slettirekur.

[Ævar Rafn Kjartansson, 5.4.2009 kl. 18:09]

Konan mín vann á Morgunblaðinu í mörg ár og svo fyrir ca. 2 árum á Fréttablaðinu við umbrot. Hún gerði mikið grín að „fréttafólkinu“ sem var með útlit, frasa og framkomu á hreinu. En vissi ekki svo mikið um umheiminn. Annað en það hafði lesið um. Upp í nefið á þessu fólki ringdi. Ekki vegna vitsmuna heldur titils.

[Rakel Sigurgeirsdóttir, 5.4.2009 kl. 18:35]

Ég heimsótti margar fréttastofur á meðan ég var í námi og vann síðan sjálf á einum fjölmiðli. Ég efast þess vegna ekki um þessa upplifun konu þinnar á fréttamönnunum. Ég held reyndar að hrokinn sé yfirleitt skjól til að fella sig í. Það þarf að breiða yfir þekkingar- og hæfileikaskortinn. Í stað þess að horfast í augum við slíkt fela margir sig í hrokanum og því að gera lítið úr öðrum í þeirri viðleitni að breiða yfir sína eigin vanhæfni.

[Gullvagninn (IP-tala skráð) 18.4.2009 kl. 10:57]

Komment ykkar Rakelar skýra marg varðandi "fréttamennskuna" sem við látum okkur hafa. 

Ef þessi mbl stubbur er skrifaður sem háð á fegurðardrottninguna, þá hefur mikið týnst við þýðinguna.