Ungmenni á fimmtugsaldri?

Yfirborðsfréttamennskan í þessari grein er fyrir neðan allar hellur. Þó að einhver hluti mótmælenda sé ungur þá eru nokkrir þeirra komin áratugi frá því að teljast ungmenni. Hver er hugsunin með þessu orðalagi? Gera lítið úr mótmælendunum sem krakkakjánum? Draga úr vægi þeirra vegna aldurs? Þessi fréttafölsunarmennska er ekki til þess fallin að auka tiltrú almennings á blaðamenn og ritstjórnir fjölmiðla. Og mega þeir nú ekki við meiru eins og sakir standa.

Segjast hættir í bili

Athugasemdir

[Hanna, 17.12.2008 kl. 11:04]

Mikið er ég sammmála þér.

[Heiða B. Heiðars, 17.12.2008 kl. 11:06]

Oh hvað ég vildi að ég hefði mætt í morgun!!

Svoooo langt síðan ég hef verið kölluð "ungmenni"

[Rakel Sigurgeirsdóttir, 17.12.2008 kl. 23:46]

Það er alltof algengt að það er gert lítið úr skoðunum ungs fólks og því miður hefur það gerst að fjölmiðlar gera lítið úr þýðingu einstakra mótmæla með því að sýna þaðan eingöngu myndir af ungu fólki. Þetta var tilfellið með mótmælin í Ráðhúsinu við þar síðustu borgarstjóraskipti.

Þeir sem voru viðstaddir þessi mótmæli urðu vitni af því að þarna voru ungir og aldnir og fólk úr öllum flokkum. Fjölmiðlar drógu hins vegar upp þá mynd að þarna hefðu verið nær eingöngu mjög ungt fólk og langflest meðlimir í UVG. Með þessu tókst þeim því miður að slá verulega á þýðingu þessara mótmæla í hugum margra sem sáu aðeins umfjöllun fjölmiðla á þessari uppákomu.

[SM, 18.12.2008 kl. 12:52]

það voru margir um tvítugt þarna, margir líka sem eru bara mjög unglegir kannski, margir yfir þrítugt, sumir yfir fimmtugt...