Björgum landinu...........

Í dag höfum við möguleika á því að breyta íslandi í velferðarríki. Með því að kjósa ekki þá flokka sem hafa stjórnað sl. ár. Þessir flokkar hafa notað áróður sem á ekkert skylt við skynsemi til að hræða fólk frá því að  kjósa aðra flokka. Við getum alveg gefið manneskjulegri hugsun svigrúm og séð hvað gerist. Það er ekki hætta á atvinnuleysi á næstu áratugum. Þetta er svona rússagrýluáróður og frekar lúinn. Það er ekki hætta á því að fyrirtæki hrökklist úr landi. (Meira en verið hefur). Það er ekki hætta á hallærislegu handbremsustoppi eina ráðherrans sem enginn kaus yfir sig. Það er ekki hætta á því að hagvöxtur minnki. Það er öruggt að með stöðvun virkjana- og álversframkvæmda verður slegið á verðbólgu og þenslu. Og með því lækka skuldir okkar.

Það er öruggt að ef við komum þessari ríkisstjórn frá völdum verður sú kynslóð sem við skuldum mest ekki sett saman í herbergi með ókunnum eða hjónum stýjað  sundur á síðustu æviárunum.

Við höfum tækifæri til að gera Ísland aftur vistvænt, friðsamt og manneskjulegt.

Ekki láta áróður um árangur áfram - ekkert stopp gera þig að kjósanda með gullfiskaminni. Eini árangur þessa flokks er met í ráðherrum og spillingu.

Athugasemdir

[Þarfagreinir, 12.5.2007 kl. 18:09]

Heyr, heyr!