Urrrr.... IMF sýndi tennurnar eftir allt saman!

Vextir fara lækkandi á evrusvæðinu eru 3.75% ef ég man rétt. Hér á að setja 18% stýrivexti á almenning í boði IMF.Geir Haarde LAUG þegar hann sagði að sjóðurinn hefði ekki sett nein ÍÞYNGJANDI SKILYRÐI! Hvað er þetta?

Hvernig væri að skrá bara gengið eins og það er skráð erlendis í staðinn fyrir að setja krónuna á flot með háum stýrivöxtum?

Gengið hér er skráð Evra= 152 krónur  en erlendis Evra=240 krónur. (Reuters grein)

Flestar aðrar þjóðir eru að lækka stýrivexti Sjá hér.

Er einhver sem hefur enn trú á seðlabankanum? Eða þessari ríkisstjórn.

Aðgerðirnar þýða á mannamáli= öllum byrðunum verður hlúnkað á axlir okkar og þeirra örfáu fyrirtækja sem gefast ekki upp núna!

Drakúlakynslóð Íslendinga mergsaug sparifé foreldra sinna út úr bönkunum á sínum tíma, byggði sér hallir í óðaverðbólgu og skelltu svo syndum sínum yfir á komandi kynslóðir með verðtryggingunni. Þessi kynslóð ræður ríkjum á Íslandi. Í ríkisstjórn, seðlabanka, stjórnmálaflokkum og embættisbittlingakerfinu!
Þessi kynslóð kom á verðtryggingu eftir að hafa byggt yfir sig með þjófnaði á sparifé foreldra sinna.
Þessi kynslóð skuldbatt þig til að greiða fyrir sukkið sitt.
Þessi kynslóð vill að við tökum sig alvarlega.
Hún vill líka að foreldrar sínir sem hún svipti sparifé sínu og svívirti, taki sig alvarlega.

Þessi kynslóð vill fela aumingjaskap sinn í því að byggja upp alþjóðlegan auðhringjaiðnað á landinu og gera það að griðstað fyrir fyrirtæki sem svífast einskis í kröfunni um aukinn arð burtséð frá sjónarmiðum um náttúruvernd og manneskjulegt líf.

Markmiðin snerust um að vera með í hlutafélagaævintýrum þeirra sem seldu með 300% gróða handan við hornið. Hvað hefur það fært okkur?

Viðhorfum okkar hinna sem héldu að lífið snerist um manneskjuna var hlegið af.

Viðhorfum sem koma aldrei til með að vera metin með núráðandi vargfugla áfram við stjórnvölinn.

Þetta skrifaði ég fyrir einu og hálfu ári síðan:

Í fyrsta lagi og það gerist ekkert fyrr en það verður lagað af stjórnvöldum þá er FÁKEPPNI á flest öllum mörkuðum hér á landi. Það eru 2 blokkir sem ráða matvörumarkaðinum, 2 sem ráða byggingaiðnaði, 3 tryggingafélög, 3 bankar, 3 olíufélög, bifreiðaumboðin á fárra höndum, skipa- og flugfélögin líka,  fjölmiðlar samanþjappaðir í höndum þessara sömu aðila og passað að hafa verðið svona kurteisislega krónum minna eða meira eftir atvikum. Og málið er að þetta ERU ALLT SÖMU FÁU AÐILARNIR!

Í öðru lagi eru neytendasamtökin hér tannlaus kettlingur ekki ljón.

 Jón Ásgeir, Björgúlfur og handfylli í viðbót gætu kollvarpað íslensku samfélagi með nokkrum ákvörðunum ef þeim sýndist sem svo. Gert íslensku krónuna að meiri skrípamynd en hún er nú þegar og stjórnvöld hafa engin ráð til að tryggja sjálfstæði krónunnar.

Hverjir svo kollvörpuðu samfélaginu á eftir að koma í ljós en Seðlabankinn og ríkisstjórnin eiga þar greinilega stóran hluta.

 

Frostkaldur andardráttur IMF